SpaceX ကုမ္ပဏီရဲ့ Starship အာကာသယာဉ် လွှတ်တင်ပြီး
မကြာခင် ပေါက်ကွဲမှု ဖြစ်ပွားခဲ့
အီလွန်မက်စ် ပိုင်ဆိုင်တဲ့ SpaceX ကုမ္ပဏီရဲ့ Starship အာကာသယာဉ်ကြီးဟာ လွှတ်တင်ပြီး မိနစ်ပိုင်းအကြာမှာပဲ အာကာသအတွင်း ပေါက်ကွဲသွားခဲ့ပါတယ်။
မတ်လ ၆ ရက်နေ့မှာ တက္ကဆက်ပြည်နယ် တောင်ပိုင်း ဘိုကာချီကာကမ်းခြေကနေ လွှတ်တင်ခဲ့တာဖြစ်ပြီး လူမှုကွန်ရက်မှာ တွေ့ရတဲ့ ရုပ်သံမှတ်တမ်းတွေအရ အင်ဂျင်ကို ဖြုတ်ချခဲ့ပြီးနောက် ထိန်းမရအောင် လည်ထွက်ကာ ပေါက်ကွဲသွားခဲ့တာ တွေ့ရပါတယ်။ ပေါက်ကွဲမှု ဖြစ်ပွားခဲ့ပြီးနောက်မှာတော့ အစိတ်အပိုင်းအများအပြား လွှင့်စင်ထွက်ကုန်တာလည်း တွေ့ရပါတယ်။
အဲဒီအတွက် ဖလော်ရီဒါပြည်နယ်ရဲ့ ဝေဟင်တစ်စိတ်တစ်ပိုင်းမှာ လေကြောင်းသွားလာမှုတွေကို ဆိုင်းငံ့ထားဖို့ အမေရိကန် ပြည်ထောင်စုလေကြောင်းအာဏာပိုင်အဖွဲ့(FAA)က ထုတ်ပြန်ကြေညာခဲ့ရပါတယ်။
၄၀၃ ပေ ရှည်လျားတဲ့ အဲဒီဒုံးပျံဟာ လူသားတွေကို အင်္ဂါဂြိုဟ် ပို့ဆောင်ပေးမယ့် အီလွန်မက်စ်ရဲ့ စီမံကိန်းမှာ အဓိက ပါဝင်နေတာ ဖြစ်ပြီး အခုစမ်းသပ်မှုကတော့ ၈ ကြိမ်မြောက် ဖြစ်ပါတယ်။ ၇ ကြိမ်မြောက် စမ်းသပ်ခဲ့စဉ်ကလည်း Starship ဒုံးပျံဟာ ပေါက်ကွဲမှု ဖြစ်ပွားခဲ့ပါသေးတယ်။ SpaceX ကုမ္ပဏီကလည်း နည်းပညာပိုင်းဆိုင်ရာ ချွတ်ယွင်းမှုကြုံခဲ့တာလို့ ထုတ်ပြန်ထားပြီး အမေရိကန် ပြည်ထောင်စုလေကြောင်းအာဏာပိုင်အဖွဲ့(FAA)ကလည်း စုံစမ်းစစ်ဆေးမှုတွေလုပ်မယ်လို့ ကြေညာခဲ့ပါတယ်။
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ