ဝံပုလွေနဲ့ မျိုးစပ်ထားတဲ့ ရှားပါးခွေးတစ်ကောင်ကို ကမ္ဘာ့စံချိန်တင်ဈေးနှုန်း အမေရိကန်ဒေါ်လာ ၅.၈၁ သန်းပေးပြီး အိန္ဒိယနိုင်ငံသားတစ်ဦး ဝယ်ယူ
ဝံပုလွေနဲ့ ကော့ကေးဆပ်သိုးထိန်းခွေး စပ်ထားတဲ့ ခွေးမျိုးစိတ်တစ်ကောင်ကို အိန္ဒိယနိုင်ငံမှ ခွေးသားဖောက်သူတစ်ဦးက ရူပီးသန်း ၅၀၀ ( အမေရိကန်ဒေါ်လာ ၅.၈၁ သန်း)နဲ့ ဝယ်ယူခဲ့ပါတယ်။ အမေရိကန်နိုင်ငံမှာ သားဖောက်ထားတဲ့ ကာဒါဘွန်းအိုကာမီ အမည်ရခွေးလေးဟာ ကမ္ဘာ့တန်ကြေးအမြင့်ဆုံး ခွေးအဖြစ် စံချိန်တင်ခဲ့ပါတယ်။
အိုကာမီဟာ ၈ လသားအရွယ်ပဲ ရှိသေးပေမဲ့ ခန္ဓာကိုယ်အလေးချိန် ၇၅ ကီလိုဂရမ်ရှိပြီး လက်မ ၃၀ မြင့်မားတာကြောင့် အလွန်ထွားကျိုင်းတဲ့ ခွေးတစ်ကောင်ဖြစ်ပြီး အလွန်ရှားပါးတဲ့ မျိုးစိတ်လည်း ဖြစ်ပါတယ်။ အိုကာမီကို စံချိန်တင်ဈေးနှုန်းနဲ့ ဝယ်ယူခဲ့သူကတော့ အိန္ဒိယနိုင်ငံ ခွေးသားဖောက်သူများအစည်းအရုံး ဥက္ကဋ္ဌ ဆာတစ်ပါပဲ။ ကမ္ဘာ့အရှားပါးဆုံး ခွေးမျိုးစိတ်အပါအဝင် ခွေးမျိုးစိတ်ပေါင်း ၁၅၀ ကျော်ကို ဆာတစ်က ဝယ်ယူခဲ့ပါတယ်။
” အိုကာမီက အလွန်ရှားပါးတဲ့ ခွေးမျိုးစိတ်ပါ။ ဝံပုလွေတစ်ကောင်နဲ့ တော်တော်တူပါတယ်။ ဒီလိုမျိုးစိတ်ကို အရင်တုန်းက မရောင်းခဲ့ဖူးပါဘူး။ ရှားလွန်းလို့လည်း ဒီလောက် ငွေအများကြီး ပေးဝယ်တာပါ။ လူတွေက ကျွန်တော့် ခွေးတွေကို အခကြေးငွေပေးပြီး ကြည့်ကြလို့လည်း ကျွန်တော့်မှာ ဝယ်နိုင်လောက်တဲ့ ငွေပမာဏ ရှိတာပါ” လို့ ဆာတစ်က ဆိုပါတယ်။
ဆာတစ်ဟာ မနှစ်တုန်းကလည်း အနီရောင်ပန်ဒါဝက်ဝံတစ်ကောင်နဲ့ အလွန်တူတဲ့ Chow-Chow ခွေးမျိုးစိတ်တစ်ကောင်ကို အမေရိကန်ဒေါ်လာ ၃.၂၅ သန်းပေးချေပြီး ဝယ်ယူခဲ့ဖူးပါတယ်။
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ