အသက်ကြီးမှ သက်ကြီးရွယ်အိုစောင့်ရှောက်ရေးစင်တာမှာ ဖူးစာစုံတဲ့ သူတို့နှစ်ဦး
အသက် ၈၁ နှစ်အရွယ် မိုလီ တီအိုနဲ့ အသက် ၆၆ နှစ်အရွယ် ရစ်ချက် ဝမ်တို့ဟာ မလေးရှားနိုင်ငံ၊ ဆာရာဝပ်နယ်က အမျိုးသားမှတ်ပုံတင်ဌာနရုံးမှာ အခုလအစောပိုင်းက လက်ထပ်ခဲ့ကြပါတယ်။ သူတို့နှစ်ဦးဟာ ကူချင်းမြို့ရှိ Rumah Seri Kenangan သက်ကြီးရွယ်အိုစောင့်ရှောက်ရေးစင်တာမှာ လွန်ခဲ့တဲ့ ၁ နှစ်ကမှ တွေ့ဆုံခဲ့ကြတာပါ။ မိုလီက စင်တာမှာ ၂၀၀၅ ခုနှစ်ကတည်းက ရှိနေခဲ့တာဖြစ်ပြီး ရစ်ချက်ကတော့ ၂၀၂၃ ခုနှစ်ကမှ စင်တာမှာ နေထိုင်ခဲ့တာပါ။
သူတို့နှစ်ယောက်လုံးရဲ့လက်တွဲဖော်တွေက ကျန်းမာရေးပြဿနာတွေကြောင့် သေဆုံးသွားခဲ့တာ ကြာပါပြီ။ အခုဆို မိုလီနဲ့ရစ်ချက်တို့က သက်ကြီးရွယ်အိုစောင့်ရှောက်ရေးစင်တာမှာ ဖူးစာဆုံခဲ့ပါပြီ။ သူတို့လက်ထပ်တာကို ဆာရာဝပ်ပြည်နယ်ဝန်ကြီး၊ အမျိုးသားမှတ်ပုံတင်ဌာနညွှန်ကြားရေးမှူးနဲ့သူတို့ရဲ့နီးစပ်တဲ့မိသားစုဝင်တွေက အသိသက်သေလုပ်ပေးခဲ့ကြတာပါ။ ရစ်ချက်က မိုလီရဲ့ပွင်းလင်းတဲ့ပင်ကိုယ်စရိုက်ကြောင့် စိတ်ဝင်စားခဲ့တာဖြစ်ပြီး မိုလီကတော့ ရစ်ချက်ရဲ့ဆင်ခြင်တုံတရားနဲ့ နူးညညံ့သိမ်မွေ့တဲ့အမူအရာတွေကြောင့် သဘောကျခဲ့တာပါ။
မိုလီနဲ့ ရစ်ချက်တို့က သက်ကြီးရွယ်အိုစောင့်ရှောက်ရေးစင်တာမှာပဲ အတူနေထိုင်သွားမှာဖြစ်ပါတယ်။
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ