ငလျင်တစ်ပတ်ပြည့် – မန္တလေးမှာ ပြိုကျအဆောက်အဦတွေထဲ
ပိတ်မိသူတွေကိုဆက်ရှာဖွေ
မန္တလေးတိုင်းထဲက ငလျင်ကြောင့်ထိခိုက်သေဆုံးမှုများခဲ့တဲ့ အမရပူရနဲ့ မန္တလေးမြို့ပေါ်တို့က ပြိုကျ အဆောက်အဦတွေထဲမှာ ပိတ်မိနေသူတွေကို ဒီနေ့ ဧပြီ ၄ ရက်အထိ ရှာဖွေမှုတွေဆက်လုပ်နေဆဲလို့ ကယ်ဆယ်ရေးအဖွဲ့တချို့ဆီက သိရပါတယ်။
အင်အားအလွန်ပြင်းထန်တဲ့ငလျင်လှုပ်ခတ်ခဲ့တာတစ်ပတ်ကြာမြင့်ပြီဖြစ်တာကြောင့် သေဆုံးသူတွေရဲ့ ရုပ်အလောင်းတွေကို ရှာဖွေဆွဲထုတ်ရာမှာတေ့ အခက်အခဲတွေ ရှိလာတယ်လို့ ပြောကြပါတယ်။
“အမရပူရမှာဆိုရင်လူနေအိမ်တွေထဲမှာ ရှာပါတယ်။ မန္တလေးမြို့ပေါ်ကတော့ ဘုန်းကြီးကျောင်း၊ ဟိုတယ် တချို့ဘက်မှာ ကျွန်တော်တို့ရှာနေပါတယ်။ ရက်ကြာတော့ အလောင်းတွေက ပြတ်ကျတာအထိ ဖြစ်ပေမယ့် မိသားစုတွေရှိနေတော့ ပိုင်ရှင်မဲ့ရုပ်အလောင်းတော့မရှိသေးပါဘူး” လို့ မြန်မာနိုင်ငံလူမှုကယ်ဆယ်ရေးအဖွဲ့ မန္တလေးတိုင်းဒေသကြီးကော်မတီရဲ့ တာဝန်ရှိသူတစ်ဦးက ပြောပါတယ်။
ဒီနေ့ မနက်ပိုင်း မီးသတ်ဦးစီးဌာနရဲ့ ထုတ်ပြန်ချက်အရလည်း မန္တလေးမြို့ပေါ် အောင်မြေသာစံမြို့နယ်မှာရှိတဲ့ Sky Villa ကိုလည်း တရုတ်ကယ်ဆယ်ရေးအဖွဲ့နဲ့ ပူးပေါင်းရှာဖွေဆဲဖြစ်သလို ဦးလှသိန်းသာသနာ့ဗိမာန် အဆောက်အဦ ကိုလည်း အိန္ဒိယအဖွဲ့နဲ့ ပူးပေါင်းရှာနေဆဲလို့ သိရပါတယ်။
ဒီမနက်ရှာဖွေမှုတွေထဲမှာ ဦးလှသိန်းဗိမာန်ကနေ သံဃာတော် နှစ်ပါးရဲ့ ရုပ်အလောင်း၊ အောင်မြင့်မိုရ်ဟိုတယ် ကနေ ရုပ်အလောင်းနှစ်လောင်းတွေ့ရှိတယ်လို့ မီးသတ်ဦးစီးဌာနက ဖော်ပြပါတယ်။
ရေးသားသူ- BBC Burmese
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
