အင်းလေးဒေသ၌ ငလျင်ဒဏ်ကြောင့် လူ ၁၀၀ နီးပါး သေဆုံး၊
အိမ်ခြေ ၂၀၀၀ ကျော်ပျက်စီး
ရှမ်းပြည်နယ်၊ ညောင်ရွှေမြို့နယ် အင်းလေးဒေသရှိ ကျေးရွာခြောက်ရွာတွင် ငလျင်ဒဏ်ကြောင့် လူဦးရေ ၁၀၀ နီးပါးသေဆုံးခဲ့ပြီး အိမ်ခြေ ၂၀၀၀ ကျော်ပျက်စီးခဲ့ကြောင်း ကူညီကယ်ဆယ်ရေးသွားရောက်ခဲ့သည့် မြတ်စေတနာပရဟိတအသင်းမှ တာဝန်ရှိသူတစ်ဦးကပြောသည်။
မတ် ၂၈ ရက်တွင် လှုပ်ခတ်ခဲ့သော အင်အားပြင်းငလျင်ဒဏ်ကြောင့် အင်းလေးဒေသရှိ မြောင်းဝကြီးရွာ၊ အိုင်ထောင့်ကြီးရွာ၊ ရှေ့ဝကြီးရွာ၊ ကေလာရွာ၊ ဇရပ်ကြီးရွာ နှင့် နန်းပန်ရွာတို့မှာ ရွာလုံးကျွတ်နီးပါးပျက်စီးခဲ့ကြောင်းသိရသည်။
“ကျေးရွာတိုင်းလိုလိုပျက်စီးဆုံးရှုံးမှုရှိပါတယ်။ ဒါပေမဲ့အဲဒီထဲက မြောင်းဝကြီးကျေးရွာရယ် အိုင်ထောင့်ကြီးကျေးရွာရယ် ရှေ့ဝကြီးကျေးရွာ ကေလာကျေးရွာရယ် ဇရပ်ကြီးကျေးရွာရယ် နန်းပန်ရွာရယ်ကတော့ အဆိုးဆုံးငလျင်ဒဏ်ကို ထိသွားတာ ရွာလုံးကျွတ်နီးပါးကို ပျက်စီးမှုဖြစ်ခဲ့တဲ့ ရွာတွေပါ။ လက်ရှိအချိန်ထိတော့ ပရဟိတအဖွဲ့အစည်းအချို့လာလှူတာမျိုးတော့ရှိပါတယ်။ အခုလည်းသောက်သုံးအတွက်ရေအလှူရှင်များကိုလည်း ကျွန်တော်တို့ တောင်းခံထားတယ်။ သောက်ရေးတွေ လာလှူဒါန်းပေးကြဖို့မေတ္တာရပ်ခံပါတယ်” ဟု မြတ်စေတနာ ပရဟိတအသင်းမှတာဝန်ရှိသူတစ်ဦးကပြောသည်။
အဆိုပါကျေးရွာများမှ ပြည်သူများသည် လက်ရှိအချိန် လှေပေါ်၌ အခင်းများခင်း၍ နေထိုင်နေရပြီး ဆန်ပြုတ်များသာသောက်သုံးနေရကာ လာရောက်လှူဒါန်းသော အလှူရှင်များကို စောင့်ဆိုင်းနေထိုင်နေရကြောင်း သိရသည်။
ရေးသားသူ-The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
