ခင်ပွန်းကို ကျောက်ကပ်ထုတ်ရောင်းဖို့ သိမ်းသွင်းပြီး ငွေတွေယူကာ ချစ်သူနဲ့ထွက်ပြေးခဲ့တဲ့ အမျိုးသမီး
အိန္ဒိယအမျိုးသမီးတစ်ဦးဟာ ခင်ပွန်းဖြစ်သူကို ကျောက်ကပ်တစ်ဖက် ထုတ်ရောင်းအောင် သိမ်းသွင်းပြီး ငွေတွေယူဆောင်ကာ သူ့ချစ်သူနဲ့ ထွက်ပြေးသွားခဲ့ပါတယ်။ အနောက်ဘန်ဂေါပြည်နယ်မှာ နေထိုင်တဲ့ အမျိုးသမီးဟာ သမီးဖြစ်သူရဲ့ ပညာရေးကို အကြောင်းပြပြီး ခင်ပွန်းဖြစ်သူကို ကျောက်ကပ်တစ်ဖက် ထုတ်ရောင်းအောင် သိမ်းသွင်းခဲ့တာပါ။
ပြောဖန်များတော့ အမျိုးသားကလည်း ကျောက်ကပ်ရောင်းဖို့ သဘောတူခဲ့ပြီး မှောင်ခိုဈေးကွက်မှာ ကျောက်ကပ်ဝယ်မယ့်သူ လိုက်ရှာခဲ့ပါတယ်။ တစ်နှစ်ကြာ ရှာဖွေခဲ့ပြီးနောက်မှာတော့ လွန်ခဲ့တဲ့ သုံးလက ဝယ်လက်တွေ့ခဲ့ပြီး ရူပီး ၁ သန်း (အမေရိကန်ဒေါ်လာ ၁၁၅၀၀)နဲ့ ကျောက်ကပ် ရောင်းခဲ့ပါတယ်။
အဲဒီငွေကို သူ့မိန်းမထံ အပ်ထားခဲ့ပြီး သူ့မိန်းမက ငွေတွေယူကာ ချစ်သူနဲ့ ထွက်ပြေးသွားခဲ့တာပါ။ သူ့မိန်းမဟာ ဖေ့ဘွတ်ခ်သုံးရင်း ဘာရက်ပိုရီမြို့မှ အမျိုးသားတစ်ဦးနဲ့ ချစ်ကြိုက်ခဲ့ပြီး သူတို့နှစ်ယောက် ထွက်ပြေးဖို့ အကွက်ကျကျ စီစဉ်ထားခဲ့တာ ဖြစ်ပါတယ်။
ခင်ပွန်းဖြစ်သူက ဒီအကြောင်းကို ရဲစခန်းမှာ တိုင်ချက်ဖွင့်ခဲ့ပြီး ရဲတွေက အမျိုးသမီးကို လိုက်လံရှာဖွေတော့ ဘာရက်ပိုရီမြို့မှာ ဖမ်းမိခဲ့တာပါ။ အမျိုးသမီးကတော့ ခင်ပွန်းဖြစ်သူကို ” ရှင် ကြိုက်တာ လုပ်၊ ကျွန်မကတော့ ရုံးကနေ ကွာရှင်းခွင့်တောင်းမယ်”လို့ ပြန်ပြောခဲ့ပြီး အခုချိန်မှာတော့ အမှုရင်ဆိုင်လျက် ရှိပါတယ်။
ရေးသားသူ-Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ