နောက်နှစ်ရက်အတွင်း တစ်နိုင်ငံလုံးမှာ မိုးထစ်ချုန်းရွာနိုင်
လာမယ့်နှစ်ရက်အတွင်း ငလျင်ဒဏ်ကြောင့်ပျက်စီးမှုများပြားခဲ့တဲ့ နေပြည်တော်၊ မန္တလေးနဲ့ စစ်ကိုင်း အပါအဝင် နိုင်ငံတဝန်းက တိုင်းဒေသကြီးနဲ့ ပြည်နယ်တွေမှာ နေရာကျဲကျဲ မိုးထစ်ချုန်းရွာမယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက ဒီနေ့ ဧပြီ ၄ ရက် ညနေပိုင်းမှာ ထုတ်ပြန်ပါတယ်။
ဘင်္ဂလားပင်လယ်အော်မြောက်ပိုင်းမှာ တိမ်အနည်းငယ် ဖြစ်ထွန်းနေပြီး၊ ကပ္ပလီပင်လယ်ပြင်နဲ့ ကျန် ဘင်္ဂလားပင်လယ်အော်တို့မှာ တိမ်အသင့်အတင့်ကနေ တိမ်ထူထပ်နေပါတယ်။
တနင်္သာရီ၊ မွန်နဲ့ ကရင်ပြည်နယ်တို့မှာ မိုးတိမ်တောင်တွေ ဖြစ်ထွန်းနေပြီး အဲဒီ မိုးတိမ်တောင်တွေ ရွေ့လျားရာ နေရာတစ်လျှောက်မှာ မိုးရွာသွန်းတာနဲ့အတူ လေပြင်းတိုက်ခတ်တာ၊ မိုးထစ်ချုန်းတာ၊ မိုးကြိုးပစ်တာ၊ လျှပ်စီးလက်တာနဲ့ မိုးသီးကြွေတာစတဲ့ မိုးလေဝသဖြစ်စဉ်တွေ ဖြစ်ပေါ်လာနိုင်ပါတယ်။
ဒါကြောင့် ကြိုတင်သတိပြုကြဖို့လည်း မိုးဇလက အသိပေးထားပါတယ်။
မနက်ဖြန် ဧပြီ ၅ ရက်မနက်ပိုင်းမှာတော့ တနင်္သာရီတိုင်းမှာ နေရာစိပ်စိပ်၊ မွန်နဲ့ ကရင်ပြည်နယ် တို့မှာ နေရာကျဲကျဲနဲ့ ရန်ကုန်၊ ပဲခူး၊ စစ်ကိုင်းအထက်ပိုင်း၊ ဧရာဝတီနဲ့ ကချင်ပြည်နယ်တို့မှာ နေရာကွက်ကျား မိုးထစ်ချုန်းရွာနိုင်ပြီး ရွာရန်ရာနှုန်း ၈၀ လို့ ဖော်ပြပါတယ်။
မိုးဇလပြောရေးဆိုခွင့်ရှိသူ ဦးလှထွန်းကတော့ လာမယ့်ရက်ပိုင်းအတွင်း ကပ္ပလီပင်လယ်ပြင်နဲ့ ဘင်္ဂလားပင်လယ်အော်မှာ လေဖိအားနည်းရပ်ဝန်းဖြစ်လာ နိုင်ပြီး မုန်တိုင်းအဆင့်ရောက်နိုင်မယ်လို့ ခန့်မှန်းထားတယ်လို့ ဧပြီ ၁ ရက်တုန်းက ဖြေကြားထားပါတယ်။
ရေးသားသူ- BBC Burmese
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
