ဆီးချုပ်ခြင်း ဆီးအောင့်ခြင်း ဆီးကျောက်တည်ခြင်းသွေးအန်ခြင်း များဖြစ်လျှင် အသုံးပြုနိုင်သောဂေါ်ဘီရိုင်းပင် ခေါ် ကျားမုတ်ဆိတ်ပင်
မြန်မာနိုင်ငံ အနှံ့အပြားတွင်သဘာဝအလျောက်ပေါက်ရောက်သည်။ အထူးသဖြင့် မိုးဥတု၌အပေါက်များပြီး မြေပြန့်စိုထိုင်းသောနေရာများတွင် မြေ၌ပြားကပ်၍ ပေါက်တတ်သည်။ ကုန်းပေါ်များတွင် ပေါက်ခဲသည်။ဂေါ်ဘီရိုင်းပင်ကို အချို့ရပ်ဒေသများတွင် ကျားမုတ်ဆိတ်ပင် ဟုလည်းခေါ်ကြပြီးနေရာဒေသလိုက်၍အခေါ်ကွဲလွဲနိုင်ပါသည်။မျိုးစိတ်ကွဲပေါင်းများစွာရှိသည်။
ပုံသဏ္ဌာန်။ ။ မြေတွင်ကပ်ပေါက်ပြီး အရွက်ရှည်ကာ အဖျားဝိုင်းသည်။အပွင့်မှာ အရောင်အမျိုးမျိုးရှိသည့်အနက် ယခုဖော်ပြမည့်ဂေါ်ဘီရိုင်းခေါ် ကျားမုတ်ဆိတ်ပင် ၏ အပွင့်သည် ခရမ်းရောင်ရှိသည်။
အရသာနှင့် အကျိုးသွား။ ။အေး၏၊ ခါး၏၊ဖန်၏။
ဂုဏ် နှင့် စွမ်းရည်။ ။ ထက်မြက်၏၊ အနာကို အသားနု တက်လွယ်စေ၏၊ အူကို တွန့်ရှုံ့ စေ၏၊ အဖျားကို ပယ်တတ်၏၊ ပိုးကို နိုင်၏၊ လေကို ပွားစေ၏၊ သလိပ် နှင့် သည်းခြေကိုနိုင်၏၊ နှလုံးကို အားပေး၏၊ ၎င်းပြင် ချောင်းဆိုးနာ, သွေးဖေါက်ပြန်မှာ အနာ ပေါက်များ နှင့် အဖျားရောဂါတို့ကို နိုင်နင်း၏၊ ခံတွင်းမကောင်းသည်ကို ပြုပြင်တတ်၏ ။ နှလုံး ဆီး လည်ချောင်း အာစောက် ပူသောအနှာ, အဆိပ်သင့်၍ ဖြစ်သော ရောဂါ အမျိုးမျိုး၊ ကျောက်ကလေးရောဂါများကို ကင်းဝေးစေ၏။
ရောဂါအလိုက် အသုံးပြုနည်း
✓ အစာသစ်အိမ်ရောင်ရောဂါ ဖြစ်ပါက
၎င်းအရွက်ကို ထု၍ ဆန်နှင့် ရောကျိုပါ ထိုနောက်၎င်းအရည်ကို စစ်၍ သောက်ပါက အစာသစ်အိမ် ရောင်ရမ်းသော ရောဂါသည် လျှင်မြန် စွာပျောက်ကင်းနိုင်တယ်လို့ဆိုပါတယ်။
✓ သွေးအန်ရောဂါ ဖြစ်ပါက
၎င်းအရွက်ကို ရေနှင့် ရော၍ ကြိတ်ပါ၊ တခွက်စာလျှင် ၁၂-ပဲသားမှ ၁-ကျပ် ဂ-ပဲသား အထိ သောက်လျှင် သွေးဖေါက်ပြန်၍ အန်သောရောဂါကိုပျောက်ကင်းစေနိုင်တယ်လို့ဆိုပါတယ်။
✓ အသံပျက်ရောဂါ ဖြစ်ပါလျှင်
၎င်းအရွက် ၊ ၎င်းအရိုးတို့ကို ကျို၍ ပျားရည်နှင့် သောက်ပေးပါလျှင် အသံပျက်ရောဂါကိုပျောက်ကင်းစေနိုင်တယ်လို့ဆိုပါတယ်။
✓ဆီးချုပ်နေပါလျှင်
၎င်းအမြစ်ကို ကျို၍ သောက်သုံးပါက ဆီးချုပ်ရောဂါ ပျောက်ကင်းစေတယ်လို့ဆိုပါတယ်။
✓ ဆီးအောင့်ရောဂါ
၎င်းပင်၏ ပဉ္စငါးပါးကို ကျို၍ သောက်ပါ သို့မဟုတ် ၎င်းအရွက်ကို ကျို၍ အရည်ကို စစ်ပြီးလျှင် သကြားအနည်းငယ် ရော၍ သောက်ပါက ဆီးအောင့်ရောဂါ ပျောက်ကင်းစေနိုင်တယ်လို့ဆိုပါတယ်။
ဆီးကျောက်တည်ရင် ကြောက်စရာမလိုတဲ့ ကျားမုတ်ဆိပ်
ဆီးကျောက်တည်သူများဝမ်းသာစရာပါ။ကျောက်ကပ်အတွင်းကျောက်တည်ခြင်း၊ဆီးလမ်းကြောင်းအတွင်းကျောက်တည်ခြင်း၊ဆီးအိမ်အတွင်းကျောက်တွေ့ခြင်းများအတွက်ကျားမုတ်ဆိပ်ပင်၏ပဉ္စငါးပါးကို ကျောက်ပန်းတောင်းထန်းလျှက်ခေါ် ထန်းလျှက်အမဲ သို့မဟုတ် ထန်းလျှက်အညိုနှင့်ကျို၍ ရေ ရေနွေးအစားကျားမုတ်ဆိပ်ပင်ပြုတ်ရည်ကိုသောက်ပေးပါ။ကျောက်ကြီးရင်ကွဲသွားပါမည်။ကျောက်သေးရင်ကျေပြီးဆီးသွားတဲ့အခါပါသွားပါလိမ့်မည်။ငွေမကုန်လူမပန်းအလွန်ထက်တဲ့ဆေးအစွမ်း အားလုံးအနာနဲ့ဆေးတွေ့ကြပါစေ။
ရေးသားသူ-CRD
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ