၉ နှစ်သမီးလေးရဲ့လေယာဉ်ပေါ်ကျန်ခဲ့တဲ့ အရုပ်လေးကို ပြန်ရှာပြီး ကိုယ်တိုင်လာပို့ပေးခဲ့တဲ့ လေယာဉ်မှူး
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ၉ နှစ်သမီးလေးရဲ့လေယာဉ်ပေါ်ကျန်ခဲ့တဲ့ အရုပ်လေးကို ပြန်ရှာပြီး ကိုယ်တိုင်လာပို့ပေးခဲ့တဲ့ လေယာဉ်မှူး ဆိုတဲ့သတင်းလေးပဲ ဖြစ်ပါတယ်။
၉ နှစ်သမီးလေးရဲ့လေယာဉ်ပေါ်ကျန်ခဲ့တဲ့ အရုပ်လေးကို ပြန်ရှာပြီး ကိုယ်တိုင်လာပို့ပေးခဲ့တဲ့ လေယာဉ်မှူး
တက္ကဆပ်ပြည်နယ်က အသက် ၉ နှစ်အရွယ်ကလေးမလေး ဗလန်တီနာ ဒိုမီနက်ဇ်ဟာ တိုကျိုမြို့ကနေ ပြန်လာရင်း လေယာဉ်ပေါ်မှာ သူ့ရဲ့အရုပ်လေး မေ့ကျန်ခဲ့ပါတယ်။ အဲဒီအရုပ်လေးပျောက်သွားတဲ့အတွက် ဗလန်တီနာလေးက အရမ်းဝမ်းနည်းသွားခဲ့ပါတယ်။ သူ့ရဲ့အရုပ်လေးက နောက်ခံအမျိုးမျိုးကလာတဲ့ ငယ်ရွယ်တဲ့ မိန်းကလေးတွေကို ပုံဖော်ထားတဲ့ American Girl အရုပ်လေးပါ။
ဗလန်တီနာရဲ့တန်ဖိုးရှိလှတဲ့အရုပ်လေးကို နောက်ဆုံးတွေ့ခဲ့တာက လေယာဉ်ပေါ်မှာပါ။ သူတို့မိသားစုလည်း အဲဒီအရုပ်လေးပြန်ရဖို့ လေကြောင်းလိုင်းတွေကို ဆက်သွယ်ခဲ့ပါတယ်။ တိုကျိုခရီးက ပြန်ရောက်ပြီး ၃ ပတ်အကြာမှာ ဗလန်တီနာက သူ့ရဲ့အရုပ်လေးကို ပြန်ရသွားခဲ့ပါတယ်။
ဗလန်တီနာရဲ့အရုပ်ပျောက်သွားတဲ့အကြောင်းကို American Airlines ရဲ့ လေယာဉ်မှူး ဂျိမ်းစ် ဒါနန်က သိသွားခဲ့ပါတယ်။ ဒါနန်က ဒီလေကြောင်းလိုင်းမှာ လုပ်နေတာ ဆယ်စုနှစ်အနည်းငယ်ကြာနေပြီး တိုကျိုခရီးစဉ်ကိုလည်း ခဏခဏသွားခဲ့ရပါတယ်။ သူက ဗလန်တီနာအတွက် အရုပ်ပြန်ရှာပေးဖို့ ဆုံးဖြတ်ခဲ့ပြီး တိုကျိုက Turkish Airlines ကို ဆက်သွယ်ပြီးတော့ အရုပ်ပြန်ရအောင် လုပ်နိုင်ခဲ့ပါတယ်။
ဒါနန်က အရုပ်ပြန်ရတော့ အရုပ်နဲ့အတူရိုက်ထားတဲ့ပုံတွေကို ဗလန်တီနာဆီ ပို့ပေးခဲ့ပါတယ်။ ဩဂုတ်လ ၂၁ ရက်နေ့က ဒါနန်ဟာ အဝေးကြီးကနေ ဗလန်တီနာရဲ့အိမ်ကို လာပြီး လူကိုယ်တိုင် အရုပ်လာပေးခဲ့ပါတယ်။ ဗလန်တီနာက အရုပ်လေးပြန်ရတော့ အရမ်းပျော်သွားခဲ့တာပါ။ ဒါနန်က ဗလန်တီနာကို သကြားလုံးတွေနဲ့ အရုပ်လေးကို ယူခဲ့ရတဲ့ နေရာတွေအားလုံးကို ပြထားတဲ့ မြေပုံကိုလည်း ပေးခဲ့ပါတယ်။
ကလေးမလေးကို ပျော်ရွှင်အောင် လုပ်ပေးနိုင်ခဲ့လို့ အရမ်းဝမ်းသာမိပါတယ်လို့ ဒါနန်က ပြောပါတယ်။ ဗလန်တီနာရဲ့အဖေကလည်း ဒါနန်အပေါ် ကျေးဇူးတင်မိကြောင်းကို “ဒီကမ္ဘာမှာ ကြင်နာတရားတွေရှိနေပါတယ်။ ဒါနန်က ကြင်နာတတ်တဲ့သူတစ်ယောက်ပါ။ အရုပ်ကို ရှာပေးမယ်လို့ပြောတဲ့အတိုင်း လုပ်ပေးခဲ့ပါတယ်”လို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
