အီရန် ၊ တရုတ်နှင့် ရုရှားတို့ အိုမန်ပင်လယ်ကွေ့တွင် စစ်ရေးလေ့ကျင့်မှုစတင်
ကြာရှည်စွာတည်ရှိခဲ့သော အနောက်တိုင်းမဟာမိတ်အဖွဲ့အား အမေရိကန်သမ္မတ ဒေါ်နယ်ထရန့်က ဇောက်ထိုးမိုးမျှော်ဖြစ်စေခဲ့ချိန်တွင် အီရန် ၊ တရုတ် နှင့် ရုရှားနိုင်ငံမှ စစ်သင်္ဘောများက အိုမန်ပင်လယ်ကွေ့တွင် နှစ်စဉ်ပြုလုပ်သည့် စစ်ရေးလေ့ကျင့်မှုကို ယနေ့ စတင်လိုက်ပြီး ၎င်းတို့၏ စစ်ရေးအရချိတ်ဆက်မှုများကို ပြသခဲ့ကြသည်။
‘လုံခြုံရေးခါးပတ်-၂၀၂၅’ ခု အမည်ပေးထားပြီး အီရန်နိုင်ငံ ချာဘာဟာ ဆိပ်ကမ်းအနီးတွင် ပြုလုပ်နေသော ပြုလုပ်နေသော စစ်ရေးလေ့ကျင့်မှုများသည် ၂၀၁၉ ခုနှစ်မှစ၍ အီရန် ၊ တရုတ် နှင့် ရုရှားတို့ကြား ငါးကြိမ်မြောက် ရေတပ်စစ်ရေးလေ့ကျင့်မှုဖြစ်ကြောင်း တရုတ်အစိုးရ မီဒီယာပြောကြားချက်အရ သိရသည်။
အမေရိကန်ဩဇာအာဏာ နှင့် အနောက်တိုင်းဦးဆောင်သော ကမ္ဘာလုံးဆိုင်ရာ အစီအစဉ်ကို စိန်ခေါ်ရန် ကြိုးစားရင်း အာဏာရှင်ဆန်သောနိုင်ငံသုံးနိုင်ငံကြားက ကြီးထွားလာသော ပူးပေါင်းဆောင်ရွက်မှုကို ပြသခြင်းအဖြစ် ယင်းစစ်ရေးလေ့ကျင့်မှုများကို လေ့လာဆန်းစစ်သူများက ရှုမြင်ခဲ့ကြသည်။
သို့ရာတွင် ဒေါ်နယ်ထရန့်က ယူကရိန်းကိုချောင်ထိုးကာ ရုရှားအားလက်ခံခဲ့ပြီး ဆယ်စုနှစ်များစွာအနောက်တိုင်းလုံခြုံရေး အဓိကထောက်တိုင်ဖြစ်ခဲ့သော နေတိုးမဟာမိတ်အဖွဲ့အား ပြတ်တောက်အောင်လုပ်ခဲ့ခြင်းနှင့်အတူ အမေရိကန်အကာအကွယ်အတွက် အာရှမဟာမိတ်များက ငွေကြေးပိုမိုပေးချေရန် တွန်းအားပေးခဲ့ပြီးနောက် ယခုနှစ်သုံးနိုင်ငံစစ်ရေးလေ့ကျင့်မှုများ ပိုမိုထင်ရှားလာခဲ့သည်။
ယင်းစစ်ရေးလေ့ကျင့်မှုများအကြောင်း ယမန်နေ့က မေးမြန်းခဲ့ချိန်တွင် ၎င်းအနေဖြင့် အမေရိကန် ရန်ဘက်သုံးနိုင်ငံ အင်အားပြမှုကို စိုးရိမ်မှုလုံးဝ မရှိကြောင်း ဒေါ်နယ်ထရန့်က ပြောကြားသည်။
“ ကျွန်တော်တို့က သူတို့အားလုံးထက် အင်အားကြီးမားပါတယ်။ သူတို့အားလုံးထက် ကျွန်တော်တို့က အင်အားပိုမိုသာလွန်ပါတယ်။” ဟု သမ္မတလေယာဉ် Air Force One ပေါ်တွင် ဖောက်စ်သတင်းဌာနကို ပြောကြားသည်။
အဆိုပါစစ်ရေးလေ့ကျင့်မှုများသည် အမေရိကန်နှင့် အီရန် ကြား တင်းမာမှုများမြင့်တက်နေချိန်နှင့်လည်း တိုက်ဆိုင်နေသည်။
အီရန်၏ နျူကလီးယားအရေး နှင့်ပတ်သက်၍ ဒေါ်နယ်ထရန့်က အမြင့်ဆုံးဖိအားပေးရေး မူဝါဒကို ပြန်လည်ချမှတ်ထားပြီး ယင်းမှာ အနိုင်ကျင့်သောနည်းဗျူဟာဖြစ်ကြောင်း တီဟီရန် က ရှုတ်ချထားသည်။
အိုမန်ပင်လယ်ကွေ့သည် အိန္ဒိယသမုဒ္ဒရာနှင့် ဟောမုဇ်ရေလက်ကြားကို ဆက်သွယ်ထားသော အရေးပါသောရေလမ်းကြောင်း ဖြစ်ကာ ကမ္ဘာ့ရေကြောင်း ကုန်သွယ်မှု လေးပုံ တစ်ပုံ ခန့် ဖြတ်သန်းသောနေရာလည်း ဖြစ်သည်။
ရေးသားသူ-The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ