ခုနစ်ရက်သားသမီးများအတွက် 7.8.2023 မှ 13.8.2023ထိတစ်ပတ်စာကံကြမ္မာဟောကိန်း
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ခုနစ်ရက်သားသမီးများအတွက် 7.8.2023 မှ 13.8.2023ထိတစ်ပတ်စာကံကြမ္မာဟောကိန်း ဆိုတဲ့သတင်းလေးပဲ ဖြစ်ပါတယ်။
ခုနစ်ရက်သားသမီးများအတွက် 7.8.2023 မှ 13.8.2023ထိတစ်ပတ်စာကံကြမ္မာဟောကိန်း
တနင်္ဂနွေသားသမီး
အသစ်စတင်ခြင်း၊ ဝန်းကျင်သစ်နှင့် ဆက်ဆံခြင်း၊ ရည်ရွယ်ချက်သစ်များအပေါ်လက်တွေ့အကောင်အထည်ဖော်နိုင်ခြင်းရှိမည်။ စိတ်ကူးသစ်များကို လက်တွေ့ကျကျပုံဖော်ပါ။ အပြိုင်အဆိုင်အနှောင့်အယှက်၊ အတိုက်အခံများအားကျော်လွှားနိုင်မည်။
နှောင်ဖွဲ့မှုအသစ်များနှင့် ထိပ်တိုက်တွေ့ရမည်။ ပြဿနာသစ်များနှင့်ရင်ဆိုင်ရမည်။ လူညစ်၊ လူရှုပ်များနှင့်တွေ့မည်။ ကတိဖျက်သောသူများ၊ စကားမတည်သောသူများနှင့် ဆက်ဆံရသောအနေအထားရှိသည်။ အတိုက်အခံကြားမှ ရသလောက်လမ်းသစ်ထွင်ကာ ရှေ့တိုးဆောင်ရွက်ရမည်။ ငွေကြေးကံကောင်းမည်။ မထင်မှတ်ထားသောလုပ်ငန်းများမှ ငွေဝင်လမ်းပွင့်မည်။ ဥစ္စဓနတိုးပွားမည်။ အလုပ်တိုးတက်မည်။ ပြတ်သားစွာဆုံးဖြတ်ဆောင်ရွက်ပါ။
ယတြာ – ဆီထမင်း ဆွမ်းတော်တင်ပါ။
တနင်္လာသားသမီး
မျှမျှတတအနေအထားနှင့် အရာရာကိုဆောင်ရွက်နိုင်မည်။ အမှုအခင်းများရင်ဆိုင်ရက မိမိဘက်မှအနိုင်ရမည်။ လူညစ်များ၊ လူရှုပ်လူပွေများအပေါ် အနိုင်ရနိုင်သောကာလဖြစ်သည်။ ရပ်ဝေးနှင့်ဆက်သွယ်လုပ်ကိုင်သောကိစ္စများမှ ထူးခြားသောအကျိုးကောင်းများရရှိမည်။ မတော်မတရားစွပ်စွဲတိုက်ခိုက်မှုများနှင်ရင်ဆိုင်ရမည်။ ကိုယ်တိုင်ဖြေရှင်းစရာမလိုဘဲ ကြားလူမှဖော်ထုတ်ဖြေရှင်းသွားလိမ့်မည်။
အပြောင်းအလဲအလုံးစုံတွင် အတိုက်အခံများလွမ်းမိုးနေမည်။ ဖြစ်ပေါ်လာမည့် အကျိုးဆက်ကောင်းများကို လိုက်လံပိတ်ဆို့ခံရမည်။ လက်ဝယ်ပြန်လည်ရရှိထားသော အခွင့်အရေးများကို လိုက်လံလုယက်ယူငင်သူများနှင့်တွေ့မည်။ မိသားစုအိမ်တွင်းရေးအညံ့ကြုံမည်။မကြာခဏစကားများရမည်။
ယတြာ – သစ်သီး (၉) မျိုး ဆွမ်းတော်တင်ပါ။ အိမ်ရှိသော့ကျိုး၊ သော့ပျက်များ စွန့်ပစ်ပါ။
အင်္ဂါသားသမီး
ဆောင်ရွက်နိုင်စွမ်းရှိလျက် ရှေ့တိုးဆောင်ရွက်၍ မရခြင်း၊ မိမိလက်ဝယ်ရရှိထားသောအခွင့်အရေးများ လက်လွတ်ဆုံးရှုံးရခြင်းများကြုံတတ်သည်။ လုပ်ကိုင်တတ်ကျွမ်းစွမ်းအားရှိလျက် လုပ်ငန်းလက်မဲ့ဖြစ်ခြင်း၊ ကပြောင်းကပြန်ဖြစ်အောင်နှောင့်ယှက်တိုက်ခိုက်သူများနှင့်ကြုံမည်။ ဆောင်ရွက်မည့်ကိစ္စမှန်သမျှကို သိုသိုသိပ်သိပ် ဆောင်ရွက်ကာမှ တော်ရုံကျမည်။
ကိုယ့်အပေါ်အသုံးချဒုက္ခပေးသောသူများနှင့်ကြုံမည်။ အများကိစ္စ၊ အဖွဲ့အစည်းကိစ္စများတွင် ကြားဝင်ပတ်သက်ခြင်းကို တတ်အားသမျှရှောင်ပါ။ အလောတကြီးဆောင်ရွက်ခြင်းများလျှော့ပါ။ ငွေကြေးမြောက်မြားစွာ ရင်းနှီးမြှုပ်နှံပြီး ဆောင်ရွက်ရသောလုပ်ငန်းများရှောင်ပါ။ စုပေါင်းတွဲဖက်စပ်တူလုပ်သောလုပ်ငန်းများလုပ်ကိုင်ရန် ကမ်းလှမ်းလာပါက လက်ခံနိုင်သည်။ အမှုအခင်းသတိရှိပါ။ မတော်တဆထိခိုက်မှုများဂရုစိုက်ပါ။
ယတြာ – ဗုဒ္ဓဟူးနေ့တွင် သပြေပန်း ဘုရားကပ်လှူပါ။
ဗုဒ္ဓဟူးသားသမီး
အနှောင့်အယှက်အတိုက်အခံများနှင့်တွေ့မည်။ လုပ်ကိုင်နေသောလုပ်ငန်းအချို့ ရပ်တန့်မည်။ အသစ်ဖြစ်တည်နေသောလုပ်ငန်းများကို အဆင့်ဆင့်လုပ်ကိုင်၍တိုးတက်မှုများရရှိမည်။ ကိုယ့်အပေါ်နားလည်သဘောပေါက်ကောင်းကျိုးပြုသောသူများနှင့် ခေတ္တယာယီဝေးကွာနေရမည်။အပြောင်းအလဲများဖန်တီးနိုင်မည်။
အတိုက်အခံကြားမှတိုးတက်မှုများရှာဖွေရမည်။ သူတစ်ပါးကြောင့် နှောင့်နှေးနေသောကိစ္စများကို ပြေလည်အောင်ဆောင်ရွက်နိုင်မည်။ ချစ်သူခင်သူရင်းနှီးသူများနှင့် ခေတ္တယာယီခွဲခွာရမည်။ ငွေ၊ ပစ္စည်းများ ပျောက်ရှတတ်သည်။ လူလိမ်လူကောက်များ မိမိဝန်းကျင်တွင်ရှိမည်။ စာချုပ်စာတမ်းလက်မှတ်ထိုးခြင်း၊ ငွေကြေးကိစ္စတာဝန်ယူ အာမခံခြင်းရှောင်ပါ။ ကျန်းမာရေးအနည်းငယ်အညံ့ရှိမည်။ မတော်တဆထိခိုက်မှုအန္တရာယ်ဂရုစိုက်ရမည်။
ယတြာ – အလုပ်ကိစ္စများဆောင်ရွက်က ကံ့ကော်ညွှန့်ဆောင်ပါ။
ကြာသပတေးသားသမီး
ကောင်းသောအပြောင်းအလဲနှင့် တိုးတက်မည်။အခွင့်အလမ်းကောင်းများပေါ်ထွန်းမည်။ ရည်မှန်းချက်သစ်များကို လက်တွေ့အကောင်အထည်ဖော်နိုင်သည်။ ကြားစကားများယုံစားမိ၍ အချင်းချင်းပဋိပက္ခဖြစ်တတ်သည်။ ပြဿနာဟောင်းများဖြေရှင်းရမည်။ ဆက်ဆံခဲ့ဖူးသော မိတ်ဟောင်းများနှင့်ဆက်နွှယ်သောပြဿနာများရင်ဆိုင်ရမည်။
အစွပ်စွဲခံရမည်။ အိမ်တွင်းရေးပဋိပက္ခဖြစ်ခြင်း၊ အိမ်ပူခြင်းများရှိမည်။ ကိုယ့်အပေါ်ဒုက္ခပေးသောသူများကြောင့် စိတ်သောကဖြစ်ရမည်။ ငွေလာရောက်ချေးသူရှိမည်။ ချေးငှားခြင်းမပြုပါနှင့်၊ လက်လွတ်ဆုံးရှုံးတတ်သည်။ တစ်ပါးသူပေးသောကတိအား အလွယ်တကူယုံစားခြင်းမရှိသင့်။ ကိုယ်တိုင်လည်း တစ်ပါးသူအား အလွယ်တကူကတိပေးခြင်းမပြုရ။ ရောင်းမှားဝယ်မှားဖြစ်တတ်သည်။
ယတြာ – တနင်္ဂနွေနေ့တွင် ညောင်ပင်အစရှိသည့် သစ်ပင်ကြီးအောက်တွင် သန့်ရှင်းရေးပြုလုပ်ပါ။
သောကြာသားသမီး
မှန်းစသည်တစ်မျိုးလက်တွေ့တစ်မျိုးဖြစ်မည်။ စီစဉ်ထားသည့်ကိစ္စများ နောက်ဆုံးအခြေအနေရောက်မှ တလွဲတချော်ဖြစ်မည်။ သစ္စာမဲ့သောသူများနှင့်တွေ့မည်။ အတွင်းလူဒုက္ခပေးမှုကြောင့် ပြဿနာဖြစ်တတ်သည်။ ပူးပေါင်းလုပ်သောသူကသစ္စာဖောက်ချောက်ချမည်။ ယုံယုံကြည်ကြည်နှင့်လွှဲအပ်ထားသောသူမှ ငွေကြေးအလွဲသုံးစားလုပ်ခြင်း၊ နာမည်အလွဲသုံးစားလုပ်ခြင်းပြုလိမ့်မည်။
မိမိအမည်ကိုအသုံးချ၍ ကိုယ်ကျိုးရှာအမြတ်ထုတ်ကြလိမ့်မည်။ ငွေချေးကဆုံးမည်။ အလိုက်မသိသော၊ စည်းကမ်းမဲ့သောဧည့်သည်များ အိမ်သို့ရောက်လာတတ်သည်။ ၎င်းဧည့်သည်ကြောင့် အိမ်ပူစိတ်ရှုပ်ရမည်။ မိဘအကြီးအကဲကျန်းမာရေးအနည်းငယ်အညံ့ရှိသည်။ လျှပ်စစ်မီးအန္တရာယ်သတိရှိပါ။ဓာတ်လိုက်တတ်သည်။
ယတြာ – စာသင်ကျောင်းတွင် ပရိဘောဂဒါနပြုပါ။
စနေသားသမီးများ
ကိုယ်ပိုင်အစွမ်းအစကိုအသုံးချ၍ တိုးတက်မှုများရှာဖွေရမည်။ ရုတ်တရက်ဆုံးဖြတ်ပြီး ရှေ့တိုးလုပ်ကိုင်သောလုပ်ငန်းများမှ ထူးခြားသောတိုးတက်မှုများရရှိမည်။ ပြဿနာအနှောင့်အယှက်များ အေးငြိမ်းသွားမည်။ အဆင်ပြေခြင်း၊ တိုးတက်ခြင်းနှင့် အလိုပြည့်စုံခြင်းရှိမည်။ တစ်ပြိုင်နက်တည်းလုပ်ငန်းနှစ်မျိုးဆောင်ရွက်နိုင်မည်။
ကိုယ်ရေးကိုယ်တာကိစ္စ၊ မိသားစုကိစ္စများကို အဆင်ပြေချောမွေ့စွာဆောင်ရွက်နိုင်မည်။ အကြီးအကဲများထံမှ အထောက်အကူကောင်းများရရှိမည်။ နာမည်ဂုဏ်သတင်းကျော်ကြားမည်။ လူသိထင်ရှားဖြစ်မည်။ အညံ့အဆိုးမှန်သမျှထိုးဖောက်၍ အောင်မြင်အောင်ဆောင်ရွက်နိုင်မည်။ မျက်နှာပွင့်မည်။ စန်းကောင်းမည်။ သွားလေရာ ရောက်လေရာ ကူညီသူမိတ်ဆွေပေါမည်။
ယတြာ – သောကြာနေ့တွင် သီဟိုဋ်ညွှန့် (၇) ညွှန့် ဘုရားပန်းကပ်လှူပါ။
ရေးသားသူ –ဆရာမရွှေရုပ်လွှာအကြားအမြင် ဗေဒင်
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
