ကမ္ဘာ့အတိုဆုံး နိုင်ငံကူးတံတား
စပိန်နိုင်ငံ အယ်လ်မာကိုရွာနဲ့ ပေါ်တူဂီနိုင်ငံ ဗာဇီယာဂရန်ဒီရွာကို ချိတ်ဆက်ထားတဲ့ အယ်လ်မာကိုတံတားကတော့ ကမ္ဘာ့အတိုဆုံး နိုင်ငံကူးတံတားပါပဲ။ ၁၉ ပေပဲ ရှည်လျားပြီး ၄.၇ ပေပဲ ကျယ်တဲ့ အယ်လ်မာကို သစ်သားတံတားလေးဟာ ချောင်းငယ်တစ်ခုပေါ်ကို ဖြတ်သန်းတည်ဆောက်ထားတာပါ။
ဒါပေမဲ့ အဲဒီတံတားလေးကို ဖြတ်လိုက်ရုံနဲ့ နိုင်ငံတစ်နိုင်ငံကနေ အခြားနိုင်ငံတစ်နိုင်ငံဆီ ရောက်သွားရုံတင်မကဘဲ အချိန်ဇုန်ပါ ပြောင်းလဲသွားမှာ ဖြစ်ပါတယ်။ စပိန်နိုင်ငံဟာ ဥရောပအလယ်ပိုင်းစံတော်ချိန် (CET/CEST) ကို အသုံးပြုတာဖြစ်ပြီး ပေါ်တူဂီနိုင်ငံကတော့ ဂရင်းနစ်စံတော်ချိန် (GMT/BST) ကို အသုံးပြုတာဖြစ်ပါတယ်။ ဒါကြောင့် အယ်လ်မာကို တံတားကို ဖြတ်သန်းတာဟာ အချိန်ခရီးသွားခြင်းလည်း ဖြစ်နေပါတယ်။
အရင်ကတော့ မှောင်ခိုကူးသူတွေက ဒီတံတားကနေ ဖြတ်သန်းပြီး ကုန်စည်တွေကို မှောင်ခိုသွင်းခဲ့ကြတာပါ။ ဒါပေမဲ့ ရှန်ဂန်သဘောတူစာချုပ်အရ စပိန်နဲ့ ပေါ်တူဂီနိုင်ငံကို လွတ်လပ်စွာ ဖြတ်သန်းသွားလာခွင့် ရှိတာကြောင့် နောက်ပိုင်းမှာတော့ ဒီတံတားကို အသုံးပြုစရာ မလိုတော့ပါဘူး။ ဒါပေမဲ့ အယ်လ်မာကိုတံတားဟာ ခရီးသွားတွေ လာရောက်လည်ပတ်ကြတဲ့ နေရာတစ်ခုတော့ ဖြစ်နေဆဲပါပဲ။
ရေးသားသူ-Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ