မန္တလေးမှာသေဆုံးသူ အယောက် ၂၀၀၀ ကျော်ရှိ
မန္တလေးမြို့အရှေ့မြောက်ဘက် ၂၁ ကီလိုမီတာခန့်အကွာကို ဗဟိုပြုပြီး အင်အားအလွန်ပြင်းထန်တဲ့ ငလျင်လှုပ်ခတ်ခဲ့တာ ဒီနေ့ ဧပြီ ၄ ရက်မှာဆိုရင် တစ်ပတ်တိတိပြည့်ပါပြီ။ ဒီငလျင်ကြောင့် တစ်နိုင်ငံလုံး အတိုင်းအတာနဲ့ သေဆုံးသူ ၃၁၄၅ ဦးရှိပြီလို့ ဒီနေ့ထုတ် နိုင်ငံပိုင်သတင်းစာမှာဖော်ပြပါတယ်။
စစ်ကောင်စီထုတ်ပြန်တဲ့စာရင်းအရ မန္တလေးတိုင်းထဲမှာ ၂၀၅၃ ဦးနဲ့ ငလျင်ကြောင့်သေဆုံးသူ အများဆုံးဖြစ်ခဲ့ပါတယ်။ မန္တလေးတိုင်းထဲကမှ အမရပူရ မြို့နယ်မှာ ၃၁၁ ဦးနဲ့ အများဆုံး သေဆုံးခဲ့ကာ ပျော်ဘွယ်မှာတော့ ၂၃၃ ဦး သေဆုံးခဲ့ပြီး တခြားမြို့နယ်တွေမှာ သေဆုံးသူ ၁၅၀၀ ကျော်ရှိခဲ့ပါတယ်။
ဒုတိယလူသေဆုံးမှုအများဆုံး ဒေသကတော့ နေပြည်တော်ဖြစ်ပြီး ပျဉ်းမနားနဲ့ ဇမ္ဗူသီရိမြို့နယ်တွေမှာ လူသေဆုံးမှုများခဲ့ပါတယ်။
စစ်ကိုင်းတိုင်းကတော့ တတိယမြောက် လူသေဆုံးမှုများတဲ့ ဒေသတစ်ခုဖြစ်ပြီး စစ်ကိုင်းမြို့ပေါ်မှာတင် ၄၆၇ ဦး သေဆုံးခဲ့ပါတယ်။
ငလျင်ကြောင့် ရှမ်းပြည်နယ်မှာသေဆုံးသူ ၆၆ ဦးနဲ့ ပဲခူးတိုင်းမှာသေဆုံးသူ ၄၄ ဦး ရှိပါတယ်။
ဘီဘီစီနဲ့စကားပြောခွင့်ရခဲ့တဲ့မြို့ခံတချို့ကတော့ သေဆုံးသူအရေအတွက်ဟာ စစ်ကောင်စီထုတ်ပြန်ချက် ထက်ပိုများနိုင်တယ်လို့ ဆိုကြပေမယ့် ပြိုကျ အဆောက်အဦတွေထဲ ပိတ်မိနေသူတွေဆက်ရှိနေတာကြောင့်ပိုမိုတိကျတဲ့အချက်အလက်ရရှိဖို့ ခက်ခဲနေဆဲဖြစ်ပါတယ်။
လက်ရှိမှာတော့ လူသေဆုံးမှုများခဲ့တဲ့ မြို့တချို့မှာ ပြိုကျအဆောက်အဦ ရှင်းလင်းရေးတွေကို စတင် ဆောင်ရွက်နေကြပြီး နိုင်ငံတကာအဖွဲ့တွေကလည်း ဆေးကုသရေးအတွက် ယာယီဆေးခန်းတွေ ဖွင့်လှစ် ပေးတာကို တွေ့ရပါတယ်။
ရေးသားသူ- BBC Burmese
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
