ခရီးသည်တွေကို အိတ်တစ်လုံးစီ လိုက်ပေးခဲ့တဲ့ လေယာဉ်ပေါ်မှ သားအမိရဲ့လေးစားဖွယ်လုပ်ရပ်
တောင်ကိုရီးယားနိုင်ငံ ဆိုးလ်မြို့ကနေ အမေရိကန်နိုင်ငံထံ ပျံသန်းတဲ့ လေယာဉ်ပေါ်မှာ ကလေးအမေတစ်ယောက်က ခရီးသည်အားလုံးကို အိတ်လေး တစ်လုံးဆီ လိုက်ပေးတယ်။ အိတ်ထဲမှာ သကြားလုံး၊ ပီကေနဲ့ နားစို့ဂွမ်းလုံးလေးတွေ ပါတယ်။ ပြီးတော့ စာတစ်စောင်လည်း ပါတယ်။
” မင်္ဂလာပါ။ သားနာမည်က ဂျန်ဝူးလို့ ခေါ်ပါတယ်။ ၄ လသား ရှိပါပြီ။ မေမေရယ်၊ ဘွားဘွားရယ်နဲ့အတူ ဒေါ်လေးရှိတဲ့ အမေရိကကို အလည်သွားမလို့ပါ။ သားဘဝမှာ ပထမဆုံး လေယာဉ်စီးဖူးတာဖြစ်လို့ နည်းနည်းစိုးရိမ် ထိတ်လန့်မိတယ်၊ ကြောက်မိတယ်။ သား ငြိမ်ငြိမ်နေနိုင်အောင် ကြိုးစားပါ့မယ်။ ဒါပေမဲ့ သေချာပေါက်တော့ ကတိမပေးနိုင်ဘူး။ တကယ်လို့ သားအသံ အရမ်းကျယ်သွားခဲ့ရင် နားစို့ဂွမ်းလုံးလေးကို သုံးပါ။ ခရီးစဉ်မှာ ပျော်ရွှင်ပါစေ။ ကျေးဇူးတင်ပါတယ်”လို့ စာထဲမှာ ရေးသားထားပါတယ်။
မိခင်ဖြစ်သူက သူ့သားငယ်ကြောင့် တခြားခရီးသည်တွေ အနှောင့်အယှက်ဖြစ်မှာကို စိုးရိမ်လို့ ကြိုတင်တောင်းပန်ခဲ့တာပါ။ ခရီးစဉ်က ၁၀ နာရီကြာပြီး လေယာဉ်ပေါ်မှာ ခရီးသည် ၂၀၀ ကျော် ပါပါတယ်။ ဒီလုပ်ရပ်က တပါးသူရဲ့ လွတ်လပ်ခွင့်ကို လေးစားတဲ့ အလေ့အထတစ်ခုပဲလို့ ခရီးသည်တွေက ချီးကျူးခဲ့ပါတယ်။ ၂၀၁၉ ခုနှစ်က သတင်းတစ်ပုဒ်ကို ပြန်လည်ရေးသားဖော်ပြပေးတာ ဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
