ခွဲစိတ်မှုပြီးရင် အသံကို ထိခိုက်နိုင်တာတောင် ဖခင်ဖြစ်သူအတွက် အသည်းတစ်ခြမ်းလှူဒါန်းပေးခဲ့တဲ့ ထိုင်ဝမ်အဆိုတော်
မကြာသေးခင်က ပေါလ်ချန်လို့ အမည်ရတဲ့ ထိုင်ဝမ်အဆိုတော်ဟာ ၂၀၂၃ ခုနှစ် Top Star သီချင်းဆိုပြိုင်ပွဲမှာ အနိုင်ရပြီး စင်ကာပူဒေါ်လာ ၄၂၅၀၀ ရရှိခဲ့ပါတယ်။ ဒါပေမဲ့ သူဟာ ခွဲစိတ်မှုကြောင့် သူ့အသံထိခိုက်မှာကို မမှု့ဘဲ အသည်းကင်ဆာခံစားနေရတဲ့ ဖခင်ဖြစ်သူကို ကယ်တင်ဖို့အတွက် သူ့အသည်းတခြမ်းကို လှူဒါန်းဖို့ဆုံးဖြတ်ခဲ့ပါတယ်။
ခွဲစိတ်ကုသမှုခံယူရင် လည်ချောင်းနဲ့အဆုတ်တွေမှာ ပိုးဝင်နိုင်ပြီး သူ့ရဲ့အသံကို ထိခိုက်စေနိုင်တယ်လို့ သူ့ကို ဆရာဝန်တွေက သတိပေးခဲ့ပေမဲ့လည်း ဖခင်ဖြစ်သူ အသက်ရှင်ဖို့ ၆ လ – ၁ နှစ်သာရှိတော့တဲ့အတွက် အသည်းတခြမ်းလှူဖို့ပဲ ဆုံးဖြတ်ခဲ့ပါတယ်။
အသည်းအစားထိုးကုသမှုကို နိုဝင်ဘာ ၂၉ ရက်နေ့က ပြုလုပ်ခဲ့တာပါ။ ပေါလ်က သူ ကောင်းကောင်းသက်သာနေပြီး သူ့ဖခင် ပြန်လည်ကျန်းမာလာပြီး မိသားစုအားလုံးနဲ့ ဘေးကင်းစွာအတူနေနိုင်ဖို့ပဲ မျှော်လင့်တယ်လို့ ပြောပါတယ်။
အင်တာနက်အသုံးပြုသူတွေကတော့ သူနဲ့သူ့ဖခင်နှစ်ဦးလုံး အမြန်ပြန်ကောင်းလာဖို့ ဆုတောင်းပေးခဲ့ကြသလို သူ သီချင်းပြန်ဆိုတာကိုလည်း ထပ်ကြားရဖို့ မျှော်လင့်နေကြပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
