အင်စတာဂရမ် အကောင့်ပြန်ပွင့်ဖို့ Meta ကုမ္ပဏီဝန်ထမ်းများနှင့် အတူအိပ်ခဲ့တဲ့ အမျိုးသမီး
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့အင်စတာဂရမ် အကောင့်ပြန်ပွင့်ဖို့ Meta ကုမ္ပဏီဝန်ထမ်းများနှင့် အတူအိပ်ခဲ့တဲ့ အမျိုးသမီး ဆိုတဲ့သတင်းလေးပဲ ဖြစ်ပါတယ်။
အင်စတာဂရမ်လူမှုကွန်ရက်ပေါ်တွင် မကြာသေးမီကမှ podcast အသွင်အပြင်ကို OnlyFans အဖြစ် တင်ဆက် နေသူအမျိုးသမီးသည် ၎င်း၏အင်စတာဂရမ် account ပြန်လည်ရရှိရေးအတွက် Meta ကုမ္ပဏီဝန်ထမ်းများနှင့် လိ-င်ဆ-က်ဆံခဲ့ကြောင်း သိရသည်။
အင်စတာဂရမ်ဆိုသည်မှာ meta လက်အောက်ရှိ ဖေ့ဘုတ်ကုမ္ပဏီ ကဲ့သို့ပင် ဇူကာဘတ်ပိုင်ဆိုင်သော လူမှုကွန်ယက်ဖြစ်ပါသည်။ Podcast ဆိုသည်မှာ အင်တာနက်ပေါ်တွင် ဒေါင်းလုတ်ချရာ၌ လွယ်ကူစေရန် ဒစ်ဂျစ်တယ်ပုံစံဖြင့် အားဖြည့် ပရိုဂရမ်တစ်ခုဖြစ်ပြီး OnlyFans ဆိုသည်မှာ account ပိုင်ရှင်ကို အားပေးထောက်ခံသူများသာ သီးသန့်ကြည့်နိုင် ရန် စီစဉ်ထားခြင်းကိုခေါ်သည်။
အင်တာဂရမ်တွင် follower တိုးပွားနေသူ ကစ်တီလီဇို (Kitty Lixo) ဟုခေါ်သည့် အဆိုပါအမျိုးသမီးသည် No Jumper podcast တွင် အံ့အားသင့်စရာ စွပ်စွဲချက်တစ်ရပ်ကို ပြုလုပ်ခဲ့သည်။
၎င်းစွပ်စွဲချက်အစိတ်အပိုင်းနှင့်ပတ်သက်၍ Podcast ဒိုင်ခံတင်ဆက်သူ အဒမ်ဂျွန်ဂရင်းမေဆင်က “ခင်ဗျားက အင်စတာဂရမ်ကို ဖျက်လိုက်ရင် ဘယ်လိုပြန်ဆယ်မှာလဲ” ဟု စာတန်းထိုး၍ တွစ်တာတွင် လွှင့်တင်ခဲ့သည်။
ကစ်တီလီဇို၏အဆိုအရ သူမ၏ အင်စတာဂရမ် account သည် ၃ ကြိမ်၊ ၄ ကြိမ်ခန့် အပိတ်ခံရသဖြင့် အင်စတာ ဂရမ်၊ ဖေ့စ်ဘွတ်ခ်နှင့် အခြားလူမှုကွန်ရက်များမှာ လုပ်ကိုင်နေကြသည့် ကုမ္ပဏီဝန်ထမ်းများစွာနှင့် အိပ်ခဲ့ကြောင်း သိရသည်။
အင်စတာဂရမ်တွင် လီဇိုသည် အရွယ်ရောက်ပြီးများသာ ကြည့်ရှုခွင့်ရှိသည့် အကြောင်းအရာများ(မဖွယ်မရာများ) ပါရှိသော ၎င်း၏ OnlyFans account ကို မကြာခဏ ချိတ်ဆက်နေခဲ့သည်။
၎င်း၏ account သည် မည်သို့မည်ပုံ ပိတ်ဆို့ခံထားရကြောင်း တိတိကျကျမသိရသော်လည်း Meta ကုမ္ပဏီကတော့ ၎င်း၏မဖွယ်မရာကြော်ငြာနေမှုကို တားမြစ်ရန်အတွက် ၂၀၂၀ ပြည့်နှစ်၊ ဒီဇင်ဘာလတွင် လီဇို၏ account အတွက် စည်းကမ်းသတ်မှတ်ချက်များကို update လုပ်၍ အကြောင်းကြားခဲ့သည်။
“OnlyFans သည် ညစ်ညမ်းဝက်ဘ်ဆိုက်မဟုတ်သော်လည်း အခြားလိ-င်အသားပေးအကြောင်းအရာ ချိတ်ဆက်၍ link တွဲလျှင် ထို account များကို ကျွန်ုပ်တို့ အရေးယူပါသည်” ဟု Meta က လီဇိုထံ အကြောင်းကြားခဲ့သည်။
“ကျမရဲ့ အင်တာစတာဂရမ်ကို ပထမဆုံးအပိတ်ခံရတဲ့အချိန်မှာ ကျမသူငယ်ချင်းတစ်ယောက် အင်စတာဂရမ်မှာ အလုပ်လုပ်နေတာ သွားသတိရမိတယ်။ သူက ယောက်ျားလေးပါ။ အဲဒါနဲ့ account ပြန်ရဖို့ သူနဲ့အတူ အိပ်ခဲ့ပါ တယ်။ ပြီးတော့ သူလုပ်ခဲ့တာက သူ့အတွက် တကယ့်ကို ကောင်းပါတယ်” ဟု လီဇိုက လူမှုကွန်ရက်တွင် ရေးသား ခဲ့သည်။
လီဇိုသည် အင်စတာဂရမ်မှ သူငယ်ချင်းဖြစ်သူကို “အင်စတာဂရမ်အပိတ်ခံရသည့်အခါ ပြန်လည်သုံးသပ်သည့် လုပ်ငန်းစဉ် မည်သို့လုပ်ဆောင်ရကြောင်း” ထုတ်ဖော်ရန် မေးမြန်းခဲ့သည်။
“ဒါကြောင့် ဆိုလိုချင်တာ သမာသမတ်ရှိတဲ့အနေအထားကို ဒီကုမ္ပဏီတွေ ပြန်လည်ပြင်ဆင်ဖို့ လိုနေပြီဆိုတာ ပြောချင်တာပါ” ဟု လူမှုကွန်ရက်သုံးစွဲနေဆဲဖြစ်သည့် လီဇိုက မှတ်ချက်ချခဲ့သည်။
ရေးသားသူ – CNI
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
