အားဖြည့်အချိုရည် နေ့စဉ် သောက်သုံးခြင်းကြောင့်
ဖြစ်လာနိုင်တဲ့ ဆိုးကျိုးများ
ဒီနေ့ခေတ်မှာ အားဖြည့်အချိုရည် (Energy Drink) တွေဟာ တံဆိပ်အမျိုးစုံနဲ့ အမျိုးမျိုး ဈေးကွက်ထဲမှာ ရောင်းချနေသလို လူတွေကလည်း လွယ်လွယ်ပဲ ရိုးရိုးအချိုရည်တွေလို အမောပြေအဖြစ် အရသာခံပြီး နေ့စဉ် သောက်သုံးနေတာကို တွေ့နေရပါတယ်။ ဒါဟာ အလွန်အန္တရာယ်ရှိပြီး ပြင်းထန်တဲ့ ကျန်းမာရေး ဆိုးကျိုးတွေကို ခံစားရစေနိုင်ပါတယ်။
အားဖြည့်အချိုရည်တွေကို အသောက်များမယ်ဆိုရင် ကျန်းမာရေးအတွက် ထိခိုက်မှုတွေ ရှိလာနိုင်ပြီး သေစေနိုင်လောက်တဲ့အထိ ဖြစ်သွားတာမျိုးလဲ ကြုံရနိုင်ပါတယ်။
ဘာကြောင့်လဲဆိုရင် အားဖြည့်အချိုရည်တွေဟာ နှလုံးခုန်နှုန်းကို မြန်စေပြီး လန်းဆန်းအောင် ပြုလုပ်ပေးလေ့ ရှိတာကြောင့် ဘေးထွက်ဆိုးကျိုး အနေနဲ့ နှလုံးရောဂါ၊ နှလုံးကို ပျက်စီးစေတာတွေ ဖြစ်လာစေနိုင်ပါတယ်။
တစ်နေ့ကို အားဖြည့်အချိုရည် ၄ ဗူးကနေ ၅ ဗူးလောက်သောက်တဲ့ ဆောက်လုပ်ရေး လုပ်သား တစ်ယောက်ကို ၃ ပတ်ကြာ လေ့လာလိုက်တဲ့အခါ ဆိုးရွားတဲ့ အသည်းရောင်ခြင်း၊ မအီမသာ ပျို့အန်ခြင်းနဲ့ ဝမ်းဗိုက်အောင့်ခြင်းတွေ ဖြစ်ပေါ်လာတာကို လေ့လာ တွေ့ရှိခဲ့ပါတယ်။ အသားအရောင်တွေဟာ ဝါလာပြီး အရေးပေါ်ကုသမှုခံခဲ့တဲ့ အထိ ဖြစ်သွားစေတာပါ။
ဗီတာမင် ဘီ အုပ်စုဝင် ဗီတာမင်တစ်မျိုး ဖြစ်တဲ့ နိုင်ယာစင် (niacin) များလာတာကြောင့် အသည်းကို ဖျက်ဆီးသလို ဖြစ်စေတယ်လို့ဆိုပါတယ်။ ဒါကြောင့် မသောက်နဲ့လို့တော့ ဆိုလိုတာမဟုတ်ဘဲ နေ့စဉ်အမြဲ သောက်သုံးတာကို တတ်နိုင်သလောက် ရှောင်ကြဉ်ကြဖို့ လိုအပ်ပါတယ်။
ရေးသားသူ- Yoyarlay
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
