ကျိုတိုကဖေးဆိုင်ရဲ့ အစစ်အလား ထင်မှတ်မှားစေတဲ့ ပန်းပွင့်ရေခဲမုန့်
ဂျပန်နိုင်ငံ ကျိုတိုမြို့မှာ ဖွင့်လှစ်ထားတဲ့ ကဖေးဆိုင်ကတော့ ပန်းပွင့်အစစ်လား ထင်မှတ်မှားစေတဲ့ ရေခဲမုန့်တွေ ဖန်တီးမှုကြောင့် လူကြိုက်များ ကျော်ကြားနေပါတယ်။ ရှီဇန်း (သဘာဝလို့ အဓိပ္ပာယ်ရ) လို့ အမည်ပေးထားတဲ့ ကဖေးဆိုင်ဟာ ရာသီပေါ် ပန်းတွေအလိုက် ပန်းပွင့်ပုံရေခဲမုန့်တွေ ဖန်တီးရောင်းချနေတာပါ။ နှင်းဆီ၊ ပန်းခရမ်း၊ လက်ဖက်နှင်းဆီ အစရှိတဲ့ ပန်းပွင့်ရေခဲမုန့်တွေက တကယ့်ကို အစစ်အတိုင်းပါပဲ။
ပန်းပွင့်ရေခဲမုန့်တွေ ဖန်တီးရာမှာ အဓိက ပါဝင်ပစ္စည်းကတော့ ပဲတီစိမ်းနီအနှစ်ပါပဲ။ ပဲတီစိမ်းနီကို ပြုတ်၊ အနှစ်ဖြစ်အောင် ဆန်ခါတိုက်ပြီး သကြားနဲ့ရောနှောထားတာပါ။ ရေခဲမုန့်တစ်ခွက်ကို ဂျပန်ယန်း ၁၆၅၀ ( အမေရိကန်ဒေါ်လာ ၁၁ ဒေါ်လာ)ပဲ ကျသင့်တာဖြစ်ပြီး handmade စားစရာတစ်ခုအတွက်ဆိုရင်တော့ သင့်တင့်မျှတတဲ့ဈေးနှုန်းလို့ ဆိုရမှာပါ။
ကျိုတိုမြို့ရဲ့ ရှင်ပါကန်ဈေးဝယ်စင်တာအတွင်းမှာ ရှီဇန်းရေခဲမုန့်ဆိုင် တည်ရှိပါတယ်။ အင်စတာဂရမ်၊ TikTok အစရှိတဲ့ လူမှုကွန်ရက်ပေါ်မှာ ရှီဇန်းကဖေးရဲ့ ရေခဲမုန့်ဓာတ်ပုံတွေ ပျံ့နှံ့သွားပြီးနောက် ကျော်ကြားလာခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
