ကုလအကြီးအကဲ၏ အထူးသံတမန် ဂျူလီဘစ်ရှော့ မြန်မာသို့ လာမည်
အင်အားပြင်း မြေငလျင်ဒဏ်နှင့်ရင်ဆိုင်ခဲ့ရသော မြန်မာနိုင်ငံသို့ ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်စ်၏ မြန်မာနိုင်ငံဆိုင်ရာအထူးသံတမန် ဂျူလီဘစ်ရှော့ လာရောက်မည်ဖြစ်ကြောင်း သိရသည်။
မိမိ၏မြန်မာနိုင်ငံဆိုင်ရာ အထူးသံတမန် ဂျူလီဘစ်ရှော့သည် လာမည့်ရက်များအတွင်း မြန်မာနိုင်ငံသို့သွားရောက်မည်ဖြစ်ပြီး ငြိမ်းချမ်းရေးနှင့် တွေ့ဆုံဆွေးနွေးရေး ကုလသမဂ္ဂကတိကဝတ် များကို ထပ်လောင်းအတည်ပြုမည်ဖြစ်ကြောင်း ကုလအကြီးအကဲဂူတာရက်စ်က ပြောကြားခဲ့သည်။
ယင်းအပြင် ကုလသမဂ္ဂ၏ နိုင်ငံတကာအကူအညီပေးရေး လုပ်ငန်းအကြီးအကဲ တွမ်ဖလက်ချာသည်လည်း ဧပြီ ၄ ရက်တွင် မြန်မာနိုင်ငံသို့ရောက်ရှိမည်ဖြစ်ကြောင်း ကုလအကြီးအကဲက သတင်းထောက်များနှင့် တွေ့ဆုံစဉ်ပြောကြားထားသည်။
မြေငလျင်အပြင်းအထန် ခံစားထားရသောမြန်မာနိုင်ငံအတွက် ကမ္ဘာ့နိုင်ငံများအနေဖြင့် ကယ်ဆယ်ရေးရန်ပုံငွေ ပိုမိုဖြည့်ဆည်းပေးကြရန်၊ မြန်မာနိုင်ငံတွင်း၌လည်းအကူအညီများ အနှောင့်အယှက်မရှိပေးခွင့်ရရန် ကုလအကြီးအကဲက ဧပြီ ၃ ရက်တွင် မေတ္တာရပ်ခံထားသည်။
မတ် ၂၈ ရက် မြေငလျင်ကြောင့်ဧပြီ ၃ ရက်အထိ မြန်မာနိုင်ငံ၌ သေဆုံးသူ ၃၁၄၅ ဦးအထိရှိလာပြီး ဒဏ်ရာရသူ ၄၅၈၉ ဦး၊ ပျောက်ဆုံးသူ ၂၂၁ ဦး အထိရှိကြောင်းသိရသည်။
ရေးသားသူ-The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
