ငလျင်ဘေးအလှူအဖြစ် ငွေသားသီးသန့် သိန်းခုနစ်သောင်းနဲ့
ပစ္စည်းတန်ဖိုး သိန်း ငါးထောင်ဖိုးဝန်းကျင်ကို လှူဒါန်းခဲ့တဲ့ ခိုင်နှင်းဝေ
ပရိသတ်ချစ်ခင်မှုများစွာ ရရှိထားတဲ့ မင်းသမီး ခိုင်နှင်းဝေကတော့ ငါးကြိမ်မြောက် ငလျင်ဘေးအလှူအနေနဲ့ ဆက်လက်လှူဒါန်းသွားမှာဖြစ်သလို လက်ရှိအချိန်အထိ ငွေသားသီးသန့် သိန်းခုနစ်သောင်းနဲ့ ပစ္စည်းတန်ဖိုး သိန်း ငါးထောင်ဖိုးဝန်းကျင်ကို လှူဒါန်းခဲ့ပြီးပြီလို့ ပြောပါတယ်။
“ငါးကြိမ်မြောက် အလှူပစ္စည်းတွေကို မန္တလေး၊ စစ်ကိုင်း၊ ကျောက်ဆည်နဲ့ လိုအပ်တဲ့နေရာတွေလည်း ထပ်မံပို့ဆောင်လှုဒါန်းဖြစ်ပါတယ်။ ငွေသားသီးသန့် သိန်းပေါင်း ခုနစ်သောင်းနဲ့ အလှုပစ္စည်းတွေ တန်ဖိုးငွေကျပ် သိန်းငါးထောင်ဝန်းကျင်ခန့်အတွက် နည်းများ မဆို ပါဝင်လှုဒါန်းပေးပါတဲ့ ခုနှစ်ရက် သားသမီး အလှူရှင်တွေ အားလုံးနဲ့ လှူဒါန်းကြတာပါ။ ကိုယ်ပြုလုပ်ခဲ့တဲ့ အလှူအတွက် ပီတိကုသိုလ်ပွါးများနိုင်သလို ကုသိုလ်ထူးတဲ့ ခုနစ်ရက် သားသမီးတွေ အားလုံးအတွက်လည်း ဝမ်းမြောက် ဝမ်းသာ သာဓု သာဓု သာဓု ထပ်မံ ခေါ်ဆိုနိုင်ကြပါစေရှင်”လို့ သရုပ်ဆောင် ခိုင်နှင်းဝေက ပြောပါတယ်။
သူမကတော့ ပရဟိတနဲ့ပတ်သက်ပြီး တကယ်လိုအပ်နေတဲ့ နေရာတွေဖြစ်တဲ့ စစ်ကိုင်း၊ မန္တလေး၊ ကျောက်ဆည်၊ ပျဉ်းမနား၊ အင်းလေး၊ ညောင်ရွှေစတဲ့ နေရာတွေကို ကိုယ်တိုင်သွားရောက်ပြီးတော့ လှူဒါန်းနေတာလည်းဖြစ်ပါတယ်။
“သဘာဝဘေးအတွက် အလှုငွေ လှူဖြစ်ပါတယ်။ စိတ်အနှောင့်အယှက်ပေါင်းများစွာနဲ့ပဲ ဆက်လက်ကူညီဝေမျှသွားဖြစ်ပါဦးမယ်။ အခြေအနေတွေအရ၊ အလှုခံ ပုဂ္ဂိုလ်တွေရဲ့ လိုအပ်ချက်နဲ့ဆန္ဒအရပါ ကူညီဝေမျှရတာမို့ပါ။ လိုင်းပေါ်ကအားလုံးရဲ့ အမြင်နဲ့တော့ မတူနိုင်တာများလည်း ဆက်လက်ပေါ်ပေါက်နေဦးမှာ ဖြစ်ပါတယ်။ အလှုတစ်ခုပြုပြီးတိုင်း အလှုရှင်တွေရဲ့ဆန္ဒရော အလှုခံပုဂ္ဂိုလ်တွေရဲ့ ဆန္ဒနဲ့ပါ ကိုက်ညီတာမို့ ကျွန်မ အလှုများအတွက် ကုသိုလ်များကို အပြည့်အဝ သာဓုခေါ်ဆိုနိုင်ပါတယ်။ နာရီ မပတ်တော့ဘူးလား မေးတဲ့ သူများအတွက်ကတော့ ကျမ အလှုသွားရင် နားကပ်တောင် မဝတ်သွားတတ်တာမို့ ပွဲတက်ချိန်များကို စောင့်ကြည့်အားပေးနိုင်ပါတယ်ရှင်”လို့ သူမကဆက်ပြောပါတယ်။
ရေးသားသူ-Myanmar Transparency Entertainment
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
