ချစ်သူဇနီးလောင်းလေးကနေ ဇနီးအဖြစ်သို့ရောက်ဖို့ မင်္ဂလာမော်ကွန်းတင်လက်မှတ်ရေးထိုးလိုက်တဲ့ ပိုင်တံခွန်
ပြည်တွင်း ပြည်ပ ပရိသတ် အားပေးမှု အခိုင်အမာရရှိထားတဲ့ နိုင်ငံကျော်မင်းသား ပိုင်တံခွန်နဲ့ မလင်းမြဖူး@စမိုင်းလ်တို့ ချစ်သူစုံတွဲက မင်္ဂလာမော်ကွန်းတင် လက်မှတ်ရေးပွဲကို ယနေ့ ဖေဖော်ဝါရီလ ၂၅ ရက်နေ့မှာ ကျင်းပခဲ့ပါတယ်။
ယနေ့မှာ ” ဇနီးလောင်းလေးကနေ ဇနီးအဖြစ်သို့” လို့ မင်းသားပိုင်တံခွန်က နှစ်ဖက်မိဘဆွေမျိုးတွေရှေ့မှာလက်မှတ်ရေးထိုးပြီးတော့ ပရိသတ်ကို တရားဝင်ချပြလာတာပါ။
ပြီးခဲ့တဲ့ ၂၀၂၄ ခုနှစ် ဒီဇင်ဘာ ၂၉ ရက်က ပိုင်တံခွန်နဲ့ ချစ်သူလင်းမြဖူးတို့ရဲ့ မြန်မာ့ရိုးရာ ထုံးတမ်းစဉ်လာအတိုင်း စေ့စပ်တောင်းရမ်းမင်္ဂလာကို ကျင်းပခဲ့တာလည်း ဖြစ်ပါတယ်။
မြန်မာ့ရိုးရာ ထုံးတမ်းစဉ်လာအရ စေ့စပ်တောင်းရမ်းတဲ့အပေါ် ဝမ်းသာလွန်းလို့ ဖခင်ဖြစ်သူ မြန်မာနိုင်ငံ ဆီကုန်သည်များနှင့် ဆီလုပ်ငန်းရှင်များအသင်း (MEODA) ဥက္ကဋ္ဌ ဦးဆန်းလင်းက ပီတိမျက်ရည်ကျခဲ့ပါသေးတယ်။
သူတို့ နှစ်ယောက်ကတော့ ချစ်သူသက်တမ်း ၄ နှစ်ကျော်ထိ သစ္စာရှိရှိချစ်ခဲ့ပြီးတော့ ချစ်သူမိန်းကလေးကို နှစ်ဖက်လူကြီးမိဘတွေရှေ့မှာ တန်ဖိုးထားပြီး တောင်းရမ်းခဲ့တာလည်းဖြစ်ပါတယ်။
Post လေးတင်ထားတဲ့အောက်မှာ “ပိုင်တံခွန်ကို ပိုင်ဆိုင်ရတဲ့မိန်းကလေး အရမ်းကံကောင်းတာပဲ၊ စိတ်ထားလေးလည်းကောင်း တိလေးတွေလည်းချစ်တတ်မို့ ရိုးမြေကျ ပေါင်းဖက်ကြရပါစေ”၊ “25-2-25 ရက်လှလှလေးမို့ ဘဝခရီးလည်း လှပကြပါစေ”၊ သူမတူ ပကာသနမပါ တကယ့်မိသားစု စင်စစ်ရယ် တိလေးတွေပါမချန် အလေးထား လုပ်နိုင်တဲ့ မင်္ဂလာမျိုးမို့ ရှာမှရှားပေမို့ ဝမ်းသာဂုဏ်ယူတယ်ကွယ်” ၊ “ယနေ့မှစ နှစ် ၁၀၀ တိုင် သာယာပျော်ရွှင်ပြီးပြည့်စုံသော မိသားစုဘဝလေးကို ပိုင်ဆိုင်ကြပါစေ”၊ မိစုံဖစုံ မိသားစု အစုံအလင်ကျက်သရေမင်္ဂလာ အဖြာဖြာပြည့်ဝကြပါပေသည်” ၊ “ရင်မခုန်တော့ ဘူး ex,ရေ” စတာတွေ ပရိသတ်တွေက ရေးသားဖော်ပြထားကြပါတယ်။မကြာခင်မှာတော့ ချစ်သူနှစ်ဦးရဲ့ ထိမ်းမြားမင်္ဂလာ လက်ထပ်ပွဲကြီးကိုလည်း ဆက်လက် ကျင်းပသွားမှာလည်းဖြစ်ပါတယ်။
ရေးသားသူ-Crd
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ