ရွှေဒင်္ဂါးများကို ကမ္ဘာ့ရွှေဈေးကွက်သို့ တင်ပို့ရန်စီစဉ်ပြီ

ဗိုလ်ချုပ်အောင်ဆန်းပုံနှင့် ဒေါ်အောင်ဆန်းစုကြည်ပုံပါ ရွှေဒင်္ဂါးများကို ကမ္ဘာ့ရွှေဈေးကွက်သို့ တင်ပို့ရန်စီစဉ်ပြီ

ဗိုလ်ချုပ်အောင်ဆန်းပုံနှင့် ဒေါ်အောင်ဆန်းစုကြည်ပုံပါ ရွှေဒင်္ဂါးများကို ကမ္ဘာ့ရွှေဈေးကွက်သို့ တင်ပို့ရောင်းချရန် စီစဉ်နေကြောင်း ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်က ပြောသည်။

“ရွှေဒဂါင်္းပြားကတော့ ဗိုလ်ချုပ်အောင်ဆန်းပုံကတော့ ဗဟိုဘဏ်က ထုတ်နေပြီ၊ အဲဒါ နိုင်ငံခြားကို တင်ပို့ရောင်း ချချင်တာ၊ အဲဒါကို ကျွန်တော်တို့က တိုင်းရင်းသားရင်းနှီးမြှုပ်နှံမှု အကြီးစားရောင်းဝယ်ရေးလိုင်စင်ပေါ့၊ အဲ့ဒါကို ကျွန်တော်တို့ သတ္တုတွင်းမှာ လျှောက်ထားတယ်၊ သတ္တုတွင်းက အဲဒါကိုဆိုင်းငံ့ထားတယ်၊ အဲ့လိုင်စင်ရလို့ရှိရင် ကျွန်တော်တို့က ဗဟိုဘဏ်ကပစ္စည်းကို နိုင်ငံခြားပို့ချင်တာ ဖြစ်ပါတယ်”ဟု ၎င်းကပြောသည်။

ဗိုလ်ချုပ်အောင်ဆန်းပုံနှင့် ဒေါ်အောင်ဆန်းစုကြည်ပုံပါ ရွှေဒင်္ဂါးပြားများကို ကမ္ဘာ့ရွှေဈေးကွက်သို့ တင်ပို့ရောင်းချ နိုင်ရန်နှင့်ပတ်သက်ပြီး People Media မှ ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်ကို ဆက်သွယ်မေးမြန်းရာတွင် အထက်ပါအတိုင်းပြောကြားခဲ့ခြင်းဖြစ်သည်။

ထိုကိစ္စနှင့်ပတ်သက်ပြီး ကိုဗစ်ကင်းရှင်းမှသာ လေယာဉ်လမ်းကြောင်းများ ပြန်ဖွင့်မှသာ တင်ပို့နိုင်မည်ဖြစ်ပြီး လက်ရှိမှာတော့ သက်ဆိုင်ရာဝန်ကြီးဌာနကို တင်ပြထားကြောင်း ရန်ကုန်တိုင်းဒေသကြီး ရွှေလုပ်ငန်းရှင်များ အသင်းဥက္ကဋ္ဌ ဦးမျိုးမြင့်က ပြောသည်။

“အဲ့ဒါကတော့ အစိုးရသစ်တက်ပြီးတော့မှဖြစ်မှာပဲနဲ့တူပါတယ်၊ အခုဟာက ဒီအစိုးရက ဆိုင်းငံ့တယ်ဆိုတော့၊ နောက်အစိုးရကြမှဖြစ်မယ်နဲ့တူတယ်” ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဋ္ဌ ဦးမျိုးမြင့်က ပြောသည်။

ဗိုလ်ချုပ်အောင်ဆန်းပုံနှင့် ဒေါ်အောင်ဆန်းစုကြည်ပုံပါ ရွှေဒင်္ဂါးများကို တင်ပို့ခွင့်ရပါက ကမ္ဘာ့စံချိန်နှင့်အညီ အချိန်အတွယ်ကို အောင်စဖြင့် ပို့မည်ဖြစ်ပြီး လက်ရှိအချိန်၌ မြန်မာရွှေတစ်ကျပ်သားလျှင် ၁,၃၃၂,၅၀၀ ပေါက် ဈေးရှိကြောင်း သိရသည်။

Photo – Credit
Source : People Media