တရုတ်တိရစ္ဆာန်ရုံတစ်ရုံက ကျားကျင်ငယ်ရည်ကို အဆစ်အမြစ်ရောင်ရောဂါအတွက် တစ်ပုလင်းကို ၆.၉၅ ဒေါ်လာဖြင့် ရောင်းချ
တရုတ်နိုင်ငံရဲ့ Ya’an Bifengxia Wildlife Zoo က သမားရိုးကျမဟုတ်တဲ့ ကုန်ပစ္စည်းကို ရောင်းချနေတာကြောင့် လူပြောများနေပါတယ်။ အခုဆို အဲ့ဒီတိရစ္ဆာန်ရုံက ဆိုက်ဘေးရီးယားကျားတွေရဲ့ကျင်ငယ်ရည်ကို ရောင်းချနေတာပါ။ ကျင်ငယ်ရည် တစ်ပုလင်းကို ၆.၉၅ ဒေါ်လာဖြင့် ရောင်းချပါတယ်။
ပုလင်းပေါ်က အညွန်းမှာ ကျားကျင်ငယ်ရည်က ဒူလာ၊ ညောင်းညာတာနဲ့ ကြွက်သားနာကျင်တာတွေလို ကျန်းမာရေးအခြေအနေတွေကို ကုသပေးရာမှာ ကူညီပေးနိုင်တယ်လို့ ဆိုထားပါတယ်။ ဝယ်ယူသူတွေကို လှီးထားတဲ့ ဂျင်းနဲ့ ကျင်ငယ်ရည်ကို နာကျင်တဲ့နေရာမှာ မလိမ်းခင် ဝိုင်ဖြူနဲ့ ရောဖို့ပြောထားပါတယ်။ ကျင်ငယ်ရည်က သောက်သုံးလို့ရပေမဲ့ ဓာတ်မတည့်သလိုခံစားရင် ရပ်တန့်သင့်တယ်လို့လည်း ဆိုထားပါတယ်။
တစ်နေ့ကို ကျားကျင်ငယ်ရည်ဘူး နှစ်ပုလင်းအထိ ရောင်းချရတယ်လို့ တိရစ္ဆာန်ရုံဝန်ထမ်းတစ်ဦးက ဆိုထားပါတယ်။
Hubei’s Traditional Chinese Medicine Hospital က ဆေးဝါးပညာရှင်တစ်ဦးကတော့ ဒီထုတ်ကုန်နဲ့ပတ်သက်ပီး ကျားကျင်ယ်ရည်ကို တိုင်းရင်းဆေးအဖြစ် အသိအမှတ်ပြုမထားကြောင်းနဲ့ အဲ့ဒါရဲ့ထိရောက်တဲ့အစွမ်းအာနိသင်နဲ့ပတ်သက်ပြီး အထောက်အထားမရှိကြောင်း ပြောထားပါတယ်။ ကျားကျင်ငယ်ရည်ရောင်းချခြင်းက မျိုးစိတ်ထိန်းသိမ်းမှုအပေါ် အပျက်သဘောဆောင်တဲ့ သက်ရောက်မှုရှိနိုင်တယ်လို့လည်း သူက ယုံကြည်ထားပါတယ်။
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ