တစ်နေ့ကို ၁၂ နာရီ လုပ်ရတဲ့အလုပ်ကနေ စွမ်းဆောင်ရည်ထူးချွန်ဆုရခဲ့တဲ့ မင်းသားဟောင်း
ဗီလိန်မင်းသားဖြစ်ခဲ့ဖူးတဲ့ မင်းသားဟောင်း အော်စကာလီဟာ ထူးချွန်ဆုကို ရရှိခဲ့ပါတယ်။ သူဟာ အနုပညာနယ်ပယ်ကနေ ထူးချွန်ဆုရရှိခဲ့တာမဟုတ်ဘဲ ယာဥ်အော်ပရေတာအလုပ်နဲ့ စွမ်းဆောင်ရည်ထူးချွန်ဆုကို ရရှိခဲ့တာပါ။
အသက် ၄၃ နှစ်ရှိပြီဖြစ်တဲ့ အော်စကာလီက ဟောင်ကောင်အပြည်ပြည်ဆိုင်ရာလေဆိပ်မှာ ယာဥ်အော်ပရေတာအဖြစ် အလုပ်လုပ်ကိုင်နေတာပါ။ သူ့ရဲ့ကုမ္ပဏီက သူ့ကို လေဆိပ်လုံခြံရေးမှာ ထူးချွန်စွာစွမ်းဆောင်နိုင်တဲ့အတွက် ဆုချီးမြှင့်ပေးခဲ့တာပါ။
အော်စကာလီက အလိုအလျောက်မောင်းနှင်နိုင်တဲ့ယာဉ်တွေ လည်ပတ်ဖို့ ဘေးကင်းလားစစ်ဆေးဖို့ မနက် ၅ နာရီကနေ စတင်ပြီး တစ်နေ့ကို ၁၂ နာရီအလုပ်လုပ်ရပါတယ်။ သူ စွမ်းဆောင်ရည်ထူးချွန်ဆုကို ရရှိခဲ့တဲ့အတွက် အံ့အားသင့်သွားခဲ့ရပါတယ်။ “ကျွန်တော့်ရဲ့အလုပ်အတွက် ဆုရမယ်လို့ ကျွန်တော့် ဘယ်တုန်းကမှမတွေးမိခဲ့ဘူး။ ကျွန်တော် အရမ်းပျော်ပါတယ်”လို့ သူက Headline Daily အင်တာဗျူးမှာ ဖြေကြားထားပါတယ်။
2016 TVB Anniversary Awards မှာ ဟောင်ကောင်ဒေါ်လာ ၁ သန်းရခဲ့တဲ့အချိန်ကနဲ့ယှဉ်ကြည့်ရင် အခုဆုက ကံတရားပေါ်အခြေခံထားတာမဟုတ်ဘူးလို့ သူက ပြောပါတယ်။ သူ လေဆိပ်မှာ ၂ နှစ်နီးပါးအလုပ်လုပ်လို့ ရခဲ့တဲ့ ရလဒ်ဖြစ်ပြီး ဒါက သူ့ရဲ့ကိုယ်ပိုင်အားထုတ်မှုဖြစ်တယ်လို့ သူက ဆိုပါတယ်။
အော်စကာလီက ၁၉၉၉ ခုနှစ်မှာ TVB ရုပ်မြင်သံကြားကွန်ယက်ထဲ ဝင်ရောက်ခဲ့ပြီး TVB ဇာတ်လမ်းတွဲတွေမှာ ဗီလိန်ဇာတ်ရုပ်နဲ့ နာမည်ကြီးခဲ့ပါတယ်။ ၂၀၂၁ ခုနှစ်မှာ တရုတ်ပြည်မကြီးက အမျိုးသမီးတစ်ဦးနဲ့ လက်ထပ်ခဲ့ပြီး နောက်နှစ်မှာပဲ အနုပညာအလုပ်ကနေ နားခဲ့တာပါ။ ပြီးခဲ့တဲ့နှစ် ဒီဇင်ဘာလကမှ သမီးလေးကို ပိုင်ဆိုင်ထားပါတယ်။
ရေးသားသူ-Yoyarly
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ