NASA အာကာသယာဉ်မှူး (၃) ဦး ၃၇၁ ရက်အကြာ အာကာသမစ်ရှင်ပြီးလို့ ကမ္ဘာမြေပေါ်ပြန်လည်ရောက်ရှိ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ NASA အာကာသယာဉ်မှူး (၃) ဦး ၃၇၁ ရက်အကြာ အာကာသမစ်ရှင်ပြီးလို့ ကမ္ဘာမြေပေါ်ပြန်လည်ရောက်ရှိ ဆိုတဲ့သတင်းလေးပဲ ဖြစ်ပါတယ်။
NASA အာကာသယာဉ်မှူး (၃) ဦး ၃၇၁ ရက်အကြာ အာကာသမစ်ရှင်ပြီးလို့ ကမ္ဘာမြေပေါ်ပြန်လည်ရောက်ရှိ
အစက နာဆာရဲ့အာကာသယာဉ်မှူးတွေဖြစ်ကြတဲ့ ဖရန့်ရူဘိုင်အို၊ ဆာဂေး ပရိုကိုပီဗ်၊ ဒါမီဒရီပီတီလင် တို့ (၃) ဦးဟာ ၆ လ ကြာ အာကာသမစ်ရှင်အနေနဲ့ သွားရောက်ခဲ့ကြတာပါ။ ၆ လကနေ ၃၇၁ ရက်ကြာ၊ ၁ နှစ်ကျော်မစ်ရှင်အဖြစ် ပြောင်းလဲသွားခဲ့တာပါ။ အခု ၃၇၁ ရက်အကြာ စက်တင်ဘာ ၂၇ ရက်နေ့က သူတို့တွေ ကမ္ဘာမြေပေါ်ပြန်လည်ရောက်ရှိလာခဲ့ပါပြီ။
သူတို့ ၃ ဦးရဲ့အာကာသခရီးစဉ်က အာကာသမှာ အကြာကြီးနေနိုင်ခဲ့ဆုံးကမ္ဘာစံချိန်ကို ချိုးစေခဲ့ပါတယ်။ အရင်က ဒီစံချိန်ကို ကိုင်ဆောင်ခဲ့သူက ၃၅၅ ရက်နဲ့ နာဆာအာကာသယာဉ်မှူး မက်ခ် ဗန်ဒီ ဟိုင်ဆိုသူပါ။
ရူဘိုင်အို၊ ပရိုကိုပီဗ်၊ ပီတီလင်တို့ဟာ စက်တင်ဘာ ၂၇ ရက်နေ့က Soyuz MS-22 အာကာသယာဉ်နဲ့ နိုင်ငံတကာအာကာသစခန်းကနေ ထွက်ခဲ့ပြီး ကာဇက်စတန်မှာ ဘေးကင်းစွာ ဆင်းသက်နိုင်ခဲ့ပါတယ်။ ဆင်းသက်ပြီးတဲ့နောက် အာကာသယာဉ်မှူးတွေကို စီမံချက်နဲ့ ဆေးစစ်ဆေးမှုတွေ ပြုလုပ်ခဲ့ကြပြီး နာဆာလေယာဉ်နဲ့ နေအိမ်သို့ ပို့ဆောင်ခဲ့ကြပါတယ်။
နိုင်ငံတကာအာကာသစခန်းမှာ သူတို့ရောက်ရှိနေစဉ် Soyuz MS-22 မှာ အအေးခံရည်ယိုစိမ့်မှုဖြစ်သွားခဲ့တာကြောင့် အာကာသခရီးစဉ်မစ်ရှင်က ၁ နှစ်ကျော်ကြာမြင့်သွားခဲ့တယ်။ သူတို့ရဲ့ခရီးစဉ်တစ်ခုလုံးက မိုင်ပေါင်း ၁၅၇.၄ သန်း၊ ကမ္ဘာမြေပတ်လမ်းကြောင်း ၅၉၆၃ ရှိတယ်လို့ နာဆာအရ သိရပါတယ်။
မစ်ရှင်သာ ဒီအတိုင်းအတာအထိ ကြာမြင့်မယ်ဆိုတာသိရင် သေချာပေါက် ဒီခရီးစဉ်ကို ငြင်းခဲ့မှာပါလို့ ကလေး ၄ ယောက်ဖခင် အသက် ၄၇ နှစ်အရွယ် ရူဘိုင်အိုက ပြောပါတယ်။ ရူဘိုင်အိုက အာကာသထဲ အချိန်အကြာကြီးနေခဲ့ရတာကြောင့် ကမ္ဘာမြေပေါ်မှာ သူ့ရဲ့ခန္ဓာကိုယ်ကို ပြန်လည်နေသားကျဖို့ အချိန်အနည်းငယ်ယူသွားရမှာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
