ငလျင်ဒဏ်သင့်မြန်မာအတွက် အမေရိကန်ဒေါ်လာသန်း ၂၀ ကျော်တန်ဖိုးရှိလူသားချင်းစာနာမှုအကူအညီများပေးရန် Quadမဟာမိတ်အဖွဲ့ ကတိပြု

ငလျင်ဒဏ်သင့်မြန်မာအတွက် အမေရိကန်ဒေါ်လာသန်း ၂၀ ကျော်တန်ဖိုးရှိလူသားချင်းစာနာမှုအကူအညီများပေးရန် Quadမဟာမိတ်အဖွဲ့ ကတိပြု

ငလျင်ဒဏ်သင့်မြန်မာနိုင်ငံအတွက် အမေရိကန်၊ ဩစတေးလျ၊ဂျပန်နှင့်အိန္ဒိယတို့ဖြင့်ဖွဲ့စည်းထားသည့် Quad လေးနိုင်ငံမဟာမိတ်အဖွဲ့က အမေရိကန်ဒေါ်လာ သန်း ၂၀ ကျော်တန်ဖိုးရှိ လူသားချင်းစာနာမှုအကူအညီများကို ပေးအပ်ရန်ကတိပြုကြောင်းအမေရိကန်အစိုးရ Mission To Asean ဌာန၏ယနေ့(ဧပြီ ၄ ရက်)ရက်စွဲဖြင့်ပူးတွဲထုတ်ပြန်ချက်တွင်ဖော်ပြထားသည်။

မဟာမိတ်အဖွဲ့ရန်ပုံငွေနှင့် နှစ်ဘက် ကြိုးပမ်းဆောင်ရွက်မှုများမှတစ်ဆင့် ကယ်ဆယ်ရေးပစ္စည်းများ ပေးပို့ကာ အရေးပေါ် ဆေးကုသရေးအဖွဲ့များ ဖြန့်ကြက်ပြီး ငလျင်ဒဏ်ခံရသူများအား ပြုစုစောင့်ရှောက်ပေးရန် မြန်မာနိုင်ငံတွင် လုပ်ဆောင်နေသော လူသားချင်းစာနာမှုဆိုင်ရာ မိတ်ဖက်များအား ပံ့ပိုးကူညီလျက်ရှိကြောင်းထုတ်ပြန်ချက်ကဆိုသည်။

Quad အဖွဲ့အနေဖြင့် တုံ့ပြန်မှုမကို ထိရောက်စွာ ထိရောက်စွာဖြန့်ဝေပေးပြီး ထိခိုက်ခံစားရသည့်ရပ်ရွာဒေသများ၏ လိုအပ်ချက်များကို ဖြည့်ဆည်းပေးနိုင်ရန် ကြိုးပမ်းမှုများကို ညှိနှိုင်းဆောင်ရွက်နေကြောင်းလည်းဖော်ပြထားသည်။
အဆိုပါထုတ်ပြန်ချက်အတွင်းမတ် ၂၈ ရက်တွင် မြန်မာနိုင်ငံအလယ်ပိုင်းတွင် လှုပ်ခတ်ခဲ့သော ငလျင်ကြောင့် မြန်မာနှင့် ထိုင်းနိုင်ငံတို့မှ ပြည်သူများအား နက်နက်ရှိုင်းရှိုင်းကိုယ်ချင်းစာပြီး ဝမ်းနည်းကြောင်း ထပ်လောင်း ပြောကြားသည်။

သိသာထင်ရှားသော အသက်ဆုံးရှုံးခြင်း၊ ထိခိုက်ဒဏ်ရာရခြင်းနှင့် အခြေခံအဆောက်အဦများ ကျယ်ကျယ်ပြန့်ပြန့် ပျက်စီးခြင်းများကြောင့် မြန်မာနိုင်ငံတွင် လူသားချင်းစာနာထောက်ထားမှုဆိုင်ရာ အခြေအနေများကို ပိုမိုဆိုးရွားလာစေကြောင်းထုတ်ပြန်ချက်ကဆိုသည်။

ထို့နောက် မကြာသေးမီက ယာယီ၊ တစ်စိတ်တစ်ပိုင်း အပစ်အခတ်ရပ်စဲရေးဆိုင်ရာ ကတိကဝတ်များကို ကြိုဆိုပြီး အဆိုပါအစီအမံများကို အကောင်အထည်ဖော်ရန်၊ တိုးချဲ့ရန်နှင့် ကျယ်ပြန့်စေရန်၊ လုံခြုံပြီး မြန်မာနိုင်ငံတစ်ဝှမ်းတွင် လူသားချင်းစာနာမှုအကူအညီများ အချိန်နှင့်တစ်ပြေးညီ ပို့ဆောင်ပေးနိုင်ရန် လုံခြုံစိတ်ချရသော ပတ်ဝန်းကျင်တစ်ခု ပေးဆောင်ရန် အဖွဲ့အစည်းအားလုံးကို ထုတ်ပြန်ချက်တွင်တောင်းဆိုထားသည်။

ထို့ပြင် မတ် ၂၉ ရက်နှင့် ၃၀ ရက်က အာဆီယံနိုင်ငံခြားရေးဝန်ကြီးများ၏ ထုတ်ပြန်ချက်များနှင့် ထိခိုက်ခံစားရသည့် လူမှုအသိုက်အဝန်းများအားအာဆီယံနှင့် ဒေသတွင်းနိုင်ငံများ၏ ပံ့ပိုးကူညီမှုများကို ကြိုဆိုကြောင်းလည်းဖော်ပြထားသည်။

Quad ၏ လူသားချင်းစာနာထောက်ထားမှုအကူအညီနှင့် သဘာဝဘေးကယ်ဆယ်ရေးမိတ်ဖက်အဖွဲ့သည် သဘာဝဘေးအန္တရာယ်စီမံခန့်ခွဲမှုဆိုင်ရာ၊ အာဆီယံလူသားချင်းစာနာထောက်ထားမှုအကူအညီဆိုင်ရာ ညှိနှိုင်း ရေးဗဟိုအပါအဝင် အခြားသောမိတ်ဖက်များနှင့် အနီးကပ်ပူးပေါင်းဆောင်ရွက်နေသော ပူးပေါင်းအဖွဲ့ကို တည်ထောင်ထားကြောင်းသိရသည်။

Quad အဖွဲ့ပူးပေါင်းဆောင်ရွက်မှု၏ မူလဇာစ်မြစ်မှာ၂၀၀၄ ခုနှစ် အိန္ဒိယသမုဒ္ဒရာငလျင်နှင့် ဆူနာမီဘေးအား တုံ့ပြန်ဆောင်ရွက်ခဲ့ပြီး ထိုအချိန်မှစ၍ အင်ဒို-ပစိဖိတ်ဒေသတစ်ဝှမ်း လိုအပ်သည့်အချိန်များတွင် လက်တွေ့ကျပြီး ထိရောက်သော လူသားချင်းစာနာထောက်ထားမှုဆိုင်ရာ အကူအညီများနှင့် သဘာ ဝ ဘေးအန္တရာယ်ဆိုင်ရာ ကယ်ဆယ်ရေးများကို ပံ့ပိုးပေးခဲ့ကြောင်းထုတ်ပြန်ချက်တွင်ဖော်ပြထားသည်။

ထို့နောက်လွတ်လပ်၍ ပွင့်လင်းသော အင်ဒို-ပစိဖိတ်ဒေသအတွက် မဟာမိတ်အဖွဲ့ကမျှဝေထားသော မျှော်မှန်းချက်တစ်စိတ်တစ်ပိုင်းအနေဖြင့် သဘာဝဘေးအန္တရာယ်များ၊ ဒေသတွင်းတည်ငြိမ်ရေးနှင့် လုံခြုံရေးအတွက် ပိုမိုကျယ်ပြန့်သောစိန်ခေါ်မှုများကို တုံ့ပြန်ရန်ကတိကဝတ်ကို ဆုပ်ကိုင်ထားကြောင်း Quad ကဆိုသည်။

ရေးသားသူ- The Standard Time Daily

မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။

မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။

👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ

👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ