ကျန်းမာရေး သေသေချာချာကောင်းမှပဲ အနုပညာအလုပ်ပြန်လုပ်မယ်ဆိုတဲ့ ရွှေမှုံရတီ
ပရိသတ်ချစ်ခင်မှု အခိုင်အမာရရှိထားတဲ့ အကယ်ဒမီ ရွှေမှုံရတီကတော့ ကျန်းမာရေး သေသေချာချာကောင်းမှပဲ အနုပညာအလုပ်ပြန်လုပ်မယ်လို့ ဆိုပါတယ်။
“သဲက ကျန်းမာရေးက ငယ်ငယ်ကတည်းက ချူခြာတဲ့သူမို့ ကျန်းမာရေးကောင်းမှပဲ အလုပ်တွေ ပြန်လုပ်ချင်တယ်ပေါ့နော်။ ဒီကျန်းမာရေး ချူခြာနေတော့ အလုပ်လုပ်ရတာ စိတ်မဖြောင့်ဘူးပေါ့နော်။ ကျန်းမာရေးကြောင့် စိတ်အနှောင့်အယှက်ဖြစ်တဲ့သူတွေလည်း သဲကြောင့် အလုပ်ပျက်တာရှိရင် သဲ ဒီနေရာကပဲ တောင်းပန်ချင်ပါတယ်။ အားလည်းနာရပါတယ်။ ကျန်းမာရေး အကောင်းဖြစ်မှ အနုပညာလုပ်ချင်တာပါ။ သဲက အစာအိမ်ပေါ့။ အမျိုးသားကလည်း အများကြီး ဂရုစိုက်ပေးတယ်လေ။ ကိုရွှေထူးကတော့ ပြောစရာမလိုဘူးပေါ့ သဲရဲ့ ဆေးပေးမီးယူပဲလေ။ သဲ မွေးရာပါ နှလုံးကလည်း အားနည်း၊ အစာအိမ်ကလည်း အားနည်းဆိုတော့လေ။ ရည်းစားဘဝက သူကဂရုစိုက်ပေးတာပါ”လို့ ရွှေမှုံရတီက ပြောပါတယ်။
သူမကတော့ ထိုင်းနိုင်ငံမှာ ကျန်းမာရေးနဲ့ ပတ်သက်ပြီး ကြပ်ကြပ်မတ်မတ် ၃ လလောက် ဆေးကုသမှု ခံယူထားရတယ်လို့လည်း သိရပါတယ်။ ခင်ပွန်းသည်က ရည်းစားဘဝတည်းက ဂရုစိုက်ပေးသလို အိမ်ထောင်ကျပြီး ပိုဂရုစိုက်ပေးတယ်ဆိုပါတယ်။
“သဲတို့ ညားခါစ ၂၀၂၀ လောက်က Live မှာ ကိုရွှေထူးကို စလိုက်တာပါ။ သဲက တစ်ခုခုဆို ပရိသတ်တွေကို အရင်အသိပေးမှာပါ။ ကလေးယူဖို့ စိတ်ကူးပေါက်ရင်ပေါက်သလို စဥ်းစားထားပါတယ်”လို့ သူမကဆက်ပြောပါတယ်။
ရေးသားသူ- CRD
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ