မြန်မာနဲ့ ထိုင်းငလျင်အရေး အကူအညီပေးဖို့ BIMSTEC အဖွဲ့ဝင်နိုင်ငံတွေ ကတိပြု
မတ်လ ၂၈ ရက်တုန်းက လှုပ်ခတ်ခဲ့တဲ့ငလျင်ကြီးဒဏ်ကို ခံခဲ့ရတဲ့ မြန်မာနဲ့ ထိုင်းနိုင်ငံတို့ကို အကူအညီပေးဖို့ စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် တက်ရောက်ခဲ့တဲ့ BIMSTEC ထိပ်သီးဆွေးနွေးပွဲမှာ အဖွဲ့ဝင် နိုင်ငံတွေ သဘောတူလိုက်ကြပါတယ်။
ငလျင်ဒဏ်ခံရတဲ့ မြန်မာနဲ့ ထိုင်းနိုင်ငံတို့က အခြေအနေကို စာနာနားလည်ပြီး အကူအညီပေးကြဖို့ကိုလည်း ထိုင်းနိုင်ငံ၊ ဘန်ကောက်မြို့မှာ ဧပြီလ ၄ ရက်က ပြုလုပ်တဲ့ ထိပ်သီးဆွေးနွေးပွဲမှာ သဘောတူခဲ့ကြပါတယ်။
အနာဂတ်မှာ သဘာဝ ဘေးအန္တရာယ်တွေကို စီမံတုံ့ပြန်နိုင်ဖို့ အိန္ဒိယနိုင်ငံမှာ သဘာဝ ဘေးအန္တရာယ်လေ့လာရေးဆိုင်ရာ အထူးစင်တာ တစ်ခုကို ကနဦး အကောင်အထည်ဖော်သွားဖို့ကိုလည်း သဘောတူခဲ့ကြတယ်လို့ အိမ်ရှင် ထိုင်းနိုင်ငံ ဝန်ကြီးချုပ်က ထိပ်သီးဆွေးနွေးပွဲအပြီးမှာ ကြေညာချက်ထုတ်ပါတယ်။
ဒါ့အပြင် BIMSTEC အဖွဲ့ဝင်နိုင်ငံတွေကြား ပင်လယ်ရေကြောင်းပို့ဆောင်ရေးဆိုင်ရာပူးပေါင်းဆောင်ရွက်မှု သဘောတူညီချက်တစ်ရပ်ကိုလည်း အခု ထိပ်သီးဆွေးနွေးပွဲမှာ လက်မှတ်ရေးထိုးခဲ့ကြပါတယ်။
ထိပ်သီးဆွေးနွေးပွဲကို ဦးဆောင်ခဲ့တဲ့ ထိုင်းဝန်ကြီးချုပ် ပေထုန်တန် ရှင်နာဝပ်ကတော့ ဒီသဘောတူညီချက်ကြောင့် တောင်အာရှနဲ့ အရှေ့တောင်အာရှကြား ကုန်စည်စီးဆင်းထောက်ပို့မှုအပိုင်း တိုးတက်လာစေမှာဖြစ်သလို ကုန်သွယ်ရေးဆိုင်ရာ ကုန်ကျစရိတ်တွေကိုလည်း လျှော့ချနိုင်လိမ့်မယ်လို့ ဆွေးနွေးပွဲအပြီး ထုတ်ပြန်ချက်မှာ ပြောထားပါတယ်။
တချိန်တည်းမှာပဲ ဒီထိပ်သီးဆွေးနွေးပွဲဟာ မြန်မာစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်အတွက်တော့ မြန်မာပြည်တွင်းမှာ ၂၀၂၁ စစ်အာဏာသိမ်းမှုဖြစ်ပြီးတဲ့နောက် ၄ နှစ်ကျော်အတွင်း အိမ်နီးချင်းထိုင်းနိုင်ငံကို သွားရောက်တဲ့ ပထမဆုံးခရီးဖြစ်သလို ဒေသတွင်းက နိုင်ငံခေါင်းဆောင်တွေ အများစုနဲ့ တွေ့ဆုံခွင့်ရခဲ့တဲ့ ပထမဆုံးခရီးစဥ်လည်း ဖြစ်လာပါတယ်။
ရေးသားသူ- BBC Burmese
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
