Constantine နောက်ဆက်တွဲအတွက် ဇာတ်လမ်းအဆင့်သင့်ဖြစ်နေပြီဆိုတဲ့ မင်းသားကြီးကီနူးရိဗ်
လူအများချစ်ခင်နှစ်သက်ကြတဲ့ မင်းသားကြီးကီနူးရိဗ်က ၂၀၀၅ ခုနှစ်မှာ ထွက်ရှိခဲ့တဲ့ Constantine ဇာတ်ကားရဲ့နောက်ဆက်တွဲအတွက် ဇာတ်လမ်းအဆင့်သင့်ဖြစ်နေပြီဆိုတာကို အတည်ပြုလိုက်ပါပြီ။
ဒါရိုက်တာဖရန်စစ် လော့ရန့်နဲ့အတူ ဒီနောက်ဆက်တွဲဇာတ်ကားဖန်တီးဖို့ကြိုးစားနေခဲ့တာ ဆယ်စုနှစ် ၁ ခုကျော်ပြီဖြစ်ကြောင်း၊ မကြာသေးခင်ကမှ ဇာတ်လမ်းတစ်ပုဒ်ဖြစ်အောင် အတူ ဖန်တီးခဲ့ကြပြီး DC Sudios ကို ထုတ်လုပ်ရိုက်ကူးဖို့ စည်းရုံးခဲ့ကြောင်း၊ Studio က အဆင်ပြေတယ်ပြောလို့ ဇာတ်ညွှန်းရေးဖို့ ကြိုးစားခဲ့ကြောင်း ကီနူးရိဗ်က ပြောလာခဲ့တာပါ။
အသေးစိတ်ကိုတော့ ထုတ်ပြောခဲ့ခြင်းမရှိပေမဲ့ နောက်ဆက်တွဲက ပထမဇာတ်ကားလို တူညီတဲ့ကမ္ဘာမှာပဲ ဇာတ်အိမ်တည်ထားတယ်လို့တော့ အတည်ပြုပြောကြားခဲ့ပါတယ်။ ဒါရိုက်တာဖရန်စစ်က Constantine ၂ ဖြစ်လာဖို့ နီးကပ်လာပြီလို့ ထုတ်ပြောလာခဲ့ပြီး သီတင်းပတ်အကြာမှာ ကီနူးရိဗ်က အခုလိုပြောလာခဲ့တာဖြစ်ပါတယ်။ ပြီးခဲ့တဲ့နှစ်ကုန်ပိုင်းလောက်ကလည်း ဒါရိုက်တာက သူတို့ ဇာတ်ညွှန်းအတွက် တက်ကြွစွာ လုပ်ဆောင်နေကြတယ်လို့ ဆိုခဲ့ပါသေးတယ်။
Constantine မှာ မင်းသားကြီးကီနူးရိဗ်က နတ်ဆိုးတွေကို အမဲလိုက်ရတဲ့ ဂျွန်ကွန်စတန်တင်းအဖြစ် ပါဝင်ခဲ့တာပါ။
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ