ဖြစ်နိုင်ခြေကို လွန်ဆန်ပြီး ရှင်သန်ခဲ့တဲ့ ခေါင်းချင်းဆက်အမြွှာညီအစ်မ သူငယ်တန်းအောင်သွားပြီ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဖြစ်နိုင်ခြေကို လွန်ဆန်ပြီး ရှင်သန်ခဲ့တဲ့ ခေါင်းချင်းဆက်အမြွှာညီအစ်မ သူငယ်တန်းအောင်သွားပြီ ဆိုတဲ့သတင်းလေးပဲ ဖြစ်ပါတယ်။
ဖြစ်နိုင်ခြေကို လွန်ဆန်ပြီး ရှင်သန်ခဲ့တဲ့ ခေါင်းချင်းဆက်အမြွှာညီအစ်မ သူငယ်တန်းအောင်သွားပြီ
ခွဲစိတ်မှုအောင်မြင်နိုင်ခြေ ၂ ရာခိုင်နှုန်းပဲ ရှိတဲ့ ခေါင်းချင်းဆက်အမြွှာ ညီအစ်မဟာ အခုအခါမှာတော့ သူငယ်တန်းအောင်သွားခဲ့ပါပြီ။ ဟီသာဒီလာနေးဟာ ကိုယ်ဝန်ဆောင်ချိန် ၁၁ ပတ်အကြာမှ ခေါင်းချင်းဆက်အမြွှာ ကိုယ်ဝန်ဆောင်ထားရမှန်း သိခဲ့တာပါ။ ကိုယ်ဝန်ဆောင်ချိန် သီတင်းပတ် ၃၀ အကြာမှာ မီးဖွားခဲ့ပြီး အမြွှာနှစ်ယောက်ပေါင်း ခန္ဓာကိုယ်အလေးချိန် ၆ ပေါင်ပဲ ရှိပါတယ်။
အက်ဘီနဲ့ အာရင်လို့ အမည်ရတဲ့ အမြွှာညီအစ်မနှစ်ယောက်ဟာ တစ်နှစ်အရွယ်အထိ အထူးကြပ်မတ်ကုသဆောင်မှာ နေခဲ့ရပြီး ဖီလာဒဲလ်ဖီးယားမြို့ ကလေးဆေးရုံမှာ ဦးခေါင်းခွဲစိတ်မှုလုပ်ခဲ့တာပါ။ သူတို့နှစ်ယောက်လုံး ဖွံ့ဖြိုးတိုးတက်မှုပိုင်းဆိုင်ရာ အခက်အခဲတွေ ရှိခဲ့ပေမဲ့ ၇ နှစ်ပြည့်ခါနီးမှာတော့ သိသိသာသာ တိုးတက်လာခဲ့ပါတယ်။
” ကံကောင်းလွန်းလို့ ယုံတောင်မယုံနိုင်ဘူး။ သူတို့ သူငယ်တန်းအောင်သွားတာ အိပ်မက် မက်နေတဲ့အတိုင်းပါပဲ” လို့ မိခင်ဖြစ်သူ ဟီသာက ပြောပါတယ်။ ခွဲစိတ်မှုမလုပ်ရသေးခင် ခေါင်းချင်းဆက်နေတဲ့ အမြွှာညီအစ်မနှစ်ဦးရဲ့ဓာတ်ပုံကို သူတို့အိမ်မှာ ချိတ်ဆွဲထားပြီး တစ်နေ့ကျရင်တော့ ဒီအကြောင်း ပြောပြဖြစ်လိမ့်မယ်လို့ ဟီသာက ဆိုပါတယ်။
အက်ဘီနဲ့ အာရင်တို့ဟာ သာမန်ကလေးတွေ တက်တဲ့ ကျောင်းမှာပဲ ပညာသင်ကြားနေပေမဲ့ လိုအပ်ချက်ရှိသူတွေတက်တဲ့ အထူးတန်းမှာ တက်ရောက်နေပါတယ်။ အာရင်က ၅ နှစ်အရွယ်ကတည်းက လမ်းလျှောက်တတ်ခဲ့ပြီး အက်ဘီကတော့ အခုမှ လမ်းစလျှောက်တတ်တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
