မြေငလျင် စုစုပေါင်း(၁၀၁) ကြိမ်လှုပ်ခတ်ခဲ့ပြီး ဗဟိုပြုမှုအများဆုံးမှာ
မန္တလေးတိုင်းအတွင်းဖြစ်ဟု မိုးဇလထုတ်ပြန်
အင်အားရစ်ချ်တာစကေး ၇ ဒသမ ၇ အဆင့်ရှိ မန္တလေးငလျင်ကြီးအပါအဝင် နောက်ဆက်တွဲငလျင်လှုပ်ခတ်မှု စုစုပေါင်း ၁၀၁ ကြိမ်ရှိပြီဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ယနေ့(ဧပြီ ၉ရက်) ညနေ ၃ နာရီ ၄၉ မိနစ်တွင် ထုတ်ပြန်ခဲ့သည်။
ငလျင်လှုပ်ခတ်မှုအကြိမ်ရေများမှာ မတ် ၂၈ ရက်တွင် (၁၃) ကြိမ်၊ မတ် ၂၉ ရက်တွင် (၁၁) ကြိမ်၊ မတ်လ ၃၀ ရက်တွင် (၁၀) ကြိမ်၊ မတ်လ ၃၁ ရက်တွင် (၁၃) ကြိမ်၊ဧပြီ ၁ ရက်တွင် (ခုနစ်)ကြိမ်၊ဧပြီ ၂ ရက်တွင် (ရှစ်)ကြိမ်၊ဧပြီ ၃ ရက်တွင် (ရှစ်)ကြိမ်၊ဧပြီ ၄ ရက်တွင် (ခြောက်)ကြိမ်၊ဧပြီ ၅ ရက်တွင် (၁၁) ကြိမ်၊ဧပြီ ၆ ရက်တွင် (ခုနစ်)ကြိမ်၊ဧပြီ ၇ ရက်တွင် (ငါး)ကြိမ်၊ဧပြီ ၈ ရက်တွင် (ရှစ်ကြိမ်) နှင့် ယနေ့ ဧပြီ ၉ ရက်တွင် (သုံးကြိမ်)လှုပ်ခတ်ခဲ့ကြောင်း ယင်းထုတ်ပြန်ချက်အရသိရသည်။
အဆိုပါ နောက်ဆက်တွဲငလျင်လှုပ်ခတ်မှုများအနက် ဗဟိုပြုလှုပ်ခတ်မှုအများဆုံးမှာ မန္တလေးတိုင်းအတွင်းရှိ မြို့များဖြစ်ကြောင်း၊ ယနေ့ နံနက် ၄ နာရီ၊၅၁ မိနစ်၊၄၈ စက္ကန့်တွင်လည်း မန္တလေးတိုင်းအတွင်းရှိ မြစ်သားမြို့တွင် အင်အားရစ်ခ်တာ စကေး ၃ ဒသမ ၆ အဆင့်ရှိငလျင်လှုပ်ခတ်ခဲ့ပြီး စဉ့်ကူးမြို့တွင် ယနေ့ မွန်းလွဲ ၂ နာရီ၊၂၉ မိနစ်၊၁၉ စက္ကန့်တွင်အင်အားရစ်ခ်တာစကေး ၄ ဒသမ ၄ အဆင့်ရှိ ငလျင် နှင့် ယနေ့ ညနေ ၃ နာရီ၊၁၇မိနစ်၊၂၁ စက္ကန့်တွင် အင်အားရစ်ခ်တာစကေး ၄ အဆင့်ရှိလှုပ်ခတ်ခဲမှုများဖြစ်ပွားခဲ့ကြောင်း မိုးဇလမှထုတ်ပြန်ထားသည်။
နစက၏ (ဧပြီ ၈ ရက်)၊ည ၈နာရီအချိန်အထိ နောက်ဆုံးရရှိထားသည့် စာရင်းများအရ တစ်နိုင်ငံလုံးအတိုင်းအတာအနေဖြင့် သေဆုံးသူ ၃၃၅၄ ဦး၊ဒဏ်ရာရသူ ၅၀၁၇ ဦး နှင့် ပျောက်ဆုံးသူ ၁၄၈ ဦးအထိရှိလာကြောင်း ထုတ်ပြန်ချက်အရသိရသည်။
လက်ရှိတွင် ပြည်ပနိုင်ငံပေါင်း ၂၀ နိုင်ငံမှ ကယ်ဆယ်ရေး နှင့် လူသားချင်းစာနာထောက်ထားမှုဆိုင်ရာ ထောက်ပံ့ပစ္စည်းများပေးပို့လျက်ရှိကြောင်း နစကမှထုတ်ပြန်ထားသည်။
ရေးသားသူ- The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
