ကမ္ဘာ့အားအကောင်းဆုံး သူလျှိုကင်မရာ တရုတ်သိပ္ပံပညာရှင်များဖန်တီး
တရုတ်နိုင်ငံက သိပ္ပံပညာရှင်တွေဟာ ကမ္ဘာ့အားအကောင်းဆုံး သူလျှိုကင်မရာတစ်မျိုးကို တည်ဆောက်ထားနိုင်တယ်လို့ သိရပါတယ်။Synthetic aperture lidar (SAL) နည်းပညာကိုသုံးပြီး တည်ဆောက်ထားတဲ့ အဲဒီသူလျှိုကင်မရာဟာ မိုင် ၆ဝ အကွာမှာရှိတဲ့ လူတစ်ဦးရဲ့မျက်နှာပြင်အသေးစိတ်ကို ရယူပေးနိုင်တယ်လို့သိရပါတယ်။
တရုတ်သိပ္ပံပညာရှင်တွေဟာ အဲဒီသူလျှိုကင်မရာစနစ်ကို သုံးပြီး တရုတ်နိုင်ငံအနောက်မြောက်ပိုင်း ချင်းဟိုင်ရေကန်ရဲ့တစ်ဖက်ကမ်း မိုင်ပေါင်း ၆၃ ဒသမ ၂ မိုင်အကွာမှာရှိတဲ့ အရာတွေကို စမ်းသပ်ထောက်လှမ်းခဲ့ပါတယ်။
စမ်းသပ်မှုရလဒ်တွေအရဆိုရင် SAL သူလျှိုကင်မရာစနစ်တွေဟာ ချင်းဟိုင်ရေကန်တစ်ဖက်ကမ်းက အရာတွေကို သုည ဒသမ ဝ၇ လက်မအထိရှိတဲ့ အသေးစိတ်တွေကိုတောင် ထောက်လှမ်းပေးနိုင်တယ်လို့သိရပါတယ်။
SAL သူလျှိုကင်မရာစနစ်ဟာ ဂြိုဟ်တုတွေမှာတပ်ဆင်အသုံးပြုမယ်ဆိုရင် ကမ္ဘာ့အားအကောင်းဆုံးသူလျှိုကင်မရာစနစ်ဖြစ်လာမှာပါ။
တရုတ်နိုင်ငံက ၂ဝ၂၃ ခုနှစ် ဒီဇင်ဘာလမှာ လွှတ်တင်ခဲ့တဲ့ Yaogan -41 အမည်ရှိ ဂြိုဟ်တုမှာတပ်ဆင်ထားတဲ့ ကင်မရာစနစ်တစ်မျိုးဟာ အင်ဒို-ပစိဖိတ်ဒေသတစ်ခွင်လုံးမှာရှိတဲ့ ကားတစ်စီးအရွယ်အစားရှိတဲ့အရာမှန်သမျှရဲ့ ရွေ့လျားမှုတွေကို ခြေရာခံ စောင့်ကြည့်နိုင်ပါတယ်။
ရေးသားသူ-The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ