ကီလိုမီတာ ၁၃၀ ကျော်အကွာအဝေးအထိ လက်လွတ်ကာစက်ဘီးစီးပြပြီး ကမ္ဘာ့စံချိန်ချိုးခဲ့တဲ့ ကနေဒါနိုင်ငံသား
စက်ဘီးစီးသမား ရောဘတ် မူရေးလ်ဟာ ကမ္ဘာ့ဂင်းနက်စ်စံချိန်မှတ်တမ်းချိုးပြီးတော့ အောင်မြင်မှုစိုက်ထူနိုင်ခဲ့ပါတယ်။ မကြာသေးခင်ကမှ သူဟာ ၁၃၀.၂၉ ကီလိုမီတာ (၈၀.၉၅မိုင်) အကွာအထိ လက်လွတ်ပြီး စက်ဘီးစီးပြကာ ကမ္ဘာ့ဂင်းနက်စ်စံချိန်ကို ချိုးလိုက်တာပါ။
သူ့ရဲ့လက်လွတ်စက်ဘီးစီးနှင်တဲ့ခရီးစဉ်က ၅ နာရီနဲ့ ၃၇ မိနစ်အချိန်ယူခဲ့ရပါတယ်။ ဒီအောင်မြင်မှုက အခြားသူတွေကို သူတို့ရဲ့ကန့်သတ်ချက်တွေကို တွန်းလှန်ပြီး မဖြစ်နိုင်တဲ့အရာကို လုပ်ဆောင်ဖို့ လှုံ့ဆော်ပေးနေပါတယ်။ ဒီစံချိန်ချိုးဖို့ ကြိုးပမ်းမှုက the Alzheimer’s Society of Calgary အဖွဲ့အစည်းအတွက် ရန်ပုံငွေရှာဖွေရေးကမ်ပိန်းရဲ့တစ်စိတ်တစ်ပိုင်းဖြစ်ပါတယ်။
ရောဘတ်ဟာ ကလေးဘဝကတည်းက စက်ဘီးစစီးခဲ့တာပါ။ ရေကူးသင်တန်းလည်းတတ်ခဲ့ပြီး မနက်တိုင်း သူ့အမနဲ့အတူ စက်ဘီးစီးပြီးတော့ ရေကူးကန်သွားခဲ့ကြတာပါ။ အဲဒီနောက်မှာ အဝေးကြီး စက်ဘီးစီးရတာကို နှစ်သက်လာခဲ့တာပါ။ အသက် ၁၅ နှစ်မှာ ငွေစုပြီးတော့ သူ့ရဲ့ပထမဆုံးစက်ဘီးကို ဝယ်ယူခဲ့တာပါ။ အဲဒီစက်ဘီးက ကမ္ဘာ့စံချိန်ကို ချိုးဖို့အတွက် စီးခဲ့တဲ့ဘီးပါပဲ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
