ခရစ္စမတ်သစ်ပင်နဲ့တူတဲ့ ကြယ်အစုအဝေးဓာတ်ပုံကို နာဆာက မျှဝေ
နာဆာဟာ နဂါးငွေ့တန်းကြယ်စင်စုအတွင်းက ကြယ်အစုအဝေးရဲ့ပုံရိပ်အသစ်ကို မျှဝေခဲ့ပါတယ်။ အဲဒီကြယ်အစုအဝေးနာမည်က NGC 2264 ဖြစ်ပြီး အခုရာသီနဲ့လိုက်ဖက်စွာ ခရစ္စမတ်သစ်ပင်ပုံစံနဲ့တူနေပါတယ်။ နာဆာရဲ့ပုံအသစ်ကို မြင်တွေ့ခဲ့ရတဲ့ လူမှုကွန်ယက်အသုံးပြုသူတွေက အခုလို သုံးသပ်ချက်ပေးကြပါတယ်။
“ဝိုး…လှပတဲ့ပုံရိပ်ပဲ။ အစုအဝေးထဲက ကြယ်တွေ အပြည့်အဝဖြစ်ပေါ်လာဖို့ နှစ်ဘယ်လောက်ကြာမလဲ သိချင်မိတယ်”၊ “နာဆာက ခရစ္စမတ်အငွေ့အသက်ကို ယူဆောင်လာပေးတယ်”၊ “လုံးဝကို စွဲမက်ဖွယ်ကောင်းတယ်။ နာဆာက ရိုက်ကူးထားတဲ့ NGC 2264 ရဲ့အလှကို မျှဝေပေးတဲ့အတွက် ကျေးဇူးတင်တယ်”တဲ့။
NGC 2264 က နှစ် ၁ သန်းကနေ ၅ သန်းကြာ သက်တမ်းရှိပြီး ကမ္ဘာမြေကနေ အလင်းနှစ် ၂၅၀၀ ဝန်းကျင်မှာ တည်ရှိတယ်လို့ နာဆာက ခန့်မှန်းထားပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
