မန်စီးတီးတွင် နောက်ထပ် နှစ်နှစ်ဆက်ရှိနေမည့် စာချုပ်သစ်အတွက်
သဘောတူညီမှုရပြီး ကောလာဟလများကို ဂွါဒီယိုလာ အဆုံးသတ်ခဲ့
မန်စီးတီးမန်နေဂျာ ဂွါဒီယိုလာသည် ကလပ်နှင့် စာချုပ်သစ်ချုပ်ဆိုရန် သဘောတူညီလိုက်ခြင်းဖြင့် အနာဂတ်နှင့် ပတ်သက်သောထွက်ပေါ်နေသည့်ကောလာဟလများကို အဆုံးသတ်လိုက်သည်။
၎င်းသည် မူလက လက်ရှိစာချုပ်သက်တမ်းကုန်ဆုံးမည့် ရာသီကုန်ချိန်တွင် မန်စီးတီးမှထွက်ခွာဖွယ်ရှိကြောင်း ထင်ကြေးများပေါ်ထွက်ခဲ့သလို အင်္ဂလန်နည်းပြရာထူးအတွက်လည်း ချိတ်ဆက်မှုများရှိခဲ့သူဖြစ်သည်။
ထို့ပြင် ဂွါဒီယိုလာသည် ၎င်း၏အဓိကလုပ်ဖော်ကိုင်ဖက်တစ်ဦးဖြစ်သူ ဘီဂရီစတိန်း ထွက်ခွာသွားခြင်းကြောင့် ရာသီကုန်ချိန်တွင် ၎င်းသည်လည်း အီတီဟတ်ကို စွန့်ခွာနိုင်ဖွယ်ရှိကြောင်း ကောလာဟများထွက်ပေါ်ခဲ့သည်။
ယခုအခါတွင် ဂွါဒီယိုလာသည် မန်စီးတီးတွင် အနိမ့်ဆုံး နှစ်နှစ်ထပ်မံရှိနေမည့် ၂၀၂၇ ခုနှစ်အထိ သက်တမ်းရှိသော စာချုပ်သစ်ချုပ်ဆိုရန် သဘောတူညီလိုက်ပြီဖြစ်ပြီး ကလပ်အနေဖြင့် အဆိုပါသတင်းကို မကြာမီရက်ပိုင်းအတွင်း အတည်ပြုကြေညာသွားဖွယ်ရှိကြောင်း သတင်းများကဖော်ပြခဲ့ခြင်းဖြစ်သည်။
ဂွါဒီယိုလာသည် မန်စီးတီးကို ပရီးမီးယားလိဂ်ဖလား ခြောက်ကြိမ်တိုင် ရယူပေးထားနိုင်သော်လည်း လက်ရှိတွင် ၎င်းလက်ထက် အဆိုးရွားဆုံးအခြေအနေနှင့်ရင်ဆိုင်နေရပြီး ပြိုင်ပွဲစုံ လေးပွဲဆက် ရှုံးပွဲကြုံခဲ့ရကာ ပရီးမီးယားလိဂ်တွင်လည်း လီဗာပူးအောက် ငါးမှတ်အကွာ ဒုတိယနေရာ၌သာ ရပ်တည်နေရပြီး မကြာသေးမီကပင် အသင်းကို ပြန်လည်မြှင့်တင်၍ ထိပ်ဆုံးသို့ ပြန်သွားလိုကြောင်း ဖွင့်ဟထားသူဖြစ်သည်။
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။