ဒေဝကိုပြောဆိုမှုတွေနဲ့ပတ်သတ်ပြီး ပရိတ်သတ်တွေကို တောင်းပန်စကားဆိုသွားတဲ့ ထွန်းထွန်းမင်း
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဒေဝကိုပြောဆိုမှုတွေနဲ့ပတ်သတ်ပြီး ပရိတ်သတ်တွေကို တောင်းပန်စကားဆိုသွားတဲ့ ထွန်းထွန်းမင်း ဆိုတဲ့သတင်းလေးပဲ ဖြစ်ပါတယ်။
ဒေဝကိုပြောဆိုမှုတွေနဲ့ပတ်သတ်ပြီး ပရိတ်သတ်တွေကို တောင်းပန်စကားဆိုသွားတဲ့ ထွန်းထွန်းမင်း
“ကျွန်တော့်ပခုံးအထက်မှာ ကျွန်တော်မွေးဖွားရာ နိုင်ငံရဲ့ အမိမြန်မာနိုင်ငံအလံကိုပဲတင်မယ် ။ ထိုင်းမှာ ကျွန်တော် နိုင်ငံသားခံယူခွင့်ရခဲ့တယ် ။ ဒါပေမဲ့ ကျွန်တော် နှစ်သီးမစားခဲ့ဖူး ။ အမိမြေကို ရင်ဘတ်ကြီးနဲ့ကို ချစ်တယ် ။
ကျွန်တော့်အတွက် ခမာဖိုက်တာကို လက်စားချေပေးမယ်ဆိုတဲ့ ဒေ၀ရဲ့စကားကိုကြားရတော့ ကျွန်တော်အတော်လေး ကြည်နူးခဲ့မိတယ် ။ သို့သော် ခမာဖိုက်တာနဲ့ ကျွန်တော်ထိုးစဥ်က ဒေ၀နဲ့ဆမ်နန်းတို့ရဲ့ အခုပွဲလို မဟုတ်ပါဘူး ။ တော်တော်လေးကို ကသီလင်တနိုင်တဲ့ အစွပ်တွေစွပ်ပြီး ထိုးခဲ့ရတာပါ .. ဒါလည်းပဲ ကျွန်တော် အထိနာပြီး ရှုံးခဲ့တာမဟုတ်ပါဘူး ။
အမှတ်ယူတတ်သူက အသာရသွားတာပါ ။ ဒါကျွန်တော်တို့ ရိုးရာသမားတွေရဲ့အားနည်းချက် / မပါးနပ်မှုဆိုတာ ရိုးသားစွာ၀န်ခံပါတယ် ။ ခေတ်အခြေအနေက ကျွန်တော်တို့တွေ အမှတ်ပေးစနစ်နဲ့ ယဥ်ပါးအောင် မဖြစ်မနေလေ့ကျင့်ရတော့မဲ့ အခြေအနေပါ ။
ဒေ၀ရဲ့ ပြောစကားတွေအပေါ် ကျွန်တော် တစ်ကယ် ကြည်နူးခဲ့ပါတယ် ။ ဒါ့ကြောင့်ပဲ ကျွန်တော်သူ့ပွဲမစခင်ထဲက ပျော်ရွှင်စွာပဲ ကျွန်တော့်အကောင့်မှာ Share ပေးထားတာကို ပရိသတ်ကြီးမြင်ကြရမှာပါ ။
ပွဲလည်းပြီးရော မြန်မာ့အလံတင်မက ခမာအလံကြီးကိုပါ ပူးတွဲပြီး ပခုံးပေါ်တင် အောင်ပွဲခံတော့ ကျွန်တော့်စိတ်ထဲမှာ အတော်လေးထင့်သွားပါတယ် ။ ဘာလဲဟ တို့နိုင်ငံ တို့ရိုးရာအတွက်ပဲ ထင်ခဲ့မိတာ ကမ္ဘောဒီးယားနိုင်ငံ ခမာရိုးရာအတွက်ပါ ကမ္ဘာသိအောင် လုပ်ပေးပါမယ်ဆိုတော့ ဒါက နှစ်သီးစားပုံစံဖြစ်နေပါပေါ့လို့ စိတ်ထဲက ထောင်းကနဲ ဒေါသထွက်မိတဲ့အတွက် ဒေ၀ကို စိန်ခေါ်လိုက်တာပါ ။
ကျွန်တော့်ကို အတ္တကြီးတယ်လို့ပဲပြောပြော ၊ ကျွန်တော်တို့နိုင်ငံကိုချစ်တာကို ဂုဏ်ယူပေမဲ့ စီးပွားတွက်တွက်ပြီးတော့ နှစ်သီးစားအချစ်မျိုးနဲ့တော့ မချစ်နဲ့ဗျာ ။ အသပြာတွေနှောနေတဲ့ ချစ်ခြင်းမျိုးထက် ရင်ဘတ်ကြီးနဲ့သာ ချစ်ပေးကြည့်ပါ ။ ခင်ဗျားကို အားပေးနေသူထဲ ကျွန်တော်ထိပ်ဆုံးက ရှိနေမယ်ဆိုတာ ရိုးရာကျားပီပီ အများပရိသတ်အရှေ့မှောက်မှာ ကတိပေးပြောကြားလိုက်ပါတယ်ဗျာ ။
ပရိသတ်ကြီးအနေနဲ့ ကျွန်တော့်ကြောင့်စိတ်အနှောင့်အယှက်ဖြစ်သွားခဲ့တယ်ဆိုရင်လည်း ရိုသေလေးစားစွာ တောင်းပန်ပါတယ်ဗျာ ။”
ရေးသားသူ -MM News
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
