ကမ္ဘာပေါ်မှာ ငှားရမ်းခတန်ဖိုး အမြင့်ဆုံးလမ်း
အမေရိကန်နိုင်ငံ နယူးယော့ခ်မြို့မှ အမှတ် ၅ အထက်လမ်းမကြီးဟာ ကမ္ဘာပေါ်မှာ ဆိုင်ခန်းငှားရမ်းခတန်ဖိုး အမြင့်ဆုံးနေရာအဖြစ် နှစ်ရှည်လများ ရပ်တည်ခဲ့ပေမဲ့ အခုအခါမှာတော့ အီတလီနိုင်ငံ၊ မီလန်မြို့မှာရှိတဲ့ မွန်တီနပိုလီယွန်လမ်းမက အဲဒီဂုဏ်ပုဒ်ကို လွှဲပြောင်းရယူသွားခဲ့ပါပြီ။
အမေရိကန်လုပ်ငန်းစု Cushman & Wakefield က နှစ်စဉ်နှစ်တိုင်း ကမ္ဘာပေါ်မှာ ငှားရမ်းခတန်ဖိုးအမြင့်ဆုံး ဈေးဆိုင်တွေရှိရာ လမ်းမတွေကို အညွှန်းကိန်း ထုတ်ပြန်လေ့ရှိပြီး ကမ္ဘာတစ်ဝန်းက လမ်းမ ၁၃၈ ခုအနက် အမှတ် ၅ အထက်လမ်းမကြီးက နှစ်ရှည်လများ နံပါတ်(၁)ချိတ်ခဲ့တာပါ။ ဒါပေမဲ့ ပြီးခဲ့တဲ့ဒီနှစ်မှာတော့ မီလန်မြို့ရဲ့ တန်ဖိုးကြီးပစ္စည်းများ ရောင်းချရာ မွန်တီနပိုလီယွန်လမ်းမက အမှတ် ၅ အထက်လမ်းမကြီးကို ကျော်တက်သွားခဲ့တာပါ။
ဖက်ရှင်ပြပွဲတွေ၊ ဒီဇိုင်းပြပွဲတွေကြောင့် ကမ္ဘာတစ်ဝန်းမှ အချမ်းသာဆုံးပုဂ္ဂိုလ်တွေ လာရောက်လေ့ရှိတဲ့ မီလန်မြို့ဟာ အခွန်အခ သက်သာလို့လည်း သူဌေး၊ သူကြွယ်တွေ အခြေချနေထိုင်ရာ ဖြစ်လာနေပါတယ်။ မွန်တီနပိုလီယွန်လမ်းကို လာရောက်သူတွေဟာ အနည်းဆုံး တစ်ကြိမ်ကို ယူရို ၂၅၀၀ ဖိုးလောက် ဈေးဝယ်ကြလေ့ ရှိပါတယ်။
ပြီးခဲ့တဲ့ နှစ်ပိုင်းအတွင်း အမှတ် ၅ အထက်လမ်းမကြီးရဲ့ ဆိုင်ခန်းငှားခတွေ ဈေးငြိမ်ခဲ့ပေမဲ့ မွန်တီနပိုလီယွန်လမ်းမှာတော့ ဆိုင်ခန်းငှားခ ၃၀ ရာခိုင်နှုန်း ဈေးတက်ခဲ့ပြီး လာမယ့်နှစ်တွေအတွင်းလည်း ဈေးထပ်တက်ဖို့ ရှိနေတယ်လို့ ကျွမ်းကျင်ပညာရှင်တွေက ခန့်မှန်းထားကြပါတယ်။
မွန်တီနပိုလီယွန်လမ်းမှာ စီးပွားရေးလုပ်ငန်း လုပ်ချင်သူတွေဟာ စတုရန်းပေ ၁ ပေ အကျယ်အဝန်းအတွက် ဒေါ်လာ ၂၀၀၀ နှုန်းနဲ့ ဝယ်ယူရမယ်လို့ ခန့်မှန်းထားကြပါတယ်။ ဒါပေမဲ့ မွန်တီနပိုလီယွန်လမ်းမှာရှိတဲ့ ကမ္ဘာကျော်အမှတ်တံဆိပ် အရောင်းဆိုင်တွေဟာ တစ်နှစ်ကို ယူရို သန်း ၅၀ ကနေ သန်း ၁၀၀ ကြား ရောင်းရတဲ့အတွက် မြေတန်ဖိုးနဲ့ ငှားရမ်းခကို မမှုဘဲ ရင်းနှီးမြှုပ်နှံလျက် ရှိနေပါတယ်။.
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ