ငလျင်ကြောင့်သေဆုံးသူ ၂၈၀၀ ကျော်နှင့် ဒဏ်ရာရသူ ၄၆၀၀ ကျော်ရှိလာ
မြန်မာနိုင်ငံအလယ်ပိုင်းတွင် အင်အားပြင်ငလျင်လှုပ်ခတ်ခဲ့ခြင်းကြောင့် ယနေ့(ဧပြီ ၂ ရက်) နံနက်ပိုင်း အထိ သေဆုံးသူ ၂၈၈၆ ဦး၊ ဒဏ်ရာရ ၄၆၃၉ ဦးနှင့်ပျောက်ဆုံးသူ ၃၇၃ ဦးရှိကြောင်း နစက ၏ ထုတ်ပြန်ချက်အရသိရသည်။
ငလျင်လှုပ်ခတ်ပြီးငါးရက်ကြာသည်အထိ မန္တလေးနှင့်စစ်ကိုင်းတွင်ပြိုကျနေသည့်တိုက်များအတွင်း ပိတ်မိနေသူများကို ကယ်ဆယ်ရေးလုပ်ငန်းများဆက်လက်လုပ်ဆောင်နေကြောင်းနှင့် သေဆုံးသူဦးရေ မှာ ပိုမိုမြင့်တက်လာနိုင်ဖွယ်ရှိကြောင်း ကယ်ဆယ်ရေးဆောင်ရွက်နေသူများက သတင်းမီဒီယာများကို ပြောဆိုထားသည်။
လက်ရှိတွင်ငလျင်ဒဏ်သင့်ပြည်သူများအတွက် သောက်သုံးရေ၊ အစားအစာ၊ အဝတ်အထည်နှင့် အရေးပေါ်အကူအညီများလိုအပ်နေကြောင်း ကူညီကယ်ဆယ်ရေးဆောင်ရွက်နေသူများကပြောသည်။
ပြီးခဲ့သည့်မတ် ၂၈ ရက်၊ မွန်းလွဲ ၁ နာရီဝန်းကျင်တွင် မြန်မာနိုင်ငံစစ်ကိုင်းမြို့ကိုဗဟိုပြု၍ အင်အားရစ်ခ်ျ တာစကေး ၇ ဒသမ ၇ အဆင့်ရှိမြေငလျင်နှင့် နောက်ဆက်တွဲမြေငလျင်လှုပ်ခတ်မှုကို ရန်ကုန်အပါ အဝင် မြန်မာပြည်အလယ်ပိုင်းဒေသတွင် သိသိသာသာခံစားခဲ့ရသည်။
ငလျင်ဘေးဒဏ်သင့်အဆိုးရွားဆုံးခံစားခဲ့ရသည့် စစ်ကိုင်းတိုင်း၊ ပဲခူးတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်(အရှေ့မြောက်ဒေသ) နှင့် နေပြည်တော်ကောင်စီနယ်မြေတို့တွင် နေအိမ်၊ အဆောက်အဦ နှင့် အထပ်မြင့်တိုက်များ၊ ဟိုတယ်များ၊ မူကြိုကျောင်းများ၊ သာသနိကအဆောက်အဦများ၊ ဗလီကျောင်းများ၊ နေပြည်တော်တွင်ဝန်ထမ်းအိမ်ရာများနှင့် ဌာနဆိုင်ရာအဆောက်အဦများ ပြိုကျပျက်စီးမှုများရှိခဲ့သည်။
အဆိုပါငလျင်ကြောင့် သေဆုံးသူဦးရေမှာ ၁၀၀၀၀ ကျော်အထိရှိနိုင်သည်ဟု အမေရိကန်ဘူမိဗေဒ လေ့လာရေးဌာန (USGS) ကခန်မှန်းထားသည်။
ရေးသားသူ- The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
