အင်းလေးဒေသဘက်ကို ကိုယ်တိုင်သွားရောက်လှူဒါန်းခဲ့ပြီး အားပေးနှစ်သိမ့်စကားတွေ ပြောပေးခဲ့တဲ့ ဝတ်မှုန်ရွှေရည်
အနုပညာလမ်းကြောင်းပေါ်မှာ ပရိသတ်အားပေးမှုအခိုက်အမာရရှိထားတဲ့ အကယ်ဒမီ ဝတ်မှုန်ရွှေရည်ကတော့ အင်းလေးဒေသဘက်ကို ကိုယ်တိုင်သွားရောက် လှူဒါန်းခဲ့ပြီး အားပေးနှစ်သိမ့်စကားတွေကို ပြောဆိုအားပေးခဲ့ပါတယ်။
“ဒီနေ့ ကစ် အင်းလေးကို ရောက်ဖြစ်ခဲ့ပါတယ်။ အိမ်ခြေအပျက်အစီးများတဲ့ မြို့ဖြစ်တဲ့ အင်းလေးဒေသကို အရင်ဆုံး မြေပြင်ကူညီကယ်ဆယ်ရေးအတွက် လိုအပ်တာတွေ သွားလှူဖြစ်ခဲ့တယ်။ စဖြစ်ကတည်းက သတင်းတွေ Online News တွေ မြင်ရကြားရပြီး ငလျင်ဒဏ်သင့်ဒေသတွေအတွက် အရမ်းဝမ်းနည်း စိတ်မကောင်းဖြစ်ခဲ့ရပါတယ်။ ကိုယ်လက်လှမ်းမှီသလောက် ကူလို့ လှူလို့ရတဲ့နေရာတွေ ကူရင်း ဒီနေ့တော့ စိတ်ပူရတဲ့ အင်းလေးကို ရောက်ခဲ့တယ်။ အင်းထဲရောက်တော့ အင်းသူအင်းသားတွေရဲ့ ရင်ဖွင့်သံ အင်းထဲကရွာတွေရဲ့ အပျက်အစီးတွေ မြင်ရတော့ စိတ်မကောင်းထပ်ဖြစ်ရပါတယ်”လို့ အကယ်ဒမီ ဝတ်မှုန်ရွှေရည်က ပြောပါတယ်။
သူမကတော့ ဧပြီ ၃ ရက်နေ့က အင်းလေး ရွာလေးရွာဖြစ်တဲ့ အင်းခြံ၊ ကေလာ၊ မြွေပွေးနဲ့ ဘိုကုန်းရွာတို့ကို သွားရောက်ခဲ့ပြီး အသင့်စားမုန့်၊ ခြင်ထောင်၊ စောင်၊ ခြင်ဆေးဘူး၊ လက်ဖက်၊ ကွေကာအုပ်၊ ခေါက်ဖျာ၊ ရေသန့်၊ ဆေးဝါးစတာတွေ လှူဒါန်းမှုတွေ လုပ်ဆောင်ခဲ့တယ်လို့ သိရပါတယ်။ ဝတ်မှုန်ရွှေရည်ကတော့ တကယ် အကူအညီတွေ အလှူတွေမရောက်သေးတဲ့ ရွာတွေလည်းရှိလို့ သေချာစုံစမ်းပြီး ကူညီစေချင်တယ်လို့ ဆိုပါတယ်။
“ဒီနေရာမှာ မသွားခင် ကစ် စိတ်ပူနေခဲ့တာ သောက်ရေရှိပါ့မလား။ အစားအစာဆေးဝါးလုံလောက်ပါ့မလားနဲ့ အတွေးပေါင်းစုံနဲ့။ တကယ် အင်းလေးရေပြင်ကြီးလည်း ရောက်ရော ပြိုလဲနေတဲ့ ခြေတံရှည်အိမ်တွေ ရွာတွေကို မြင်ရတော့ ကစ်သဘောပေါက်သွားတာက ပြန်လည်ထူထောင်ရေး အခန်းကဏ္ဍဆိုတာပါပဲ။ ရေပြင်ကြီးထဲ အိမ်ပြိုလဲသွားလို့ လှေပေါ်မှာနေနေရတယ် စုပေါင်းနေနေရ တယ်ဆိုတဲ့ မိသားစုတွေအတွက် အမှန်တကယ်လိုအပ်တာ သူတို့တွေရဲ့ အိမ်အရင်းအနှီး ဘဝလုပ်ငန်းတွေ ဆိုတာပါပဲ။
ကူညီတတ်ကြတဲ့ မြန်မာလူမျိုးတွေရဲ့ စိတ်ရင်းစေတနာကြောင့် လတ်တလော အဆင်ပြေပေမယ့် ရေရှည်လိုအပ်ချက်တွေကတော့ ပြန်လည်ပတ်နိုင်ဖို့ပါပဲ။ ဒီအခြေနေကိုရောက်ဖို့ အမှန်တကယ် လိုအပ်တာတွေကို ထိထိရောက်ရောက်အားပေးရင်း ကစ်တို့ အတူတူ ကူညီကြရအောင်။ အနယ်နယ်အရပ်ရပ်ကနေ လာကူကြ လှူကြတာတွေလည်း တွေ့ရတော့ ဝမ်းသာပီတိ ဖြစ်ရပါတယ်။ ပြီးတော့ ဒီရေပြင်ကြီးမှာရော မြေပြင်မှာရော ကူညီကယ်ဆယ်ရေးလုပ်နေကြတဲ့ သူတွေကိုလည်း တကယ်လေးစားဦးညွှတ်ပါတယ်။ အားလုံးဘေး ကင်းရန်ကင်းကြပါစေ။ အင်းသူအင်းသားတွေအတွက်လည်း စိတ်ဓာတ်မကျဖို အားပေးစကားတွေပြောရင်း ဆို့နင့်စွာ ပြန်ခဲ့ရတယ်”လို့ သူမက ဆက်ပြောပါတယ်။
ရေးသားသူ-Crd
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
