ဒါရိုက်တာစတီး (ဒွေးမေတ္တာ) အင်းစိန်အကျဉ်းထောင်မှလွတ်မြောက်
လူမှုကွန်ရက်တွင် နစကအားဝေဖန်ရေးသားခြင်းများကြောင့်ဖမ်းဆီးခံရသူဒါရိုက်တာစတီး (ဒွေးမေတ္တာ) (ဧပြီ ၁၇ ရက်)တွင် အင်းစိန်အကျဉ်းထောင်မှ လွတ်မြောက်လာကြောင်း ၎င်းနှင့်နီးစပ်သူများထံမှသိရသည်။
သရုပ်ဆောင်ဆုပန်ထွာ၏ ခင်ပွန်းဖြစ်သူ ကိုဥက္ကာကျော်က “ဒါရိုက်တာစတီးလွတ်ပြီ” ဟု၎င်း၏လူမှုကွန်ရက်တွင် ရေးသားထားသည်။
ဒါရိုက်တာစတီးသည် နစက ဥက္ကဋ္ဌနှင့်ပတ်သက်သည့်သတင်းများကို လူမှုကွန်ရက်စာမျက်နှာတွင် ပြန်လည်မျှဝေကာဝေဖန်ပြောဆိုခြင်း၊ မြန်မာ့ရုပ်ရှင်ထူးချွန်ဆုပေးပွဲနှင့်ပတ်သက်၍ ဝေဖန်ရေးသားခြင်းများကြောင့် နစက၏ လုံခြုံရေးအဖွဲ့ဝင်များက ၎င်းနေထိုင်ရာ သန်လျင်မြို့ရှိ နေအိမ်သို့ ၂၀၂၃ ခုနှစ်၊ မတ်လပိုင်းတွင် သွားရောက်ဖမ်းဆီးခဲ့သည်။
ယင်းသို့ဖမ်းဆီးစဉ် ဒါရိုက်တာ စတီးသည် နေအိမ်မှရှောင်တိမ်းနေသောကြောင့် အဖမ်းမခံပါက၎င်း၏ နေအိမ်အား ချိတ်ပိတ်မည်ဆိုသည့်အတွက် ဖမ်းဆီးခံခဲ့သည်။
လက်ရှိ ၂၀၂၂ ခုနှစ် ၊ဒီဇင်ဘာ ၂၃ ရက်တွင် အီလက်ထရောနစ် ဥပဒေပုဒ်မ-၃၃ (က)ဖြင့် ထောင်ဒဏ် (၆) နှစ်ချမှတ်ခံထားရသူမော်ဒယ်လ်နန်းမွေစံနှင့် ၂၀၂၁ ခုနှစ်၊ဒီဇင်ဘာ ၃၀ ရက်တွင် ရာဇသတ်ကြီးပုဒ်မ ၅၀၅-က ဖြင့် အလုပ်ကြမ်းနှင့် ထောင်ဒဏ်သုံးနှစ်၊ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၆ (ဂ) /၂၃ ဖြင့် အလုပ်ကြမ်းနှင့် ထောင်ဒဏ်(၁၀) နှစ် ချမှတ်ခံထားရသည့်သရုပ်ဆောင်ရဲတိုက်တို့မှာမူ လွတ်မြောက်လာခြင်းမရှိသေးကြောင်း ဒေသတွင်းသတင်းများအရသိရသည်။
ရေးသားသူ- The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
