ကပ်ဘေးကာလအတွင်း ယတြာယုံကြည်တတ်သူများအတွက် သက်ကယ်တစ်ပင်ဖြစ်ပါစေသတည်း

ကပ်ဘေးကာလအတွင်း ယတြာယုံကြည်တတ်သူများအတွက်
သက်ကယ်တစ်ပင်ဖြစ်ပါစေသတည်း

အခြေအနေအရပ်ရပ်က စိုးရိမ်မှတ် 10+ ဖြစ်နေလို့ မြန်မာပြည်က လူအားလုံး မပျော်မရွှင် နဲ့ စိုးရိမ်ထိတ်လန့် နေကြပါတယ် ။
အန္တရယ်ကင်း ရန်စွယ်ရှင်းစေခြင်း အထောက်အပံ့ အဖြစ် အောက်ပါယာယီယတြာတွေကို လုပ်စေချင်ပါတယ် ။ အကူအညီတစ်ခုခု ဖြစ်စေချင်လို့ရေးသားတာဖြစ်လို့
သမားဂုဏ်ပြ ပညာရပ် ရှင်းလင်းမှုတွေမပါဝင်ပဲ လက်တွေ့လုပ်ဆောင်ကြရန်အတွက်ပဲ လိုရင်းတိုရှင်း ရေးပေးပါမယ် ။

အသက်ရှင်သန်ဖို့က ပထမဖြစ်၍
မန္တလေး၊အမရပူရ ၊စစ်ကိုင်း ၊ ပဲခူး ၊ တောင်ငူ ရန်ကုန်အပါအဝင် ငလျင်ကြောနှင့် ထိစပ်နေသော ၊ ဘေးအန္တရယ် အလွယ်တကူ ကျရောက်လွယ်သော မြို့ရွာများတွင်နေထိုင်သူများအတွက် အထူးရည်ရွယ် ရေးသားပေးပါသည် ။
ယနေ့ 5.4.2025 မှ 11.4.2025 အတွင်း အောက်ပါအတိုင်းဆောင်ရွက်ပါ။

1. မိမိတို့ကိုးကွယ်ရာ ဘုရားရုပ်ပွားတော်ကို ရောင်တော်ဖွင့်ပါ ။
ရေတော်သပ္ပါယ်ပါ။ ရေခြောက်သွေ့အောင်သုတ်ပြီး
မူလ ထားနေကျ ပုံစံမှ အနည်းငယ် ပြင်ဆင်ပြောင်းရွှေ့ထားရှိပူဇော်ပါ ။

2. မိမိတို့အိမ်မှ စားပွဲ ဗီရို စသည့် အိမ်အသုံးအဆောင်ပစ္စည်းများကို
အနည်းငယ် ပြင်ဆင် ပြောင်းလဲနေရာချထားပါ ။

3. အခန်းကျယ်လျှင် နေရာပြောင်းရွှေ့အိပ်ပါ ။ အခန်းကျဉ်းလျှင် အိပ်နေကျပုံစံ မဟုတ်ပဲ
ဒီကရီ အနည်းငယ်စောင်းရွှေ့ပြီးအိပ်ပါ ။
(မိမိတို့နေအိမ်မဟုတ်သည့်
တခြားတစ်နေရာသို့လည်း ယတြာသဘော ပြောင်းရွှေ့အိပ်စက်ပေးလျှင်ပိုကောင်းပါတယ် )

4. မိမိတို့နေ့နံအလိုက် အမြစ်+အညွှန့် အတွဲ ကိုးညွှန့် ကို လှူပါ။
ကိုယ်တွင်လည်းအောက်ပါအတိုင်း ဆောင်ထားပါ ။

တနင်္ဂနွေ 👉 ဒန်းကြီး ၉ ညွှန့်
တနင်္လာ 👉 ဩဇာ ၄ ညွှန့်
အင်္ဂါ 👉 ခရေ ၆ ညွှန့်
ဗုဒ္ဓဟူး 👉 စိန်ပန်း ၈ ညွှန့်
ကြာသပတေး👉လသာ ၁၀ ညွှန့်
သောကြာ👉ပိတောက် ၁၂ ညွှန့်
စနေ 👉 သစ်အယ် ၇ ညွှန့်
သစ်အယ် ရှာရခက်တယ် ဆိုလျှင်
သီး‌ ၃ ညွှန့် စီ ဖိနပ်မှာ အဆင်ပြေရာနဲ့ ကပ်ပြီး အုန်းတစ်ညွှန့်ဆောင်ပါ ။
လှူသည့်အခါ သီး ၆ ညွှန့် နှင့် အုန်း တစ်ညွှန့်ကို အတူတူပူးတွဲတင်းကျပ်စွာ စည်းနှောင်ပြီးမှ လှူပါ ။

အထူးမှတ်ချက် အမြစ်အညွှန့်အတွဲတို့၏ ဓါတ်သဘောသည်
လုံစေ ကာစေသည်ဖြစ်၍ ရေရှည် ကာလကြာအသုံးပြုလျှင်
လာဘ်လာဘ ကိုပါ နှောင့်နှေးပိတ်ကာတတ်သော သဘောရှိ၏။
ကံကုန်၍ဇီဝိန်ချုပ်ခါနီးလူနာတွင်သုံးလျှင် ဇီဝဓါတ်ကို ချုပ်ကိုင်ထားသလို လူနာတွင် ပင်ပန်းဆင်းရဲအသက်ထွက်ခဲ၏ ။

သို့သော် ယခုကာလတွင် လာဘ်လာဘ ထက် အသက်ဇီဝိန်တည်တံ့ ဘေးကင်းရေးကို သာ ဦးစားပေးရွေးချယ်ရမည့် ကာလဖြစ်သောကြောင့် ဤ ယတြာကို ဆောင်ရွက်ခိုင်းသည်ဟု သဘောကျသူများ လုပ်ဆောင်ပြီး သဘောမတွေ့သူများ
ကိုယ့်သဘော ကိုယ့်ရွေးချယ်မှုသာဖြစ်ပေလိမ့်မည် ။

5. အန္တရယ်အကင်းဆုံး၊ စိတ်တိုင်းအကျဆုံး နေရာတစ်ခုခုတွင် ကာလတို ခေတ္တပြောင်းရွှေ့နေထိုင်ဖို့ ဆုံးဖြတ်ထားလျှင် 10.4.2025အတွင်း ပြောင်းရွှေ့ပြီးသားဖြစ်အောင် စီစဉ်ဆောင်ရွက်ပါ။

6. ဂဗ္ဘေ မီးတိုင်ကို နေ့စဉ် စီရင် ထွန်းညှိပူဇော်ပါ ။

7. အောင်သပြေ 27 ညွှန့်ဖြင့်
အောင်အိုး သီးသန့် တစ်အိုးထိုးလှူထားပါ ။ နွမ်းလျှင် ဘယ်နေ့ဖြစ်ဖြစ် အသစ်လဲလှယ် ထိုးလှူပါ ။

April 12 မှ April 26 ရက်အတွင်းတွင် ခရီးဝေးထွက်ခြင်း ရှောင်ကြဉ်ပါ ။အတတ်နိုင်ဆုံးမိမိတို့ အိမ်တွင် နေထိုင်ခြင်းသည်
ယတြာဖြင့် နေခြင်းဖြစ်သည်ဟု မှတ်ယူပါ။အလုပ်ကိစ္စများရှိ၍ အပြင်ထွက်ရလျှင်လည်း ခါတိုင်းလိုမနေပဲ လုပ်စရာပြီးတာနှင့် အိမ်သို့ အမြန်ဆုံးပြန်ပါ ။
အန္တရယ် တစ်စုံတစ်ရာကျရောက်၍ရှောင်ပြေးစရာကိစ္စပေါ်လာမှ နေအိမ်မှ လျှင်မြန်စွာ ထွက်ခွာပါ ။

သီလဖြူစင်အောင်စောင့်ထိန်းပြီး
သရဏဂုံ ၊ ကိုးပါးဂုဏ် အမြဲထုံထားပါ ။

မြန်မာနိုင်ငံသူ နိုင်ငံသားများနှင့်
ကမ္ဘာသူကမ္ဘာသားအပေါင်းတို့သည် ကျရောက်ဆဲ ကျရောက်လတ္တံဖြစ်သော ဘေးအန္တရယ်ဆိုးအမျိုးမျိုးတို့မှ မထိမပါးလွတ်မြောက်ကြပါစေ။
ရုပ် နာမ် နှစ်ဖြာ စီးပွားဥစ္စာ တည်တံ့ခိုင်မြဲကြပါစေ ။

ရေးသားသူ-CRD

မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။

မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။

👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ

👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ