Sky Villa ကွန်ဒိုပြိုကျမှုတွင် အလှမယ်ကချင်တိုင်းရင်းသူ ဆီလီမီးသေဆုံး

ငလျင်ဒဏ်ကြောင့် Sky Villa ကွန်ဒိုပြိုကျမှုတွင် Miss Tourism Myanmar 2018 အလှမယ် ကချင်တိုင်းရင်းသူ ဆီလီမီးသေဆုံးခဲ့ကြောင်း Miss Tourism Myanmar Facebook Page ကယနေ့(ဧပြီ ၂ ရက်) နံနက်ပိုင်းတွင်ထုတ်ပြန်သည်။
ပြီးခဲ့သည့် မတ်လ ၂၈ ရက်ကလှုပ်ခတ်ခဲ့သည့်အင်အားပြင်းငလျင်ကြောင့် Sky Villa ကွန်ဒိုပြိုကျရာ တွင် Miss Tourism Myanmar 2018 အလှမယ် ဆီလီမီးလည်းပါဝင်ခဲ့ပြီး ယနေ့တွင် ၎င်း၏ ရုပ်အလောင်းကို ကယ်ဆယ်ရေးအဖွဲ့များကရှာဖွေတွေ့ရှိခဲ့ခြင်းဖြစ်သည်။

“အလှမယ်ဆီလီမီးအားမမျှော်လင့်ဘဲဆုံးရှုံးရမှုအတွက် ထိခိုက်နာကျင်ခံစားနေရသော မိသားစုနှင့် ထပ်တူ Miss Tourism Myanmar Organizationနှင့် Blessed Entertainment မှ မိသားစုဝင်များမှ အထူးဝမ်းနည်းကြေကွဲကြောင်း ညှိုးငယ်စွာဖော်ပြအပ်ပါသည်” ဟု Miss Tourism Myanmar Facebook တွင် ဝမ်းနည်းကြောင်းဖော်ပြထားသည်။

ကချင်တိုင်းရင်းသူ ဆီလီမီးသည် ၂၀၁၈ ခုနှစ်တွင် ကျင်းပခဲ့သည့် လီဆူစာပေ နှစ် ၁၀၀ ရာပြည့် ဂျူဗလီ ပွဲတော်တွင် လီဆူအလှမယ်ဘွဲ့ကိုရရှိခဲ့ပြီး မြန်မာနိုင်ငံမှ ပထမဆုံးပါဝင်ယှဉ်ပြိုင်သည့် ၂၀၁၉ ခုနှစ်တွင် တရုတ်နိုင်ငံ Nantong ၌ ကျင်းပခဲ့သော Miss Tourism World Intercontinental Final 2019 တွင် ပါဝင်ခဲ့သူလည်းဖြစ်သည်။
ရေးသားသူ- The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ