သတိမေ့ရောဂါရှိသူ အဘွားအတွက် ရည်စူးပြီး အချက်ပေးကိရိယာ တီထွင်နိုင်ခဲ့တဲ့ အိန္ဒိယဆယ်ကျော်သက်
စက်ရုပ်အတတ်ပညာကို နှစ်သက်တဲ့ အိန္ဒိယနိုင်ငံမှ ဆယ်ကျော်သက်တစ်ဦးဟာ သတိမေ့ရောဂါ ခံစားနေရတဲ့ အဘွားဖြစ်သူကို ရည်စူးပြီး အချက်ပေးကိရိယာတစ်ခု တီထွင်ခဲ့ပါတယ်။
၂၀၁၈ ခုနှစ် နွေရာသီ ညနေခင်းတစ်ခုမှာ ဟီမက်ရှ်ရဲ့ အဘွား ဂျာယာသျှရီက လက်ဘက်ရည် သွားဖျော်ဦးမယ်ဆိုပြီး မီးဖိုချောင်ထဲ ဝင်သွားခဲ့ပါတယ်။ သူက လက်ဘက်ရည်ဖျော်ပြီး ပြန်ထွက်လာချိန်မှာတော့ ဂတ်စ်မီးဖိုကို မပိတ်ခဲ့ပါဘူး။ ဂျာယာသျှရီက သတိမေ့ ရောဂါ ခံစားနေရသူပါ။ ဒီဖြစ်ရပ်က ၁၂ နှစ်သား ဟီမက်ရှ်ကို ထိတ်လန့်သွားစေခဲ့သလို သူ့အဘွားအတွက် တစ်ခုခု လုပ်ပေးဖို့ အတွေးဖြစ်ပေါ်စေခဲ့ပါတယ်။
ဟီမက်ရှ်က YouTube ကနေ စက်ရုပ်အတတ်ပညာကို လေ့လာခဲ့ပြီး သူ့အဘွားအတွက် အချက်ပြကိရိယာ တီထွင်နိုင်အောင် ကြံဆခဲ့ပါတယ်။ ၂၀၂၂ ခုနှစ်မှာတော့ ဟီမက်ရှ်က ပြိုင်ပွဲဝင် ၁၈၀၀၀ ကို ကျော်ဖြတ်ပြီး Samsung Solve for Tomorrow သိပ္ပံပြိုင်ပွဲမှာ ဗိုလ်စွဲခဲ့တာကြောင့် အမေရိကန်ဒေါ်လာ ၁၂၀၀၀၀ ရရှိခဲ့သလို Samsung ကုမ္ပဏီရဲ့ ဝါရင့်အင်ဂျင်နီယာတွေထံကနေ ပညာသင်ယူခွင့် ရခဲ့ပါတယ်။
ပြီးခဲ့တဲ့နှစ်မှာတော့ ဟီမက်ရှ်ရဲ့အဘွား ကွယ်လွန်သွားခဲ့ပြီး သိပ်မကြာခင်မှာပဲ ဟီမက်ရှ်က Alpha Monitor လို့ အမည်ရတဲ့ အချက်ပြကိရိယာကို တီထွင်နိုင်ခဲ့တာပါ။ အဲဒီကိရိယာကို ဝတ်ဆင်ထားမယ်ဆိုရင် ပြုတ်ကျတတ်တယ်၊ ချော်လဲနိုင်တယ်။ တစ်ခုခုဖြစ်နိုင်တယ်ဆိုတာကို သတိပေးမှာ ဖြစ်ပါတယ်။
ဟီမက်ရှ်ဟာ ကျောင်းသားဘဝပဲ ရှိနေသေးပေမဲ့ သူ့ရဲ့ အချက်ပြကိရိယာကို ဈေးကွက်ထဲ ထုတ်လုပ်ဖြန့်ချိနိုင်မယ့် အခြေအနေအထိ ဖြစ်လာဖို့ စီစဉ်နေပါပြီ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
