မတ် ၂၈ ရက် ငလျင်နောက်ပိုင်း နောက်ဆက်တွဲ မြေငလျင်ပေါင်း (၂၉၆)ကြိမ် လှုပ်ခတ်ခဲ့
မြန်မာနိုင်ငံအလယ်ပိုင်း မန္တလေးမြို့အနီးကိုဗဟိုပြု၍ အင်အားရစ်ခ်ျတာစကေး ၇ ဒသမ ၇ အဆင့်ရှိအင်အားပြင်း မြေငလျင်တစ်ခု လှုပ်ခတ်ခဲ့ပြီးနောက် ဧပြီ ၃ ရက်အထိနောက်ဆက်တွဲ မြေငလျင်ပေါင်း(၂၈၈)ကြိမ်လှုပ်ခတ်ခဲ့ကြောင်း ထိုင်းမိုးလေဝသဌာန ငလျင်တိုင်းတာရေးဌာနခွဲက သတင်းထုတ်ပြန်ထားသည်။
ယင်းအပြင် ဧပြီ ၄ ရက် ညဉ့်သန်းခေါင်ယံနှင့် ဧပြီ ၅ ရက် နံနက် ၉ နာရီကြားကာလအတွင်းကလည်း မြန်မာနိုင်ငံ၌ မြေငလျင်လှုပ်ခတ်မှု ရှစ်ကြိမ်အထိရှိခဲ့ကြောင်း ထိုင်းမိုးလေဝသဌာန၏ အဆို အရသိရသည်။
မတ် ၂၈ ရက် အင်အားပြင်းမြေငလျင်လှုပ်ခတ်ခဲ့ပြီး နောက်ပိုင်း ထပ်မံလှုပ်ခတ်ခဲ့သော မြေငလျင်များ၏ အင်အားမှာ ရစ်ချ်တာစကေး ၁ နှင့် ၅ ဒသမ ၉ အကြားတွင်ရှိကြောင်း ထိုင်းမိုးလေဝသဌာန သတင်းထုတ်ပြန်ချက်တွင် ဖော်ပြထားသည်။
ဧပြီ ၄ ရက်နှင့် ၅ ရက်တို့တွင် လှုပ်ခတ်ခဲ့သော မြေငလျင်များမှာမူ အင်အားရစ်ချ်တာစကေး ၁ ဒသမ ၇ နှင့် ၃ ဒသမ ၈ အကြားရှိပြီး မြေအောက်အနက်သုံးကီလိုမီတာနှင့် ၁ဝ ကီလိုမီတာအကြားတွင် လှုပ်ခတ်ခဲ့သောမြေငလျင်များဖြစ်ကြောင်း သိရသည်။
မတ် ၂၈ ရက် မြေငလျင်ဒဏ်ကို ထိုင်းနိုင်ငံလည်းခံစားခဲ့ရပြီး ဗန်ကောက်မြို့တော်ရှိဆောက်လုပ်ဆဲ အထပ်မြင့်အဆောက်အအုံတစ်လုံး ပြိုကျခဲ့ရာလူအများအပြားသေဆုံးခဲ့ရသည်။
ငလျင်ဗဟိုချက်ရှိရာမြန်မာနိုင်ငံတွင်မူ မတ် ၂၈ ရက် မြေငလျင်ဒဏ်ကြောင့် ဧပြီ ၄ ရက်အထိ သေဆုံးသူ ၃၃၅၄ ဦး၊ ဒဏ်ရာရသူ ၄၈၅ဝ၊ ပျောက်ဆုံးနေသူ၂၂ဝ ရှိကြောင်း သိရသည်။
ရေးသားသူ- The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
