လားရှိုးမှာ ပြည့်တန်ဆာ လုပ်ငန်း တရားဝင် ဖွင့်ခွင့်ပြု
ကိုးကန့် MNDAA တပ်ဖွဲ့ ထိန်းချုပ်ထားတဲ့ လားရှိုးမှာ ပြည့်တန်ဆာ လုပ်ငန်း တရားဝင် ဖွင့်ခွင့်ပြုထားကြောင်း ဒေသခံတွေဆီက သိရပါတယ်။
လားရှိုးမှာ ပြည့်တန်ဆာ ဆိုင်တွေဝောာင် လမ်းညွှန်ဆိုင်းဘုတ်တွေနဲ့ ပေါပေါ်တင်တင် ခွင့်ပြုနေပြီ ဆိုတာ ဟုတ်တယ်ဗျ။ သီးသန့်နေရာ လုပ်ပေးတယ်လို့ သိရပါတယ်။ ထိုင်းနိုင်ငံလို နေရာ သီးသန့် လုပ်တယ် သိရတယ်ဗျ။” လို့ လားရှိုး ဒေသခံ လူငယ် တယောက်က ပြောပါတယ်။
ပြည့်တန်ဆာ လုပ်ငန်းတွေ များမများ မသိရပေမယ့် တရားဝင် ခွင့်ပြု ထားတဲ့ ဆေးတွေ အမြဲ စစ်ဆေး တာမျိုး လုပ်တယ်လို့ သူက ပြောပါတယ်။
လက်မခံနိုင်ပေမယ့် အရင်လို လိုင်းကြေးပေးပြီး တရားမဝင် ဆိုင်ပုန်းတွေဖွင့်နေတာနဲ့ စာရင် အခုလို ကျန်းမာရေးထိန်းချုပ်မှုတွေရှိတယ် တရားဝင် အခွန်ကောက်ပြီး ထိန်းချုပ်နိုင်တာတော့ ပိုကောင်းသွားတာပေါ့။ ဗုဒ္ဓ ဘာသာနိုင်ငံ ဆိုပေမယ့်လို့ အိမ်နီးချင်း ထိုင်းနိုင်ငံမှာလို ဒီလို ပြည့်တန်ဆာ လုပ်ငန်းတွေကို အပြည့်အဝ ထိန်းချုပ်နိုင်တာ၊ တရားဝင်ခွင့်ပြုသင့်တယ်၊ မသင့်ဘူးတော့ အားလုံးရဲ့အမြင်ပေါ်မူတည်ပါတယ်။” လို့ သူက ပြောပါတယ်။
ဒေသခံ အမျိုးသား တယောက်တော့ လမ်းပေါ်မှာ ပြည့်တန်ဆာမတွေကိုယ်တိုင် ဖုန်း နံပါတ် ကတ်တွေ လိုက်လံ ဖြန့်ဝေနေတာ တွေ့ရတာကြောင့် လူငယ်တွေ အလွယ်တကူ ပျက်စီး ဖို့ တွန်းအားပေးသလို ဖြစ်တာကြောင့် စိုးရိမ်နေတယ်လို့ ဆိုပါတယ်။
“အခွန်က ယွမ်နဲ့ တွက် ဆောင်ရတာပါ။ လုပ်ငန်းအပေါ် မူတည်ပီး ရာခိုင်နှုန်း ကွာသွားတယ်လို့ သိရပါတယ်။ ဥပမာ လမ်းဘေး ဟင်းသီးရွက် ဆိုင်နဲ့ အသားငါး ဆိုင် ကွာသလိုပေါ့” လို့ ဒေသခံ တယောက်ကလည်း ပြောပါတယ်။
လားရှိုးမြို့ပေါ် ပြည့်တန်ဆာ လုပ်ငန်းအတွက် ပွင့်လင်းစွာ ပိုစတာပါ ကပ်ပြီး ကြော်ငြာလာတဲ့အထိ ဈေးကွက်တွေ အဆင့်မြင့်လာနေတာကို မြင်ရတယ်လို့ ဆိုပါတယ်။
နယ်စပ်မြို့ တွေမှာတော့ ပြည့်တန်ဆာ လုပ်ငန်းကို တရားဝင် ခွင့်ပြုထားတာမျိုး မရှိပေမယ့် နယ်စပ် မြို့တိုင်း ပြည့်တန်ဆာ လုပ်ငန်းတွေ အများအပြား တွေ့ရတယ်လို့ နယ်စပ် ဒေသခံတွေက ပြောပါတယ်။
ရေးသားသူ- Voice of Myanmar
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ