ပျော်ဘွယ် KBZ ဘဏ်ပြိုကျမှု ရှာဖွေကယ်ဆယ်လုပ်ငန်းများရပ်နား
မတ် ၂၈ရက်က လှုပ်ခတ်ခဲ့သည့် အင်အားပြင်းထန်ငလျင်ကြောင့် ပြိုကျခဲ့သည့် ပျော်ဘွယ်မြို့နယ်ရှိ KBZ Bank ရှာဖွေကယ်ဆယ်ရေးလုပ်ငန်းများကို ယမန်(ဧပြီ ၄ ရက်) မှစ၍ ရပ်ဆိုင်းပြီး ပြန်လည်ထူထောင်ရေးလုပ်ငန်းများကို ဆောင်ရွက်သွားမည်ဖြစ်ကြောင်း ပျော်ဘွယ်မြို့နယ်မီးသတ်မှ တာဝန်ရှိသူတစ်ဦးကပြောသည်။
ငလျင်ဒဏ်ကြောင့် ငါးထပ်ဆောင်ရှိသည့် KBZ ဘဏ်သည် သုံးထပ်မြေကြီးထဲကျွံဝင်ကာ ပြိုကျပျက်စီးခဲ့ပြီး ယင်းအဆောက်အဦးထဲတွင် ဘဏ်ဝန်ထမ်းများနှင့် ငွေကြေးကိစ္စ လာရောက် လုပ်ကိုင်ကြသူ စုစုပေါင်း ၄၀ ဦးပိတ်မိခဲ့ရာ အသက်ရှင်လျက်ရှိသူ ၁၅ ဦးကို ကယ်ထုတ်နိုင်ခဲ့သော်လည်း ကျန်သူများမှာ သေဆုံးလျက် ရှာဖွေတွေရှိခဲ့ကြောင်းသိရသည်။
“ကျွန်တော်တို့ပြီးခဲ့တဲ့မတ်၃၀ရက်က စင်ကာပူနိုင်ငံက ပညာရှင်တွေနဲ့ မြန်မာနိုင်ငံမီးသတ်တပ်ဖွဲ့က တာဝန်ရှိသူတွေနဲ့အတူ KBZ ဘဏ်ကို စစ်ဆေးခဲ့ရာမှာ အသက်ရှင်တဲ့သူမရှိတော့ဘူးလို့ စစ်ဆေးတွေ့ရှိခဲ့ပါတယ်လို့ သတင်းထုတ်ပြန်ခဲ့တယ်။ အခုလည်း KBZ Bank အတွင်း ပိတ်မိနေတဲ့လူစာရင်းအရ အကုန်ဖယ်ရှားရှင်းလင်းပြီးတာကြောင့် ကယ်ဆယ်ရေးလုပ်ငန်းများကို ရပ်ပြီး ထူထောင်ရေးလုပ်ငန်းများကို လုပ်ဆောင်သွားမှာပါ”ဟု ပျော်ဘွယ်မြို့နယ်မီးသတ်မှ တာဝန်ရှိသူ တစ်ဦးက ပြောသည်။
ပျော်ဘွယ်မြို့နယ်အတွင်း မြေငလျင်ကြောင့် သေဆုံးသူ ၂၀၀ ကျော်နှင့် ထိခိုက်ဒဏ်ရာရသူ ၁၅၀ ခန့်ရှိကြောင်း ပျော်ဘွယ်မီးသတ်က သတင်းထုတ်ပြန်ထားသည်။
ရေးသားသူ-The Standard Time Daily
မိုးနတ်မင်းသတင်းစုံကို ဖတ်ရှုအားပေးတဲ့အတွက် ကျေးဇူးအထူးတင်ရှိပါတယ်။
မိုးနတ်မင်း သတင်းစုံ နှင့် Moe Nat Min TV မှ ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများ (အနုပညာသတင်းများ) အပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။
👉 သတင်း အသစ်တင်တိုင်း သိရှိရန်
Telegram Channel Join ထားပါ
Telegram Channel ဝင်ရန်နှိပ်ပါ
👉 ရုပ်သံဖြင့် သတင်းကြည့်ရှုရန်
Youtube Channel Join ထားပါ
Youtube Channel ဝင်ရန်နှိပ်ပါ
