ဒေါ်လာ ၂ သန်း ကုန်ကျစေခဲ့တဲ့ ပြက်လုံးတစ်ခု
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဒေါ်လာ ၂ သန်း ကုန်ကျစေခဲ့တဲ့ ပြက်လုံးတစ်ခု ဆိုတဲ့သတင်းလေးပဲ ဖြစ်ပါတယ်။
ဒေါ်လာ ၂ သန်း ကုန်ကျစေခဲ့တဲ့ ပြက်လုံးတစ်ခု
တရုတ်စစ်တပ်ကို ဖော်ကျူးတဲ့ ဆောင်ပုဒ်ကို ထေ့ငေါ့ခဲ့တဲ့ တရုတ်လူရွှင်တော် လီဟောင်ရှီရဲ့ ပြက်လုံးဟာ ဒေါ်လာ ၂ သန်း ဒဏ်ရိုက်ခံခဲ့ရပါတယ်။ ပြီးခဲ့တဲ့အားလပ်ရက်က ဘေဂျင်းမြို့ ရာစုနှစ်ဇာတ်ရုံမှာ လီဟောင်ရှီက ဟာသရှိုး ကျင်းပရင်း ဒီပြက်လုံးကို ပြောခဲ့တာပါ။
” ရှန်ဟိုင်းကို ပြောင်းလာပြီးနောက်ပိုင်း လမ်းဘေးခွေးနှစ်ကောင် မွေးဖြစ်ခဲ့တယ်။ တစ်နေ့ ရှဉ့်တစ်ကောင်ကို သူတို့ လိုက်နေတာမြင်တော့ ကျွန်တော် စကားစုတစ်ခု သွားသတိရတယ်ဗျ။ ‘ သေသပ်တဲ့ဆောင်ရွက်ချက်နဲ့ တိုက်ပွဲတွေကို အနိုင်ယူနိုင်စွမ်း’ဆိုတဲ့ စကားစုပါပဲ” လို့ လီဟောင်ရှီက ပြောခဲ့တာပါ။ အဲဒီစကားစုဟာ ပြည်သူ့လွတ်မြောက်ရေးတပ်ဖွဲ့ကို ဖော်ကျူးတဲ့ တရုတ်ကွန်မြူနစ်ပါတီရဲ့ ဆောင်ပုဒ် ဖြစ်ပါတယ်။
အဲဒီပြက်လုံးကြောင့် လီဟောင်ရှီကို ကိုယ်စားပြုတဲ့ ရှန်ဟိုင်းရှောင်ကွာ Culture Media က တောင်းပန်စာထုတ်ခဲ့ပြီး လီဟောင်ရှီရဲ့ ဖျော်ဖြေပွဲအားလုံးကိုလည်း ဖျက်သိမ်းခဲ့ပါတယ်။ ပြီးခဲ့တဲ့ဗုဒ္ဓဟူးနေ့မှာတော့ ဘေဂျင်းမြို့ ယဉ်ကျေးမှုနဲ့ ခရီးသွားလုပ်ငန်းဆိုင်ရာ မြူနီစီပယ်ဗျူရိုက ဒေါ်လာ ၁.၉၁ သန်း ဒဏ်ရိုက်ခဲ့ပြီး တရားမဝင် အမြတ်ငွေ (ရှိုးပွဲ ၂ ပွဲမှ ရရှိခဲ့သော အမြတ်ငွေ) ဒေါ်လာ ၁၈၉၀၀၀ ကို ပြန်သိမ်းခဲ့ပါတယ်။
ဒါဟာ တရုတ်နိုင်ငံရဲ့ ဖျော်ဖြေရေးလုပ်ငန်းမှာ ကန့်သတ်တားဆီးမှုတွေ အလွန်အမင်း များပြားနေတာကို မီးမောင်းထိုးပြခဲ့တဲ့ ဖြစ်ရပ်ပါပဲ။ တရုတ်အစိုးရဟာ စစ်တပ်နဲ့ စစ်ဘက်အရာရှိတွေကို လှောင်ပြောင်စော်ကားခွင့်မရှိလို့ ပိတ်ပင်တဲ့ဥပဒေကို ၂၀၂၁ ခုနှစ်မှာ ပြဋ္ဌာန်းခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
