ရော့ခ်အန်ရိုးလ်ဘုရင်မ တီနာတာနာ ကွယ်လွန်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ရော့ခ်အန်ရိုးလ်ဘုရင်မ တီနာတာနာ ကွယ်လွန် ဆိုတဲ့သတင်းလေးပဲ ဖြစ်ပါတယ်။
ရော့ခ်အန်ရိုးလ်ဘုရင်မ တီနာတာနာ ကွယ်လွန်
ရော့ခ်အန်ရိုးလ်ဘုရင်မလို့ တင်စားခံခဲ့ရတဲ့ အမေရိကန်နိုင်ငံဖွား အဆိုတော် တီနာတာနာဟာ အသက် ၈၃ နှစ်အရွယ်မှာ ကွယ်လွန်သွားခဲ့ပါတယ်။ ၁၉၆၀ ပြည့်နှစ်တွေအတွင်း ခင်ပွန်းသည် အိုင်ကေးနဲ့အတူ နာမည်ကျော်ကြားခဲ့တဲ့ တီနာတာနာဟာ အိမ်တွင်းအကြမ်းဖက်မှု ခံခဲ့ရတာကြောင့် ၁၉၇၈ ခုနှစ်မှာ ကွာရှင်းပြတ်စဲခဲ့ပြီး နောက်ပိုင်းမှာတော့ တစ်ကိုယ်တော်အဆိုတော်အဖြစ် ပိုမိုကျော်ကြားလာခဲ့တာပါ။
The Best ၊ What’s Love Got to Do With It သီချင်းတွေနဲ့အတူ စူပါစတားဖြစ်ခဲ့သူပါ။ သူဟာ ဂရမ်မီဆု ၈ ဆု ဆွတ်ခူးခဲ့ပြီး ၂၀၂၁ ခုနှစ်မှာ ရော့ခ်အန်ရိုးလ် နာမည်ကျော်ပြခန်းမှာ ထည့်သွင်းဂုဏ်ပြုခံခဲ့ရပါတယ်။ တီနာတာနာဟာ ပြီးခဲ့တဲ့နှစ်ပိုင်းအတွင်း လေဖြန်းခဲ့ပြီး ကင်ဆာရောဂါ၊ ကျောက်ကပ်ရောဂါတွေ ခံစားခဲ့ရပါတယ်။
ဘီယွန်ဆေး၊ ဂျက်နက်ဂျက်ဆင်၊ မိုနေး၊ ရီဟားနား အစရှိတဲ့ အဆိုတော်တွေဟာ တီနာတာနာကို လေးစားအားကျရင်း အနုပညာရှင် ဖြစ်လာခဲ့သူတွေပါ။ တီနာတာနာဟာ ရော့ခ်ဂီတမှာ လူဖြူ၊ လူမည်းအမျိုးသမီးအားလုံးကို လမ်းဖွင့်ပေးခဲ့သူ ဖြစ်တယ်လို့ အမေရိကန်အဆိုတော် ဂလိုရီယာဂေနာက ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
