နောက်ဆက်တွဲမြေငလျင် (၅၆) ကြိမ်လှုပ်ခတ်ခဲ့ဟု မိုးဇလထုတ်ပြန်
အင်အားရစ်ချ်တာစကေး ၇ ဒသမ ၇ အဆင့်ရှိမြေငလျင်လှုပ်ခတ်ခဲ့ပြီး နောက်ဆက်တွဲငလျင် စုစုပေါင်း (၅၁) ကြိမ်ထပ်မံလှုပ်ခတ်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ယနေ့(ဧပြီ ၂ ရက်) နံနက်ပိုင်းတွင်ထုတ်ပြန်သည်။
ငလျင်လှုပ်ခတ်မှုအကြိမ်ရေများမှာ မတ် ၂၈ ရက်တွင် (၁၂) ကြိမ်၊ မတ် ၂၉ ရက်တွင် (၁၁) ကြိမ်၊ မတ်လ ၃၀ ရက်တွင် (၁၀) ကြိမ်၊ မတ်လ ၃၁ ရက်တွင် (၁၃) ကြိမ်၊ ဧပြီ ၁ ရက်တွင် ခုနစ်ကြိမ်နှင့် ယနေ့(ဧပြီ ၂ ရက်) တွင် သုံးကြိမ်လှုပ်ခတ်ခဲ့ကြောင်း ယင်းထုတ်ပြန်ချက်အရသိရသည်။
ယမန်နေ့(ဧပြီ ၁ ရက်) ညပိုင်းတွင် နေပြည်တော်၊ မန္တလေး၊ ပြင်ဦးလွင်တို့တွင် နောက်ဆက်တွဲငလျင် များလှုပ်ခတ်ခဲ့သည်။ ည ၉ နာရီ ၅၇ မိနစ်တွင် နေပြည်တော်မြို့၏ မြောက်ဘက် ၃၇ ကီလိုမီတာအကွာ အနက် ၃ ဒသမ ၂ ကီလိုမီတာကိုဗဟိုပြု၍ အင်အားရစ်ချ်တာစကေး ၄ ဒသမ ၈ အဆင့်ရှိ မြေငလျင်လှုပ်ခတ်သွားကြောင်း၊ ညနေ ၆ နာရီတွင် မန္တလေးမြို့၏အနောက် မြောက်ဘက် ၁၅ ကီလိုမီတာခန့်အကွာ၊ မြေအောက်အနက် ၁၀ ကီလိုမီတာကိုဗဟိုပြု၍ အင်အားရစ်ချ်တာစကေး ၅ ဒသမ ၀ အဆင့်ရှိ မြေငလျင်တို့လှုပ်ခတ်ခဲ့သည်ဟု အမေရိကန်ဘူမိဗေဒလေ့လာရေးဌာနက ထုတ်ပြန်သည်။
ပြီးခဲ့သည့်မတ်လ ၂၈ ရက်ငလျင်လှုပ်ခတ်မှုကြောင့် ယနေ့(ဧပြီလ ၂ ရက်) နံနက်ပိုင်းအထိ သေဆုံးသူ ၂၈၈၆ ဦး၊ ဒဏ်ရာရ ၄၆၃၉ ဦးနှင့်ပျောက်ဆုံးသူ ၃၇၃ ဦးရှိကြောင်းနစက ကထုတ်ပြန်ထားသည်။
ရေးသားသူ- The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
