ပွေး၊ ဝဲကို ပျောက်ကင်းစေနိုင်သောပွေးသတ်ဆေးပင် သင်္ဘောမဲဇလီ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ပွေး၊ ဝဲကို ပျောက်ကင်းစေနိုင်သောပွေးသတ်ဆေးပင် သင်္ဘောမဲဇလီ ဆိုတဲ့သတင်းလေးပဲ ဖြစ်ပါတယ်။
ပွေး၊ ဝဲကို ပျောက်ကင်းစေနိုင်သောပွေးသတ်ဆေးပင် သင်္ဘောမဲဇလီ
မင်းပွေးတွေကို သင်္ဘောမဲဇလီနဲ့ နာနာပွတ်ပေးလိုက်ပါပျောက်သွားလိမ့်မယ်” ဦးလေးပြောသံကို ကြားယောင်မိသည်။ပွေး၊ ဝဲကို ပျောက်ကင်းစေနိုင်ကြောင်း ပွေးသတ်ဆေးပင်ဟု လူသိများသည်။
ဝမ်းပျော့ပျော့သွားစေရန် အရွက်၊ အဖူး၊ အပွင့် မီးကင်၍ တို့စားကြသည်။ အခြောက်လှန်း၍ လက်ဖက်ခြော်အဖြစ် သောက်ကြသည်။ သင်္ဘောမဲဇလီနှင် ပတ်သတ်၍ ပြောမဆုံးပေါင် တောင်သုံးတောင်ဟု ဆိုရမတတ် ရေးစရာများလှပေသည်။
သင်္ဘောမဲဇလီကို မဲဇလီကြီးဟုလည်းခေါ်သည်။ ပင်လတ်မျိုးဖြစ်သည်။ ပင်စည်စိမ်း၍ ချောမွေ့သည်။ အကိုင်းအသင့်အတင့် များသည်။ အပွင့်အခိုင်လိုက်ပွင့်သည်။ လိမ္မော်ဝါရောင် ရှိသည်။ ပွင့်ဖတ်ကြောများ ထင်ရှားသည်။
အသီးသည် အက်ကွဲသီးဖြစ်သည်။ သီးတောင့်ဖြောင့်သည်။ ပြောင်ချောသည်။ အစေ့ ၅၀ ကျော်ပါသည်။
မြန်မာနိုင်ငံအနှံ့ သဘာဝအလျောက် ပေါက်ရောက်သည်။ အလှအပနှင့် ဆေးဖက်ဝင်အပင်အဖြစ်လည်း စိုက်ပျိုးကြသည်။
အာနိသင်
မြန်မာ့ဆေးကျမ်းများအလိုအရ သင်္ဘောမဲဇလီစေ့သည် ဖန်၏။ လေကိုပယ်တတ်၏။ ချောင်းဆိုးခြင်း၊ ပန်းနာ၊ ပွေးနာ၊ အရေပြားရောဂါတို့ကို ပျောက်ကင်းစေ၏။ ပိုးကိုသေစေနိုင်၏။ ပဥ္စငါးပါးသည် ဝမ်းသက်သာစေ၏။ သလိပ်ပါ၏။ ဆီးများစေ၏။ နူနာကို ပျောက်ကင်းစေ၏။ အပူကို ငြိမ်းစေ၏။ ဝမ်းကို မှန်စေသည်။ သွေးလေကို မှန်စေသည်။ အစာကြေခြင်း၊ ပိုးကိုနိုင်ခြင်း သတ္တိရှိသည်။
အသုံးပြုပုံ
– အသက်ရှူပြွန်ချောင်း ရောင်ရောဂါနှင့် ပန်းနာရောဂါတို့တွင် အဖူးနှင့် အရွက်တို့ကို ပြုတ်သောက်ပါက သက်သာပျောက်ကင်းစေသည်။
– ဝဲနာ၊ နူနာများအတွက် အရွက်ကို ထောင်း၍ တမာရွက်ရည်ဖြင့် ရောလိမ်းပေးသော် ပျောက်ကင်းနိုင်၏။
– နှင်းခူကြီးအနာ၌ အရွက်ကို သံပုရာရည်ဖြင့် ကြိတ်၍ လိမ်းပေးခြင်း၊ ယင်းပြုတ်ရည်ဖြင့် ဖန်ရည်ဆေးပေးခြင်းဖြင့် ပျောက်ကင်းနိုင်၏။
– ချောင်းခြောက်ဆိုးသော ရောဂါ၌ သင်္ဘောမဲဇလီရွက် မုယားကြီးရွက်ရောပြီး မြုံ့ပေးခြင်း၊ အရည်ကို မျိုချပေးခြင်းဖြင့် ပျောက်ကင်းနိုင်၏။
– ခံတွင်း၌ အနာအဖုပေါက်ခြင်း၊ ရောင်ရမ်းခြင်းများအတွက် အရွက်ကို ခပ်ကျကျပြုတ်၍ ခပ်နွေးနွေးငုံပေးရ၏။
– အဆိပ်ရှိသော သတ္တဝါများကိုက်သောနေရာ၌ အရွက်ကိုကြိုတ်၍ အုံပေးခြင်းဖြင့် အဆိပ်ပြေစေ၏။
– ပွေး၊ ဝဲ၊ နှင်းခူစသော အရေပြားရောဂါများ၌ အရွက်ဖြင့် တစ်နေ့ နှစ်ကြိမ် သုံးကြိမ် မှန်မှန်ပွတ် တိုက်ပေးရမည်။ ရက်အတန်ကြာပွတ်တိုက်ပေးခြင်းဖြင့် ပျောက်ကင်းနိုင်၏။
– အသားအရေ ဝဖြိုးပြီး သွေးသားစင်ကြယ်စေရန်နှင့် အားအင်တိုးစေရန် အရွက်မှုန့်ကို ပျားရည်ဖြင့် တေး၍ လျှက်ပေးရ၏။
– အရေပြားရောဂါ၌ အပွင့်ကို ညက်ညက်ကြိတ်၍ လိမ်းပေးရ၏။
– ပွေးနာအတွက် လက်ချားမှုန့်၊ ဖန်ခါးသီးမှုန့်ကို သင်္ဘောမဲဇလီမြစ်သွေးရည်နှင့် ဖျော်လိမ်းပေးလျှင် ပျောက်ကင်း၏။
– လူပျိုနာများအတွက် အရွက်ကြိတ်ညှစ်ရည်ဖြင့် လိမ်းပေးလျှင် ပျောက်ကင်းနိုင်၏။
ရေးသားသူ –shweu
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
